Bæjarráð - 3779

Lögð fram tillaga frá SSNE um gerð fræðsluáætlunar um loftslags- og umhverfismál.

Halla Margrét Tryggvadóttir sviðsstjóri mannauðssviðs og Rut Jónsdóttir forstöðumaður umhverfis- og sorpmála sátu fund bæjarráðs undir þessum lið.

Bæjarráð samþykkir erindið.

Lagt fram minnisblað ásamt verk- og kröfulýsingu varðandi upptökur bæjarstjórnarfunda fyrir tímabilið september 2022 til desember 2024. Verðkönnun var auglýst 10. ágúst sl. með tilboðsfresti til 24. ágúst og bárust tvö tilboð.

Jón Þór Kristjánsson forstöðumaður þjónustu og þróunar sat fund bæjarráðs undir þessum lið.

Bæjarráð samþykkir tilboð Eyrarlands og felur forstöðumanni þjónustu og þróunar að ganga frá samningi við fyrirtækið um upptökur á fundum bæjarstjórnar.

Fylgiskjöl

• Upptökur verðtilboð - minnisblað til birtingar með fundargerð.pdf

Erindi dagsett 23. ágúst 2022 frá Hafsteini S. Hafsteinssyni f.h. umhverfis-, orku- og loftslagsráðuneytisins þar sem tilkynnt er um skipun nýs starfshóps til að skoða og gera tillögur til ráðuneytisins um nýtingu vindorku. Samráðsferli er hafið og er sveitarfélögum boðið að senda sjónarmið sín um málefnið til starfshópsins á netfangið vindorka@urn.is fyrir 30. september næstkomandi.

Bæjarráð vísar málinu til umhverfis- og mannvirkjaráðs og skipulagsráðs og felur ráðunum að koma með tillögu að umsögn fyrir bæjarráð, fyrir fund bæjarráðs 29. september 2022.

Lagt fram til kynningar erindi dagsett 22. ágúst 2022 frá Albertínu Friðbjörgu Elíasdóttur framkvæmdastjóra Samtaka sveitarfélaga og atvinnuþróunar á Norðurlandi eystra, SSNE, þar sem boðað er til aukaþings samtakanna 23. september næstkomandi kl. 11:00-16:45.

Lögð fram til kynningar fundargerð 39. fundar stjórnar SSNE dagsett 17. ágúst 2022.

Fylgiskjöl

• Fundargerð 39. fundar.pdf