Bæjarráð - 3884

Lagður fram viðauki 2.

Kristín Baldvinsdóttir forstöðumaður hagþjónustu og áætlanagerðar sat fund bæjarráðs undir þessum lið.

Bæjarráð samþykkir viðauka 2 og vísar honum til staðfestingar í bæjarstjórn.

Umfjöllun um fyrirkomulag veitingar mannréttindaviðurkenningar Akureyrarbæjar árið 2025.

Birna Eyjólfsdóttir forstöðumaður mannauðsmála sat fund bæjarráðs undir þessum lið.

Bæjarráð felur forstöðumanni mannauðsmála að auglýsa eftir tilnefningum vegna mannréttindaviðurkenningar Akureyrarbæjar 2025.

Rætt um vinnu við mótun og innleiðingu nýrra þjónustuviðmiða hjá Akureyrarbæ.

Sumarliði Helgason sviðsstjóri þjónustu- og menningarsviðs og Jón Þór Kristjánsson forstöðumaður þjónustu og þróunar sátu fund bæjarráðs undir þessum lið.

Lagt fram til kynningar.

Rætt um framkvæmd og kynntar niðurstöður Fyrirtækjaþings Akureyrar sem haldið var í Hofi 13. febrúar síðastliðinn. Stjórnendur á fimmta tug fyrirtækja og stofnana komu saman til að ræða framtíð atvinnulífs á svæðinu.

Þórgnýr Dýrfjörð forstöðumaður atvinnu- og menningarmála, Indiana Ása Hreinsdóttir verkefnastjóri upplýsingamiðlunar og Díana Jóhannsdóttir verkefnastjóri hjá SSNE sátu fund bæjarráðs undir þessum lið.

Bæjarráð lýsir yfir ánægju með fyrirtækjaþingið og þakkar þátttakendum fyrir góða og gagnlega vinnu. Bæjarráð felur forstöðumanni atvinnu- og menningarmála að vinna málið áfram og leggja fram tillögur að næstu skrefum.

Lagt fram erindi dagsett 19. febrúar 2025 þar sem Halldór Halldórsson f.h. Súlna björgunarsveitar á Akureyri óskar eftir því að samningur Akureyrarbæjar og björgunarsveitarinnar verið endurnýjaður.

Bæjarráð tekur jákvætt í að gerður verði nýr samningur við Súlur. Sviðsstjóra fjársýslusviðs er falið að vinna drög að samningi og leggja fyrir bæjarráð.

Erindi dagsett 6. mars 2025 þar sem Gunnar Örn Kristjánsson f.h. Fóðurverksmiðjunnar Laxár hf. boðar til aðalfundar miðvikudaginn 26. mars 2025 kl. 13:30.

Bæjarráð felur Dan Jens Bynjarssyni sviðsstjóra fjársýslusviðs að fara með atkvæði bæjarins á aðalfundinum.

Fylgiskjöl

• Fóðurverksmiðjan Laxá - Aðalfundarboð 2025.pdf

Lögð fram til kynningar fundargerð 970. fundar stjórnar Sambands íslenskra sveitarfélaga sem haldinn var þriðjudaginn 25. febrúar 2025.

Fylgiskjöl

• stjórn Sambands íslenskra sveitarfélaga - 970.pdf

Lagt fram til kynningar erindi dagsett 6. mars 2025 frá umhverfis- og samgöngunefnd Alþingis þar sem óskað er umsagnar um frumvarp til laga um vegalög (þjóðferjuleiðir), 120. mál.

Þess er óskað að undirrituð umsögn berist eigi síðar en 20. mars nk.

Umsagnaraðilar geta sent umsögn í gegnum umsagnagátt Alþingis: umsagnir.althingi.is.

Verði því ekki við komið er einnig mögulegt að senda umsagnir á umsagnir@althingi.is

Þingskjalið er hægt að sækja á vef Alþingis: https://www.althingi.is/altext/156/s/0120.html

Bæjarráð felur bæjarstjóra að senda inn umsögn vegna málsins.

Lagt fram til kynningar erindi dagsett 6. mars 2025 frá umhverfis- og samgöngunefnd Alþingis þar sem óskað er umsagnar um tillögu til þingsályktunar um breytingu á þingsályktun nr. 24/152 um áætlun um vernd og orkunýtingu landsvæða, 101. mál 2025. Þess er óskað að undirrituð umsögn berist eigi síðar en 20. mars nk.

Umsagnaraðilar geta sent umsögn í gegnum umsagnagátt Alþingis: umsagnir.althingi.is.

Verði því ekki við komið er einnig mögulegt að senda umsagnir á umsagnir@althingi.is