Fræðsluráð - 17

Á fundi bæjarstjórnar Akureyrarbæjar 17. september 2019 var samskiptasáttmáli kjörinna fulltrúa samþykktur.

Eva Hrund Einarsdóttir bæjarfulltrúi kom til fundarins, kynnti samskiptasáttmálann og svaraði fyrirspurnum.

Fylgiskjöl

• Samskiptasáttmáli kjörinna fulltrúa samþykktur í bæjarstjórn 17.09.19.pdf

Formaður fræðsluráðs, Ingibjörg Ólöf Isaksen, kynnti drög að skýrslunni Brúum bilið.

Á fundi bæjarráðs þann 19. september 2019 var 1. lið fundargerðar viðtalstíma bæjarfulltrúa frá 12. september vísað til umsagnar í fræðsluráði og frístundaráði.

Helgi Vilberg Hermannsson og Soffía Sævarsdóttir ræddu myndlistakennslu á Akureyri og vildu heyra hugmyndir bæjarstjórnar um myndlistarnám barna og unglinga. Óska þau eftir aðkomu Akureyrarbæjar að rekstri Myndlistaskólans á Akureyri vegna námskeiða fyrir börn og unglinga.



Í skýrslu starfshóps um aðkomu Akureyrarbæjar að listnámi frá því í ágúst 2019 segir um listnám barna og ungmenna:

a) Á yfirstandandi ári verði gerðar tilraunir með aukið framboð í listnámi barna í tengslum við verkefnið „samfelldur skóladagur barna í 1.- 4. bekk“ sem nú er að fara af stað. Starfsmenn á fræðslusviði og samfélagssviði og ungmennaráð vinni með verkefnisstjóra samfellds vinnudags að undirbúningi og hugmyndavinnu um fyrirkomulag aukins framboðs á listnámi fyrir börn.

Fræðsluráð styður ofangreinda tillögu og leggur til að fjármunum til listnáms barna og ungmenna verði varið í eflingu listnáms í verkefninu um samfelldan skóladag barna í 1.- 4. bekk.

Árni K. Bjarnason forstöðumaður rekstrar lagði fram og kynnti áætlun um breytingar á rekstri fræðslumála fyrir árin 2021-2023.

Vegna breytinga á íþróttarsal/samkomusal Glerárskóla er þörf á nýjum búnaði svo salurinn geti nýst til samkomuhalds.

Fræðsluráð samþykkir að millifærðar verði kr. 4.000.000 af kostnaðarstöð 1041700 yfir á Glerárskóla (kostnaðarst. 1042130). Við úthlutun vegna búnaðarkaupa 2020 verði horft til þess sem út af stendur.

Árni K. Bjarnason forstöðumaður rekstrar kynnti stöðu rekstrar fræðslumála frá janúar fram í ágúst 2019.

Yfirlit um yfirvinnu á fræðslusviði fyrir tímabilið frá janúar til september 2019 lagt fram til kynningar.