Stjórn Akureyrarstofu - 303

Bryndís Elfa Valdemarsdóttir skrifstofustjóri og jafnréttisráðgjafi kynnti nýja mannréttindastefnu Akureyrarbæjar.

Stjórn Akureyrarstofu þakkar Bryndísi fyrir greinargóða kynningu.

Fylgiskjöl

• Mannrettindastefna_Akureyrarbaejar_2020-2023_samth_170320.pdf

Samningur við Gilfélagið um leigu á Deiglunni lagður fram til umræðu.

Inga Þöll Þórgnýsdóttir bæjarlögmaður sat fundinn undir þessum lið.

Afgreiðslu frestað til næsta fundar.

Farið yfir stöðu á vinnu við gerð starfs- og fjárhagsáætlunar 2021.

Þegar markaðs- og vöruþróunarátak fyrir sumarið 2020 var í undirbúningi var lagt upp með að aukaúthlutun úr Menningarsjóði færi fram nú í haust. Rætt um fyrirkomulag og áherslur hennar. Áætlað er að 5 m.kr. fari til úthlutunarinnar.

Stjórnin felur forstöðumanni Akureyrarstofu að útfæra ramma og viðmið fyrir úthlutunina. Stjórnin leggur áherslu á verkefni sem eru atvinnuskapandi sem og viðburði sem svala þorsta bæjarbúa og gesta eftir því að njóta menningar. Horft verður sérstaklega til lausna í viðburðahaldi sem taka mið af síbreytilegu umhverfi sóttvarna á tímum COVID-19.

Þórgnýr Dýrfjörð forstöðumaður Akureyrarstofu kynnti hugmyndir um áframhaldandi markaðs- og ferðaþjónustuátak fyrir veturinn 2020/2021.

Stjórnin felur starfsfólki Akureyrarstofu að vinna áfram að markaðssátaki fyrir komandi vetur og leiða saman hagsmunaðila í ferðaþjónustu, verslun, menningar- og afþreyingargeira. Farið verði í sameiginlega kynningu á Akureyri sem vetraráfangastað og stuðlað að þróun tilboða og viðburða sem taki mið af ólíkum tímabilum vetrarins, til dæmis í tengslum við jólaverslun, leikhús, skíði og útivist.

Þórgnýr Dýrfjörð forstöðumaður Akureyrarstofu gerði grein fyrir hugmyndum um áframhaldandi markaðssetningu á íbúamarkaði og vinnu við samkeppnisgreiningu.

Fundargerð stjórnar SSNE nr. 11 lögð fram til kynningar.

Fylgiskjöl

• 11. fundur stjórnar SSNE.pdf

Fundargerðir stjórnar Markaðstofu Norðurlands frá 5. júní og 13. júlí 2020 lagðar fram til kynningar.

Fylgiskjöl

• stjornarfundur-mn-05062020.pdf
• stjornarfundur-mn-13072020.pdf