Stjórn Akureyrarstofu - 178

Íþróttafélagið Þór verður 100 ára á næsta ári. Af því tilefni vill félagið gera árlega þrettándagleði sína sérstaklega vel úr garði og sækir um 300.000 kr. styrk.

Stjórn Akureyrarstofu samþykkir að veita Íþróttafélaginu Þór 200.000 kr. styrk vegna viðburðarins.

Margir samstarfssamningar um menningarmál renna út um áramótin.\nLagt var fram til kynningar yfirlit yfir samstarfssamninga um menningarmál.

Akureyrarbær hefur komið á laggirnar vinnuhópi til að endurskoða reglur um útimarkaði og sölutjöld á Akureyri. Akureyrarstofa á að skipa einn fulltrúa í vinnuhópinn.

Stjórn Akureyrarstofu samþykkir að tilnefna menningar- og viðburðafulltrúa Akureyrarstofu sem fulltrúa sinn í nefndinni.

Framkvæmdastjóra Akureyrarstofu og formanni stjórnar var falið að ræða við Fasteignir Akureyrarbæjar um að leggja grunn að sjóði til listaverkakaupa.