Bæjarráð - 3300

Kynning á tillögu að breytingu á deiliskipulagi syðsta hluta miðbæjarskipulagsins sem nú er í gildi. Tillagan er unnin af Árna Ólafssyni frá Teiknistofu arkitekta ehf, dags. 30. nóvember 2011.\nÁ fund bæjarráðs mættu Árni Ólafsson arkitekt og Pétur Bolli Jóhannesson skipulagsstjóri.\nEinnig sat Inda Björk Gunnarsdóttir bæjarfulltrúi L-lista fundinn undir þessum lið.

<DIV>Bæjarráð þakkar þeim Árna og Pétri Bolla fyrir kynninguna.</DIV>

Kynning á ákvæðum í nýjum sveitarstjórnarlögum um áheyrnarfulltrúa í nefndum skv. 50. og 51. gr. laganna\nInga Þöll Þórgnýsdóttir bæjarlögmaður mætti á fundinn undir þessum lið.

<DIV><DIV><DIV>Bæjarráð þakkar Ingu Þöll fyrir kynninguna.</DIV><DIV>Bæjarráð felur formanni bæjarráðs, bæjarstjóra og bæjarlögmanni að vinna drög að erindisbréfi fyrir áheyrnarfulltrúa og leggja fyrir bæjarráð.</DIV></DIV></DIV>

Lagt fram til kynningar bréf dags. 25. nóvember 2011 frá Fjármálaeftirlitinu varðandi ákvæði í 6. gr. samþykkta um Lífeyrissjóð starfsmanna Akureyrarbæjar um endurskoðanda sjóðsins og skipun endurskoðunarnefndar.\nInga Þöll Þórgnýsdóttir bæjarlögmaður sat fundinn undir þessum lið.

<DIV></DIV>

Erindi dags. 21. nóvember 2011 frá Ingvari Þóroddssyni yfirlækni Endurhæfingardeildar FSA þar sem óskað er eftir því að skoðaður verði sá möguleiki að Akureyrarbær og FSA geti í sameiningu staðið að rekstri líknardeildar á Dvalarheimilinu Hlíð.

<DIV>Bæjarráð felur bæjarstjóra að vinna áfram að málinu.</DIV>

Lagt fram erindi dags. 22. nóvember 2011 frá Þorsteini E. Arnórssyni fyrir hönd stjórnar Iðnaðarsafnsins þar sem óskað er eftir styrk frá Akureyrarbæ til að gera upp laun safnstjóra.\nAndrea Sigrún Hjálmsdóttir V-lista vék af fundi við umræðu og afgreiðslu þessa liðar.

<DIV><DIV>Bæjarráð getur ekki orðið við erindinu, en felur bæjarstjóra og formanni stjórnar Akureyrarstofu að ræða við bréfritara um framtíðaráform stjórnar safnsins.</DIV></DIV>

Dan Jens Brynjarsson fjármálastjóri lagði fram tillögu dags. 2. desember 2011 um afskriftir krafna vegna áranna 2007, 2008, 2009 og eldri ára að fjárhæð kr. 15.603.393.

<DIV><DIV>Bæjarráð samþykkir tillögu fjármálastjóra.</DIV></DIV>

Þegar hér var komið vék Tryggvi Þór Gunnarsson L-lista af fundi kl. 11:27.

Lagt fram til kynningar yfirlit um rekstur aðalsjóðs frá janúar til október 2011.

<DIV></DIV>