Bæjarstjórn - 3523

Tekin fyrir beiðni Málfríðar Stefaníu Þórðardóttur F-lista dagsett 1. febrúar 2023 um að vera leyst undan störfum í bæjarstjórn Akureyrar og öðrum nefndum bæjarins til loka kjörtímabils.

Bæjarstjórn samþykkir lausnarbeiðnina samhljóða með 11 atkvæðum.

Fylgiskjöl

• Málfríður Stefanía Þórðardóttir - lausnarbeiðni.pdf

Lögð fram tillaga L-lista um breytingu á eftirfarandi tilnefningum:

a) þingfulltrúa á Landsþing Sambands íslenskra sveitarfélaga.

Hulda Elma Eysteinsdóttir tekur sæti Gunnars Líndal Sigurðssonar sem þingfulltrúi. Halla Björk Reynisdóttir tekur sæti varaþingfulltrúa í stað Huldu Elmu Eysteinsdóttur.

b) aðalfulltrúa á ársþing SSNE.

Halla Björk Reynisdóttir tekur sæti Gunnars Líndal Sigurðssonar sem aðalfulltrúi. Brynja Hlíf Þorsteinsdóttir tekur sæti varafulltrúa í stað Höllu Bjarkar Reynisdóttur.

Bæjarstjórn samþykkir tillöguna samhljóða með 11 atkvæðum.

Liður 3 í fundargerð bæjarráðs dagsettri 2. febrúar 2023:

Lögð fram tillaga að breytingu á bæjarmálasamþykkt og viðaukum vegna breytinga á barnaverndarlögum nr. 80/2002.

Bæjarráð samþykkir breytingar á bæjarmálasamþykktinni og viðaukum sem tilkomnar eru vegna breytinga á barnaverndarlögum nr. 80/2002 og vísar þeim til umræðu og afgreiðslu í bæjarstjórn.

Hulda Elma Eysteinsdóttir kynnti málið.

Bæjarstjórn samþykkir samhljóða með 11 atkvæðum breytingu á samþykkt um stjórn og fundarsköp og breytingu á viðauka með samþykktinni og vísar málinu til seinni umræðu í bæjarstjórn.

Liður 3 í fundargerð skipulagsráðs dagsettri 25. janúar 2023:

Lögð fram að nýju tillaga að breytingu á Aðalskipulagi Akureyrar 2018-2030 vegna lagningar Dalvíkurlínu 2. Tillagan er lögð fram með breytingum varðandi legu strengsins meðfram frístundabyggð.

Skipulagsráð leggur til við bæjarstjórn að hún samþykki framlagða tillögu að breytingu á aðalskipulagi og að hún verði auglýst skv. 31. gr. skipulagslaga nr. 123/2010.

Halla Björk Reynisdóttir kynnti.

Bæjarstjórn samþykkir samhljóða með 11 atkvæðum að auglýsa tillögu að breytingu á aðalskipulagi Akureyrar 2018-2030 vegna lagningar Dalvíkurlínu 2. skv. 31. gr. skipulagslaga nr. 123/2010.

Fylgiskjöl

• 21330-001 ASK Akureyri DA2-UPPDR (ID 272104).pdf
• BREYTT LEGA STRENGS_21330-001 ASK Akureyri DA2-UPPDR (ID 272104).pdf
• 21330-001 ASK Akureyri DA2-GRG (ID 272045).pdf

Liður 1 í fundargerð bæjarráðs dagsettri 2. febrúar 2023:

Liður 1 í fundargerð skipulagsráðs dagsettri 25. janúar 2023:

Lögð fram endurskoðuð tillaga að húsnæðisáætlun fyrir Akureyrarbæ 2023-2032.

Skipulagsráð leggur til að framlögð húsnæðisáætlun verði samþykkt með þeirri breytingu að gert verði ráð fyrir að félagslegar íbúðir á vegum sveitarfélagins verði árlega 5% af nýju húsnæði og að hagkvæmar íbúðir á viðráðanlegu verði verði árlega 30%. Telur skipulagsráð húsnæðisáætlun því vera í samræmi við rammasamning ríkis og sveitarfélaga um aukið framboð íbúða 2023-2032 og sameiginlega sýn og stefnu í húsnæðismálum.

Málinu er vísað til afgreiðslu bæjarráðs.

Pétur Ingi Haraldsson skipulagsfulltrúi sat fundinn undir þessum lið.

Hulda Elma Eysteinsdóttir, Lára Halldóra Eiríksdóttir, Andri Teitsson og Gunnar Már Gunnarsson sátu fund bæjarráðs undir þessum lið í gegnum fjarfundarbúnað.

Bæjarráð samþykkir að vísa húsnæðisáætlun til umræðu og samþykktar í bæjarstjórn.



Lára Halldóra Eiríksdóttir kynnti og leggur fram svofellda tillögu:

Bæjarstjórn samþykkir að fela bæjarstjóra að hefja samtal við ríki og Húsnæðis- og mannvirkjastofnun um gerð rammasamnings um aukið framboð íbúða á árunum 2023-2032.

Þá tók til máls Sunna Hlín Jóhannesdóttir.

Þá tók til máls Hilda Jana Gísladóttir og leggur fram svofelldar tvær tillögur:

Akureyrarbær mun formlega óska eftir samvinnu við þau nágrannasveitarfélög sem teljast mynda sameiginlegt atvinnusvæði um gerð sameiginlegrar húsnæðisáætlunar fyrir svæðið í samræmi við 1. gr. reglugerðar um húsnæðisáætlanir sveitarfélaga nr. 1248/2018

Bætt verði við húsnæðisáætlun Akureyrarbæjar sérstök greining fyrir Hrísey og Grímsey.

Þá tóku til máls Halla Björk Reynisdóttir, Hilda Jana Gísladóttir, Gunnar Már Gunnarsson og Andri Teitsson.

Tillögur Hildu Jönu Gísladóttur lagðar fram til atkvæðagreiðslu:



Akureyrarbær mun formlega óska eftir samvinnu við þau nágrannasveitarfélög sem teljast mynda sameiginlegt atvinnusvæði um gerð sameiginlegrar húsnæðisáætlunar fyrir svæðið í samræmi við 1. gr. reglugerðar um húsnæðisáætlanir sveitarfélaga nr. 1248/2018.

Tillagan var samþykkt samhljóða með 11 atkvæðum.



Bætt verði við húsnæðisáætlun Akureyrarbæjar sérstök greining fyrir Hrísey og Grímsey.

Tillagan var samþykkt samhljóða með 11 atkvæðum.



Samþykkt var samhljóða með 11 atkvæðum að fresta afgreiðslu málsins til næsta fundar bæjarstjórnar.

Liður 3 í fundargerð bæjarráðs dagsettri 26. janúar 2023:

Liður 6 í fundargerð skipulagsráðs dagsettri 10. janúar 2023:

Lagt fram minnisblað um samanburð á gjaldskrá fyrir gatnagerðargjöld í þéttbýlissveitarfélögum.

Skipulagsráð leggur til við bæjarráð að breyting verði gerð á gjaldskrá gatnagerðargjalda þannig að gjald fyrir fjölbýlishús verði það sama og fyrir önnur íbúðarhús eða 15% í stað 12,5%. Þá er einnig lagt til að á móti lækki gjald fyrir bílakjallara fjölbýlishúsa úr 5,0% í 3,75%. Forsendur þessara breytinga eru þær að uppbygging og rekstur gatnakerfis færist nær því að standa undir sér. Á sama tíma er gert ráð fyrir lækkun á gjaldi fyrir bílakjallara til að hvetja til byggingar þeirra og betri landnýtingar.

Pétur Ingi Haraldsson skipulagsfulltrúi sat fund bæjarráðs undir þessum lið.

Bæjarráð samþykkir með fjórum atkvæðum tillögu skipulagsráðs og vísar henni til umræðu og afreiðslu í bæjarstjórn. Sunna Hlín Jóhannesdóttir B-lista situr hjá.



Halla Björk Reynisdóttir kynnti.

Til máls tóku Sunna Hlín Jóhannesdóttir og Gunnar Már Gunnarsson.

Bæjarstjórn samþykkir með 8 atkvæðum tillögu skipulagsráðs að breytingu á gjaldskrá gatnagerðargjalda og vísar málinu til seinni umræðu í bæjarstjórn.

Sunna Hlín Jóhannesdóttir, Gunnar Már Gunnarsson og Halla Birgisdóttir Ottesen sitja hjá.

Hlé var gert á fundi bæjarstjórnar kl. 17:43.
Fundi var framhaldið kl. 17:47.

Liður 6 í fundargerð bæjarráðs dagsettri 2. febrúar 2023:

Liður 8. í fundargerð bæjarráðs dagsettri 26. janúar 2023:

Liður 2 í fundargerð fræðslu- og lýðheilsuráðs dagsettri 16. janúar 2023:

Lögð fyrir til samþykktar drög að reglum um heimgreiðslur.

Áheyrnarfulltrúar: Andrea Ösp Andradóttir fulltrúi foreldra leikskólabarna, Björg Sigurvinsdóttir fulltrúi leikskólastjóra, Daníel Sigurður Eðvaldsson fulltrúi foreldra grunnskólabarna, Ingi Jóhann Friðjónsson fulltrúi leikskólakennara og Telma Ósk Þórhallsdóttir fulltrúi ungmennaráðs.

Fræðslu- og lýðheilsuráð samþykkir fyrirliggjandi reglur um heimgreiðslur með fimm atkvæðum.

Ásrún Ýr Gestsdóttir V-lista og Ísak Már Jóhannesson S-lista óska að bóka:

Þar sem þær reglur um heimgreiðslur sem hér eru lagðar fram til samþykktar eru í meginatriðum óbreyttar frá drögum sem kynnt voru á fundi þann 21. nóvember sl. vilja undirrituð ítreka bókanir sem gerðar voru við málið á því stigi. Ef koma skal á heimgreiðslum þyrfti það að vera tímabundin lausn meðan byggð verða upp leikskólapláss til að mæta þeirri vöntun sem er og verður til staðar og þá telja undirrituð nauðsynlegt að tekjutengja styrkina svo þeir nýtist aðeins þeim sem á þurfa að halda. Reglurnar eru kynntar sem tilraunaverkefni og því er mikilvægt að það liggi fyrir hvernig árangur tilraunarinnar verður metinn áður en hún hefst.

Kristín Jóhannesdóttir sviðsstjóri fræðslu- og lýðheilsusviðs sat fund bæjarráðs undir þessum lið.

Bæjarráð frestar afgreiðslu og felur Kristínu Jóhannesdóttur sviðsstjóra fræðslu- og lýðheilsusviðs að vinna minnisblað um reglurnar og leggja fyrir næsta fund bæjarráðs.

Bjarki Ármann Oddsson forstöðumaður skrifstofu fræðslu- og lýðheilsusviðs sat fundinn undir þessum lið.

Bæjarráð samþykkir með fjórum atkvæðum fyrirliggjandi reglur um heimgreiðslur með þeim breytingum sem gerðar voru á fundinum og vísar þeim til umræðu og afgreiðslu í bæjarstjórn. Í reglunum er gert ráð fyrir að forráðamenn geti sótt um mánaðarlegar greiðslur sem nemi 105.000 kr. þegar barn nær 12 mánaða aldri. Greiðslur falli niður þegar barni býðst leikskólapláss eða pláss hjá dagforeldri. Hilda Jana Gísladóttir situr hjá.

Hilda Jana Gísladóttir S-lista og Jana Salóme I. Jósepsdóttir V-lista óska bókað: Mikilvægast er að sveitarfélagið tryggi fjölgun leikskólarýma samhliða mati á því hvort og þá hvernig sé hægt að innrita 12 mánaða börn á leikskóla oftar yfir árið, en sérstaklega mikilvægt er að slíkt væri gert í samráði við fagfólk leikskólanna. Við höfum efasemdir um að með biðlistabótum, líkt og hér er um að ræða, sé jafnræðis gætt t.d. gagnvart fötluðu fólki sem er á biðlista eftir lögbundinni þjónustu. Það er óheppilegt að ekki liggi fyrir hvernig meta eigi árangurinn af umræddu tilraunaverkefni. Þá er óeðlilegt að ekki sé framkvæmt jafnréttismat áður en endanleg ákvörðun er tekin.

Sunna Hlín Jóhannesdóttir B-lista óskar bókað: Samþykki að bjóða heimgreiðslur til foreldra og forráðamanna í tilraunaskyni á meðan ekki hefur tekist að brúa bil fæðingarorlofs og leikskóla. Það hefur verið stefna Akureyrarbæjar frá hausti 2021 að innrita 12 mánaða börn inn á leikskóla og ætti því að setja í algjöran forgang að útfæra hvernig hægt sé að innrita 12 mánaða börn oftar yfir árið og eyða biðlistum í stað þess að horfa til heimgreiðslna í framtíðinni.



Heimir Örn Árnason kynnti og leggur fram svofellda tillögu:

Bæjarstjórn samþykkir fyrirliggjandi reglur sem fela í sér heimgreiðslur til foreldra/forráðamanna í tilraunaskyni til að brúa bilið milli fæðingarorlofs og leikskóla eða dagforeldra. Greiðslur falli niður þegar barni býðst leikskólapláss eða pláss hjá dagforeldri.

Hilda Jana Gísladóttir tók til máls og leggur til svofellda tillögu:

Gerð verði greining á árangri tilraunaverkefnisins með sérstakri áherslu á framkvæmd jafnréttismats.

Þá tóku til máls Sunnu Hlín Jóhannesdóttir, Heimir Örn Árnason og Hulda Elma Eysteinsdóttir.

Þá tók til máls Jana Salóme I. Jósepsdóttir og lagði fram svofellda tillögu:

Bæjarstjórn mun koma á laggirnar starfshópi sem falið verður að koma með tillögur um hvernig hægt sé að stíga næstu skref við að brúa bilið milli fæðingarorlofs og leikskóla. Tryggð verði aðkoma fagfólks, foreldra og kjörinna fulltrúa.

Þá tóku til máls Halla Björk Reynisdóttir, Andri Teitsson og Hilda Jana Gísladóttir.

Tillaga Hildu Jönu Gísladóttur S-lista er lögð fram til atkvæða:

Gerð verði greining á árangri tilraunaverkefnisins með sérstakri áherslu á framkvæmd jafnréttismats.

Tillagan var samþykkt með 11 samhljóða atkvæðum.



Tillaga Jönu Salóme I. Jósepsdóttur V-lista er lögð fram til atkvæða:

Bæjarstjórn mun koma á laggirnar starfshópi sem falið verður að koma með tillögur um hvernig hægt sé að stíga næstu skref við að brúa bilið milli fæðingarorlofs og leikskóla. Tryggð verði aðkoma fagfólks, foreldra og kjörinna fulltrúa.

Með tillögunni greiddu 5, á móti greiddu sex. Tillagan var felld.



Þá var tillaga meirihlutans lögð fram:

Bæjarstjórn samþykkir með 8 atkvæðum fyrirliggjandi reglur sem fela í sér heimgreiðslur til foreldra/forráðamanna í tilraunaskyni til að brúa bilið milli fæðingarorlofs og leikskóla eða dagforeldra. Greiðslur falli niður þegar barni býðst leikskólapláss eða pláss hjá dagforeldri.

Hilda Jana Gísladóttir, Jana Salóme I. Jósepsdóttir og Halla Birgisdóttir Ottesen sitja hjá.



Hilda Jana Gísladóttir S-lista og Jana Salóme I. Jósepsdóttir óska bókað:

Mikilvægast er að sveitarfélagið tryggi fjölgun leikskólarýma samhliða mati á því hvort og þá hvernig sé hægt að innrita 12 mánaða börn á leikskóla oftar yfir árið, en sérstaklega mikilvægt er að slíkt væri gert í samráði við fagfólk leikskólanna. Við höfum efasemdir um að með biðlistabótum, líkt og hér er um að ræða, sé jafnræðis gætt t.d. gagnvart fötluðu fólki sem er á biðlista eftir lögbundinni þjónustu. Það er óheppilegt að ekki liggi fyrir hvernig meta eigi árangurinn af umræddu tilraunaverkefni. Þá er óeðlilegt að ekki sé framkvæmt jafnréttismat áður en endanleg ákvörðun er tekin. Þá óttumst við að biðlistabætur komi ekki til með að gagnast öllum, enda fáir sem geta framfleytt sér á 105 þúsund krónum á mánuði.



Sunna Hlín Jóhannesdóttir B-lista og Gunnar Már Gunnarsson B-lista óska bókað:

Við samþykkjum að bjóða heimgreiðslur til foreldra og forráðamanna í tilraunaskyni á meðan ekki hefur tekist að brúa bil fæðingarorlofs og leikskóla. Það hefur verið stefna Akureyrarbæjar frá hausti 2021 að innrita 12 mánaða börn inn á leikskóla og ætti því að setja í algjöran forgang að útfæra hvernig hægt sé að innrita 12 mánaða börn oftar yfir árið og eyða biðlistum í stað þess að horfa til heimgreiðslna í framtíðinni.

Fylgiskjöl

• Reglur um heimgreiðslur til foreldra í Akureyrarbæ 2.2.2023.pdf

Umræða um loftgæði og bílaumferð.

Málshefjandi er Jana Salóme I. Jósepsdóttir og leggur fram svofellda tillögu:

Bæjarstjórn samþykkir að endurskoða núgildandi verklagsreglur vegna svifryksmengunar með það að leiðarljósi að möguleiki sé á að nýta þær heimildir sem fram koma í 2. og 3. mgr. 85 gr. umferðarlaga um takmörkun umferðar vegna loftmengunar. Bæjarstjórn vísar tillögunni til umhverfis- og mannvirkjasviðs.

Til máls tók Andri Teitsson.

Bæjarstjórn samþykkir með 11 samhljóða atkvæðum að við endurskoðun núgildandi verklagsreglna vegna svifryksmengunar með það að markmiði að hafa möguleika á að nýta þær heimildir sem fram koma í 2. og 3. mgr. 85 gr. umferðarlaga um takmörkun umferðar vegna loftmengunar. Bæjarstjórn vísar tillögunni til umhverfis- og mannvirkjasviðs.

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.