Afgreiðslufundur byggingarfulltrúa - 931

Erindi dagsett 26. júlí 2023 þar sem Helgi Ólafsson sækir um niðurrif hluta húss nr. 17 við Strandgötu. Innkomin gögn 25. ágúst 2023.

Byggingarfulltrúi samþykkir niðurrifið með þeim skilyrðum að öll ummerki byggingarinnar verði fjarlægð. Niðurrifið verður tilkynnt til Húsnæðis- og mannvirkjastofnunar eftir að úttekt byggingareftirlits hefur farið fram við verklok skv. 16. gr. Mannvirkjalaga.

Erindi dagsett 29. ágúst 2023 þar sem Fannar Hafsteinsson og Björk Óðinsdóttir sækja um leyfi fyrir bílastæði og úrtaki á kantsteini við hús sitt nr. 8 við Víðimýri. Meðfylgjandi er mynd.

Byggingarfulltrúi samþykkir 6 metra breytt bílastæði með allt að 7 metra úrtaki úr kantsteini með vísun í vinnureglur um leyfi fyrir bílastæðum og úrtökum í kantstein, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf.

Erindi dagsett 7. júlí 2023 þar sem Svavar M. Sigurjónsson fyrir hönd Festi hf. sækir um byggingaráform og byggingarheimild fyrir tæknirými og rafmagnshleðslustöðvum við Drottningarbraut. Meðfylgjandi eru teikningar eftir Svavar M. Sigurjónsson.

Byggingarfulltrúi samþykkir erindið.

Erindi dagsett 20. júlí 2023 þar sem Anna Margrét Hauksdóttir fyrir hönd BF Bygginga ehf. sækir um byggingaráform og byggingarleyfi fyrir fjórum íbúðum á lóð nr. 2 við Höfðahlíð. Innkomnar nýjar teikningar 23. ágúst 2023.

Byggingarfulltrúi samþykkir erindið.

Erindi dagsett 30. júní 2023 þar sem Yngvi Ragnar Kristjánsson fyrir hönd Kötlu ehf. sækir um byggingaráform og byggingarleyfi á lóð nr. 14-16 við Hulduholt. Innkomnar nýjar teikningar 22. ágúst 2023.

Byggingarfulltrúi samþykkir erindið.

Erindi dagsett 19. maí 2023 þar sem Davíð Örn Benediktsson sækir um byggingaráform og byggingarleyfi á lóð nr. 5-7 við Álfaholt. Innkomnar nýjar teikningar 22. ágúst 2023 eftir Magnús Ingvarsson.

Byggingarfulltrúi samþykkir erindið.

Erindi dagsett 12. júlí 2023 þar sem Magnús Valur Benediktsson fyrir hönd Ottós Magnússonar sækir um byggingaráform og byggingarheimild fyrir bílgeymslu við hús á lóð nr. 152 við Byggðaveg. Innkomnar nýjar teikningar 25. ágúst 2023.

Byggingarfulltrúi samþykkir erindið.