Bæjarráð - 3687

Kristín Baldvinsdóttir verkefnastjóri áætlana á fjársýslusviði kynnti minnisblað um breytingar á reiknuðu tímagjaldi íþróttamannvirkja út frá raunkostnaði við rekstur þeirra. Breytingin snertir reiknaðan kostnað til skóla og íþróttafélaga sem greiða raunkostnað við notkun mannvirkjanna.

Dan Jens Brynjarsson sviðsstjóri stjórnsýslusviðs sat fund bæjarráðs undir þessum lið.

Lagður fram viðauki 9.

Dan Jens Brynjarsson sviðsstjóri fjársýslusviðs og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Bæjarráð samþykkir viðaukann með fimm samhljóða atkvæðum og vísar honum til staðfestingar í bæjarstjórn.

Lagt fram minnisblað frá Vinnumálastofnun Norðurlandi eystra um samstarf við Akureyrarbæ í tengslum við atvinnumál fólks með skerta starfsgetu.

Halla Margrét Tryggvadóttir sviðsstjóri stjórnsýslusviðs og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

Erindi dagsett 9. júní 2020 þar sem Friðrik J. Arngrímsson löggiltur skipasali f.h. Sæbóls fjárfestingafélags ehf. býður Akureyrarbæ forkaupsrétt að Önnu EA-305, skipaskrárnúmer 2870, með vísan til 3. mgr. 12. gr. laga nr. 116/2006 um stjórn fiskveiða.

Sæból fjárfestingafélag ehf., kt. 551007-1030, Glerárgötu 30, Akureyri, hefur samþykkt kauptilboð í skipið. Verði af sölu skipsins verður það selt án aflahlutdeildar og aflareynslu.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir með fimm samhljóða atkvæðum að nýta ekki forkaupsréttinn.

Bæjarráð samþykkti á fundi 7. maí sl. að veita 50% afslátt af húsaleigu mánuðina mars, apríl og maí til ferðaþjónustuaðila sem leigja húsnæði af Akureyrarbæ. Jafnframt var samþykkt að fella niður leigu til þriðja aðila í húsnæði Akureyrarbæjar sem lokað var vegna fyrirmæla Almannavarna, þann tíma sem lokunin varði. Áætlað var að ákvörðun um framhald yrði tekin fyrir 1. júní sl.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir með fimm samhljóða atkvæðum að veita 50% afslátt af húsaleigu júnímánaðar til ferðaþjónustuaðila sem leigja húsnæði af Akureyrarbæ en frekari afslættir verða ekki veittir vegna tekjufalls undanfarinna mánaða.

Lagt fram minnisblað frá Menningarfélagi Akureyrar dagsett 29. apríl 2020 þar sem óskað er eftir breytingum á framlagi bæjarins til MAk vegna afleiðinga samkomubanns. Málið var áður á dagskrá bæjarráðs 4. júní sl. og var afgreiðslu þá frestað.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir með fimm samhljóða atkvæðum að veita Menningarfélagi Akureyrar styrk sem nemur lækkun leigu félagsins til þriðja aðila í samræmi við samþykktir bæjarins um afslátt á leigu samanber samþykkt á fundi bæjarráðs 7. maí sl. og lið 5 hér að framan. Bæjarráð felur sviðsstjóra fjársýslusviðs að útbúa viðauka vegna málsins.

Erindi dagsett 6. mars 2020 þar sem Vigfús Björnsson fyrir hönd Hörgársveitar leggur inn tillögu að skipulagi fyrir Lækjarvelli í Hörgársveit. Einnig lagt fram minnisblað Péturs Inga Haraldssonar sviðsstjóra skipulagssviðs dagsett 29. maí 2020.

Pétur Ingi Haraldsson sat fund bæjarráðs undir þessum lið.

Bæjarráð telur rétt að bjóða Hörgársveit að kaupa umræddan hluta af landi Blómsturvalla og felur bæjarstjóra að ræða við sveitarstjóra Hörgársveitar.

Fylgiskjöl

• Lækjarvellir - tillaga I-II-Default-000
• Lækjarvellir 2, Hörgársveit - afstaða landeiganda til deiliskipulagsbreytingar.pdf

Lögð fram að nýju drög að vefstefnu sem samþykkt voru í bæjarráði 30. janúar sl. Drögin voru þá send til umsagnar í fastanefndum. Engar athugasemdir bárust.

Bæjarráð samþykkir vefstefnuna með fimm samhljóða atkvæðum og vísar henni til afgreiðslu í bæjarstjórn.

Erindi dagsett 8. júní 2020 frá Orra Vésteinssyni prófessor við Háskóla Íslands þar sem hann óskar eftir leyfi Akureyrarbæjar sem landeiganda til áframhaldandi fornleifarannsókna í Hrísey. Rannsóknirnar snúa að bæjarstæði Saltness annars vegar og hins vegar að nokkrum garðmótum kringum Miðbæ. Verkið hófst í fyrra en náðist ekki að ljúka því. Um er að ræða samstarfsverkefni Minjasafnsins á Akureyri og Háskóla Íslands og er liður í heildstæðri úttekt á mannvistarleifum í Hrísey sem skipulögð er til fleiri ára.

Bæjarráð gerir ekki athugasemdir við fyrirhugaðar rannsóknir og felur forstöðumanni upplýsinga- og þjónustudeildar að koma upplýsingum um áformin til hverfisráðs Hríseyjar og skrifstofu bæjarins í Hrísey.

Erindi dagsett 2. júní 2020 frá Jóhanni Steinari Jóhannssyni f.h. stjórnar Stapa lífeyrissjóðs þar sem boðað er til ársfundar sjóðsins þriðjudaginn 30. júní nk. Fundurinn verður haldinn í Menningarhúsinu Hofi á Akureyri og hefst kl. 14:00.

Bæjarráð felur bæjarstjóra að fara með atkvæði bæjarins á fundinum.

Fylgiskjöl

• Stapi - fundarboð - 30. júní 2020

Lögð fram til kynningar fundargerð 10. fundar stjórnar Samtaka sveitarfélaga og atvinnuþróunar á Norðurlandi eystra dagsett 2. júní 2020. Einnig lögð fram til kynningar fundargerð 8. fundar stjórnarinnar dagsett 8. apríl 2020.

Fundargerðir stjórnarinnar er að finna á eftirfarandi slóð: https://www.ssne.is/is/fundargerdir/stjorn-ssne