Velferðarráð - 1326

Lögð fram drög að breytingum á reglum um sérstakan húsnæðisstuðning.

Pálína Ásbjörnsdóttir húsnæðisfulltrúi kynnti minnisblað sitt dagsett 7. október 2020.

Anna Marit Níelsdóttir forstöðumaður í félagsþjónustu sat fundinn undir þessum lið.

Velferðarráð samþykkir breytingar á reglum um sérstakan húsnæðisstuðning fyrir sitt leyti og vísar málinu áfram til bæjarráðs.

Lögð fram drög að reglum Akureyrarbæjar um sérstaka íþrótta- og tómstundastyrki fyrir börn frá tekjulágum heimilum skólaárið 2020-2021. Halldóra K. Hauksdóttir lögfræðingur kynnti minnisblað sitt dagsett 7. október 2020.

Anna Marit Níelsdóttir forstöðumaður í félagsþjónustu sat fundinn undir þessum lið.

Velferðarráð samþykkir reglur um sérstaka íþrótta- og tómstundastyrki fyrir sitt leyti og vísar áfram til bæjarstjórnar.

Nýr aðalmaður skipaður í stjórn Fjölsmiðjunnar á Akureyri í stað Friðbjargar Sigurjónsdóttur sem setið hefur í stjórninni sem aðalmaður fyrir Akureyrarbæ.

Velferðarráð samþykkir að skipa Arnar Þór Jóhannesson sem aðalmann í stjórn Fjölsmiðjunnar á Akureyri fyrir hönd Akureyrarbæjar.

Lagt fram til kynningar rekstraryfirlit búsetusviðs, fjölskyldusviðs og Öldrunarheimila Akureyrar janúar - ágúst 2020.

Lúðvík Freyr Sæmundsson rekstrarstjóri ÖA sat fundinn undir þessum lið.

Lagt fram bréf til búsetusviðs Akureyrarbæjar dagsett 29. september 2020 þar sem Halldór S. Guðmundsson framkvæmdastjóri ÖA greinir frá að lagt sé til að eldhús ÖA leggi af framleiðslu á mat í matarbökkum frá og með nk. áramótum. Um er að ræða svokallaðan "heimsendan mat" sem búsetusvið selur og annast dreifingu á heim til eldra fólks.

Lúðvík Freyr Sæmundsson rekstrarstjóri ÖA sat fundinn undir þessum lið.

Velferðarráð felur sviðsstjóra búsetusviðs að vinna að málinu áfram og upplýsa ráðið um framgang þess.

Lögð fram samantekt um Aðstandendaskóla fyrir maka og fullorðin börn einstaklinga með heilabilun og starfsemina veturinn 2019-2020.

Helga Guðrún Erlingsdóttir hjúkrunarforstjóri ÖA sat fundinn undir þessum lið.

Fylgiskjöl

• Aðstandendaskóli á Öldrunarheimilum Akureyrar samantekt veturinn 2019-2020.pdf

Lögð fram beiðni um viðauka við fjárhagsáætlun. Lagt er til að hækka fjárhagsáætlun notendastýrðrar persónulegrar aðstoðar og þjónustukjarnans við Klettaborg. Að auki er lagt til að tekjuauki verði gerður vegna þjónustukjarnans í Hafnarstræti 28-30.

Málið var áður á dagskrá 16. september 2020.

Velferðarráð samþykkir viðaukann fyrir sitt leyti og vísar málinu áfram til bæjarráðs.