Afgreiðslufundur byggingarfulltrúa - 892

Erindi dagsett 14. október 2022 þar sem Ragnar Freyr Guðmundsson f.h. LF1 ehf., sækir um leyfi fyrir breytingum á innra skipulagi í húsi nr. 102 við Hafnarstræti. Innkomnar nýjar teikningar eftir Ragnar Frey Guðmundsson 10. nóvember 2022.

Byggingarfulltrúi samþykkir erindið.

Erindi dagsett 16. nóvember 2022 þar sem Fanney Hauksdóttir fyrir hönd Eyjólfs Magnúsar Kristinssonar sækir um byggingarleyfi fyrir sólskála við hús nr. 2 við Hvassaland. Meðfylgjandi eru teikningar eftir Fanneyju Hauksdóttur.

Byggingarfulltrúi samþykkir erindið.

Erindi dagsett 23. nóvember 2022 þar sem Sigurður Ingi Kristófersson sækir um byggingarleyfi fyrir svölum á hús nr. 29 við Brekkugötu og breytta notkun á rýmum. Meðfylgjandi eru teikningar eftir Sigurð Inga Kristófersson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 24. nóvember 2022 þar sem Valþór Brynjarsson fyrir hönd Rafmanna ehf. sækir um byggingarleyfi fyrir viðbyggingu við hús nr. 6C við Frostagötu. Meðfylgjandi eru teikningar eftir Valþór Brynjarsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 24. nóvember 2022 þar sem Kári Magnússon fyrir hönd G34 fasteigna ehf. sækir um byggingarleyfi fyrir hjólageymslu á lóð nr. 34 við Glerárgötu. Meðfylgjandi eru teikningar eftir Kára Magnússon.

Byggingarfulltrúi óskar umsagnar skipulagsráðs um erindið.

Erindi dagsett 28. nóvember 2022 þar sem Rósa Guðjónsdóttir sækir um úrtak úr kantsteini við hús nr. 141 við Byggðaveg. Meðfylgjandi er skýringarmynd.

Byggingarfulltrúi samþykkir bílastæði með 3,5 metra úrtaki í kantstein sunnan megin við hús með vísun í vinnureglur um leyfi fyrir bílastæðum og úrtökum úr kantsteini og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 4. nóvember 2022 þar sem Valbjörn Ægir Vilhjálmsson fyrir hönd Ingu Steinlaugar Hauksdóttur sækir um byggingarleyfi fyrir breytingum utanhúss á húsi nr. 6 við Þverholt. Innkomnar nýjar teikningar 30. nóvember 2022.

Byggingarfulltrúi samþykkir erindið.

Erindi dagsett 21. október 2022 þar sem Ragnar Freyr Guðmundsson fyrir hönd Þórðar Kárasonar sækir um byggingarleyfi fyrir tvíbýlishúsi á lóð nr. 28 við Lönguhlíð. Innkomnar nýjar teikningar 28. nóvember 2022.

Byggingarfulltrúi samþykkir erindið.