Bæjarráð - 3502

Lagður fram ársreikningur Akureyrarbæjar fyrir árið 2015.

Hólmgrímur Bjarnason og Aðalsteinn Sigurðsson endurskoðendur frá Deloitte ehf mættu á fund bæjarráðs undir þessum lið og skýrðu ársreikninginn.

Dan Jens Brynjarsson fjármálastjóri sat fund bæjarráðs undir þessum lið ásamt Njáli Trausta Friðbertssyni bæjarfulltrúa D-lista.

Bæjarráð vísar ársreikningi Akureyrarbæjar fyrir árið 2015 til fyrri umræðu í bæjarstjórn.

Lagt fram minnisblað dagsett 21. mars 2016 frá Katrínu Björgu Ríkarðsdóttur aðstoðarmanni bæjarstjóra varðandi reglur um styrkveitingar nefnda.

Katrín Björg sat fund bæjarráðs undir þessum lið og fór yfir reglurnar.

Bæjarráð þakkar kynninguna og beinir því til nefnda að yfirfara verklag styrkveitinga.

Jafnframt felur bæjarráð bæjarstjóra að vinna að því að samræmdar verði flokkanir á styrkveitingum og útbúinn verði gagnagrunnur til þess að halda utan um allar styrkveitingar frá bænum. Gagnagrunn sem heldur utan um söguna og auðveldar þá aðgengi nefndarmanna og bæjarfulltrúa að gögnum.



Sóley Björk Stefánsdóttir V-lista óskar bókað:

Ég skora á bæjarráð að setja upplýsingar um allar styrkveitingar Akureyrarbæjar á einn stað á vef bæjarins, framsettar með aðgengilegum hætti.

Rætt um dóm Héraðsdóms Reykjavíkur í máli nr. E-125/2015 VR gegn íslenska ríkinu um að óheimilt hafi verið að skerða réttindi til greiðslu atvinnuleysisbóta með því að stytta bótatímabilið.

Dóminn má finna á netslóðinni:

https://www.heradsdomstolar.is/default.aspx?pageid=347c3bb1-8926-11e5-80c6-005056bc6a40&id=45911715-fda6-4a09-9010-ba3a3a8c894a

Bæjarráð felur bæjarstjóra að vinna að málinu.

Lagt fram til kynningar erindi dagsett 5. apríl 2016 frá Västerås þar sem tveimur fulltrúum Akureyrarbæjar er boðið á árlegt tenglamót sem nú er haldið í Västerås dagana 9. og 10. júní nk.

Erindi dagsett 5. apríl 2016 frá Kára Arnóri Kárasyni f.h. stjórnar Stapa lífeyrissjóðs þar sem boðað er til ársfundar sjóðsins miðvikudaginn 4. maí nk. í Menningarhúsinu Hofi, Akureyri og hefst fundurinn kl. 14:00.

Bæjarráð felur bæjarstjóra að fara með umboð Akureyrarbæjar á fundinum.

Lagðar fram fundargerðir 57. og 58. fundar hverfisnefndar Lunda- og Gerðahverfis dagsett 17. desember 2015 og 30. mars 2016.

Fundargerðirnar má finna á netslóðinni:

https://www.akureyri.is/is/stjornkerfi/stjornsysla/hverfisnefndir/lunda-og-gerdahverfi/fundargerdir

Fundargerð 57. fundar er lögð fram til kynningar í bæjarráði.

Bæjarráð vísar 1. og 2. lið fundargerð 58. fundar til skipulagsdeildar, önnur mál lögð fram til kynningar í bæjarráði.