Bæjarráð - 3548

Lagður fram ársreikningur Akureyrarbæjar fyrir árið 2016.

Aðalsteinn Sigurðsson endurskoðandi frá Deloitte ehf mætti á fund bæjarráðs undir þessum lið og skýrði ársreikninginn.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Einnig sat bæjarfulltrúinn Eva Hrund Einarsdóttir D-lista fundinn undir þessum lið.

Bæjarráð vísar ársreikningi Akureyrarbæjar fyrir árið 2016 til fyrri umræðu í bæjarstjórn.

Tekið fyrir að nýju, áður á dagskrá bæjarráðs 9. mars sl. en þá frestaði bæjarráð afgreiðslu málsins.

Lögð fram drög að reglum um gerð og meðferð viðauka við fjárhagsáætlun.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagða tillögu að reglum um gerð og meðferð viðauka við fjárhagsáætlun.

Bæjarráð óskar eftir að reglurnar verði kynntar í öllum ráðum og stjórnum bæjarins.

Fylgiskjöl

• Reglur um gerð og meðferð viðauka við fjárhagsáætlun hjá Akureyrarbæ-drög 3.pdf

3. liður í fundargerð skipulagsráðs dagsett 8. mars 2017:

Tekið er til umræðu hvort þörf sé á að endurskoða lögreglusamþykkt fyrir Akureyrarkaupstað, m.a. hvað varðar umferð, númerslausa bíla og lagningu vinnuvéla í húsagötum.

Skipulagsráð beinir því til bæjarstjórnar að lögreglusamþykktin verði endurskoðuð.

Bæjarráð felur bæjarstjóra að vinna að endurskoðun á lögreglusamþykktinni í samvinnu við lögmann.

Lögð fram til kynningar mánaðarskýrsla um stöðugildi, yfirvinnu og fleira.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Rætt um breytingar á reglum um nefndalaun.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð frestar afgreiðslu.

Preben Jón Pétursson Æ-lista vék af fundi kl. 11:45.

Halla Margrét Tryggvadóttir sviðsstjóri stjórnsýslusviðs lagði fram tillögu og minnisblað vegna gerðar gæðastefnu fyrir Akureyrarbæ.

Bæjarráð samþykkir að farið verði í undirbúningsvinnu við gerð gæðastefnu fyrir Akureyrarbæ og að áætlun um innleiðinguna verði lögð fyrir bæjarráð í maí nk.

Lögð fram fundargerð aðalfundar hverfisnefndar Brekku og Innbæjar dagsett 2. mars 2017.

Fundargerðina má finna á netslóðinni:

https://www.akureyri.is/is/stjornkerfid/hverfisnefndir/brekka-og-innbaer/fundargerdir

Bæjarráð vísar 5. lið a, b, c, e, f og g til umhverfis- og mannvirkjasviðs, 5. lið d til skipulagssviðs, 1.- 4. liður eru lagðir fram til kynningar í bæjarráði.

Fylgiskjöl

• Aðalfundur_20170302_Brekka_Innbær.pdf

Erindi ódagsett frá Lánasjóði sveitarfélaga ohf, þar sem boðað er til aðalfundar föstudaginn 24. mars 2017 kl. 16:00 á Grand Hótel Reykjavík. Vakin er athygli á því að rétt til að sækja aðalfund eiga allir sveitarstjórnarmenn.

Bæjarráð felur bæjarstjóra að fara með umboð Akureyrarbæjar á fundinum.

Fylgiskjöl

• Lánasjóður sveitarfélaga - fundarboð á aðalfund 2017.pdf

Lagt fram til kynningar erindi dagsett 10. mars 2017 frá allsherjar- og menntamálanefnd Alþingis þar sem óskað er umsagnar um frumvarp til laga um orlof húsmæðra (afnám laganna), 119. mál 2017.

Þess er óskað að undirrituð umsögn berist eigi síðar en 24. mars nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/146/s/0178.html

Fylgiskjöl

• Frumvarp til laga um orlof húsmæðra (afnám laganna), 119. mál