Bæjarráð - 3791

Lögð fram drög að samningi vegna umdæmisráðs barnaverndar á landsbyggðinni sem mun taka til starfa 1. janúar 2023.

Halldóra Kristín Hauksdóttir lögfræðingur á velferðarsviði og Vilborg Þórarinsdóttir forstöðumaður barnaverndar sátu fund bæjarráðs undir þessum lið.

Bæjarráð samþykkir framlögð drög að samningi vegna umdæmisráðs barnaverndar á landsbyggðinni og felur bæjarstjóra að undirrita samninginn þegar lokaútgáfa liggur fyrir og leggja fyrir bæjarstjórn.

Lagðar fram tillögur að útfærslu styttingar vinnutíma félagsmanna í Skólastjórafélagi Íslands sem starfa í Brekkuskóla, Giljaskóla og Hríseyjarskóla.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum dagskrárlið.

Bæjarráð samþykkir tillögur að útfærslu styttingar vinnutíma félagsmanna í Skólastjórafélagi Íslands sem starfa í Brekkuskóla, Giljaskóla og Hríseyjarskóla með gildistíma frá 1 september 2022.

Lögð fram tillaga um verklag við framkvæmd ákvæða kjarasamninga Sambands íslenskra sveitarfélaga um starfslok vegna aldurs.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir framlagða tillögu að verklagi við framkvæmd ákvæða kjarasamninga Sambands íslenskra sveitarfélaga um starfslok vegna aldurs.

Rætt um innleiðingu stjórnsýslubreytinga hjá Akureyrarbæ.

Hulda Sif Hermannsdóttir aðstoðarmaður bæjarstjóra sat fund bæjarráðs undir þessum lið.

Lögð fram drög að fundaáætlun bæjarráðs fyrir árið 2023.

Bæjarráð samþykkir framlagða fundaáætlun bæjarráðs fyrir árið 2023.

Fylgiskjöl

• Bæjarráð fundaáætlun 2023.pdf

Lögð fram tillaga að breytingu á skipan fulltrúa í starfshóp um borgarstefnu.

Málið var áður á dagskrá bæjarráðs 11. október 2022 og voru Lára Halldóra Eiríksdóttir og Gunnar Már Gunnarsson tilnefnd sem fulltrúar Akureyrarbæjar.

Bæjarráð samþykkir að Ásthildur Sturludóttir bæjarstjóri taki sæti í starfshópi um borgarstefnu í stað Láru Halldóru Eiríksdóttur.

Lagt fram til kynningar erindi dagsett 25. nóvember 2022 frá innviðaráðuneytinu þar sem greint er frá því að gænbók í sveitarstjórnarmálum með stöðumati og valkostum sveitarstjórnarstigsins til framtíðar sé komin í samráðsgátt stjórnvalda. Frestur til að senda inn ábendingar er til 16. desember næstkomandi.

SSNE leitar til sveitarfélaga á starfsvæði SSNE og óskar eftir upplýsingum um almenningssamgöngur, þær leiðir sem nú eru keyrðar og hugmyndum um hvernig hægt er að auka notkun þeirra. Leitast er eftir því við sveitarfélögin að umbeðnar upplýsingar berist til SSNE fyrir 18. janúar næstkomandi.

Bæjarráð felur bæjarstjóra að veita umbeðnar upplýsingar í samráði við hverfisráð Hríseyjar og Grímseyjar og framhaldsskólana á starfssvæði SSNE.

Lögð fram til kynningar fundargerð 915. fundar stjórnar Sambands íslenskra sveitarfélaga dagsett 25. nóvember 2022.

Fylgiskjöl

• stjórn Sambands íslenskra sveitarfélaga - 915.pdf

Lagt fram til kynningar erindi dagsett 28. nóvember 2022 frá efnahags- og viðskiptanefnd Alþingis þar sem óskað er umsagnar um frumvarp til laga um breytingu á lögum um tekjustofna sveitarfélaga, nr. 4/1995 (gjaldstofn fasteignaskatts), 63. mál 2022.

Þess er óskað að undirrituð umsögn berist eigi síðar en 12. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/153/s/0063.pdf

Tekin fyrir drög að svæðisáætlun um meðhöndlun úrgangs á Norðurlandi 2023-2036 en ráðist var í endurskoðun á áætluninni í samstarfi sveitarfélaganna á Norðurlandi eystra og vestra og hefur Stefán Gíslason hjá Environice unnið að endurskoðun í samstarfi við SSNE og sveitarfélögin.

Bæjarráð felur bæjarstjóra og forstöðumanni umhverfis- og sorpmála að hefja samtal við önnur sveitarfélög við Eyjafjörð varðandi útfærslur og hugsanlegt samstarf eða samlegðaráhrif vegna nýrra laga er taka gildi um næstkomandi áramót.