Umhverfis- og mannvirkjaráð - 146

Lagt fram minnisblað dagsett 15. september 2023 vegna stöðu sjóvarna Akureyrarbæjar.

Jónas Valdimarsson verkefnastjóri hönnunar sat fundinn undir þessum lið.

Umhverfis- og mannvirkjaráð óskar eftir því við bæjarlögmann að tekin verði saman helstu atriði er varða eignarhald og ábyrgð á sjóvörnum á skilgreindum hafnarsvæðum.

Umræða vegna vetrarþjónustu í Hrísey og Grímsey.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð felur sviðsstjóra að ræða við Vegagerðina um vetrarþjónustu á vegum Vegagerðarinnar í Hrísey og Grímsey. Við yfirtöku Vegagerðarinnar á vetrarþjónustu er mikilvægt að þjónustustig haldist óbreytt.

Lagt fram minnisblað dagsett 13. september 2023 vegna áramótabrennu í bæjarlandinu.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð leggur áherslu á það að haldin verði áramótabrenna á Akureyri sem uppfyllir kröfur reglugerðar og felur starfsmönnum að útfæra það í samráði við hagaðila.

Ísak Már Jóhannesson verkefnastjóri úrgangs- og loftlagsmála kynnti nýsköpunarverkefni varðandi samþættingu vistvænna ferðamáta á Akureyri, sem er hluti af Raptor verkefninu.

Rut Jónsdóttir forstöðumaður umhverfis- og sorpdeildar sat fundinn undir þessum lið.

Umhverfis- og mannvirkjaráð þakkar kynninguna.

Staða framkvæmda á lóð Síðuskóla kynnt.

Umhverfis- og mannvirkjaráð lýsir yfir ánægju með framkvæmdina.

Lagt fram minnisblað dagsett 15. september 2023 varðandi kaup á nýjum strætisvagni.

Dóra Sif Sigtryggsdóttir forstöðumaður rekstrardeildar og umhverfismiðstöðvar sat fundinn undir þessum lið.

Umhverfis- og mannvirkjaráð samþykkir fyrir sitt leyti og vísar til bæjarráðs og fjárhagsáætlunargerðar fyrir árið 2024 kaupum á nýjum dísilknúnum strætisvagni að upphæð kr. 37 milljónir. Vagninn er til afhendingar í janúar 2024 og leysir úr brýnni þörf fyrir endurnýjun vegna hárrar bilanatíðni eldri vagna.



Jana Salóme I. Jósepsdóttir V-lista og Óskar Ingi Sigurðsson B-lista sitja hjá við afgreiðslu málsins.

Gjaldskrár UMSA lagðar fyrir ráðið.