Bæjarráð - 3703

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs, Kristín Baldvinsdóttir verkefnastjóri á fjársýslusviði og Heimir Haraldsson bæjarfulltrúi sátu fund bæjarráðs undir þessum lið.

Lagt fram til kynningar átta mánaða rekstraryfirlit Akureyrarbæjar.

Dan Jens Brynjarsson sviðsstjóri fjársýslusviðs, Kristín Baldvinsdóttir verkefnastjóri á fjársýslusviði og Heimir Haraldsson bæjarfulltrúi sátu fund bæjarráðs undir þessum lið.

Lagður fram viðauki 16.

Dan Jens Brynjarsson sviðsstjóri fjársýslusviðs og Kristín Baldvinsdóttir verkefnastjóri á fjársýslusviði sátu fund bæjarráðs undir þessum lið.

Bæjarráð samþykkir viðauka 16 með fimm samhljóða atkvæðum og vísar honum til staðfestingar í bæjarstjórn.

Lagður fram lánssamningur frá Lánasjóði sveitarfélaga vegna láns til Akureyrarbæjar að fjárhæð kr. 800 milljónir til fjármögnunar á fjárfestingum skv. framkvæmdaáætlun 2020.

Dan Jens Brynjarsson sviðsstjóri fjársýslusviðs og Kristín Baldvinsdóttir verkefnastjóri á fjársýslusviði sátu fund bæjarráðs undir þessum lið.

Bæjarráð samþykkir lántökuna fyrir sitt leyti með fimm samhljóða atkvæðum og vísar málinu til afgreiðslu bæjarstjórnar.

Erindi dagsett 21. október 2020 þar sem Hallgrímur Gíslason f.h. Félags eldri borgara á Akureyri mótmælir hækkun á gjaldi vetrarkorta í Hlíðarfjall fyrir eldri borgara og fer fram á að hækkunin verði tekin til endurskoðunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð telur ekki tilefni til endurskoðunar á gjaldskránni og felur formanni bæjarráðs að ræða við bréfritara.

Fylgiskjöl

• 201021 Hlíðarfjall - verðskrá.pdf

Rætt um stöðu mála vegna yfirflutnings rekstrar Öldrunarheimila Akureyrar til ríkisins.

Inga Þöll Þórgnýsdóttir bæjarlögmaður og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

Lögð fram til kynningar fundargerð 889. fundar stjórnar Sambands íslenskra sveitarfélaga dagsett 16. október 2020.

Fundargerðina má finna á eftirfarandi vefslóð: https://www.samband.is/um-sambandid/skipulag/fundargerdir/

Lagt fram til kynningar erindi dagsett 20. október 2020 frá stjórnskipunar- og eftirlitsnefnd Alþingis þar sem óskað er umsagnar um frumvarp til laga um breytingu á lögum um kosningar til Alþingis nr. 24/2000 (jöfnun atkvæðavægis), 27. mál 2020.

Þess er óskað að undirrituð umsögn berist eigi síðar en 3. nóvember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0027.html

Bæjarráð Akureyrarbæjar óskar eftir því að á vettvangi SSNE verði frumvarpið rætt sem og nauðsynlegar mótvægisaðgerðir.

Lagt fram til kynningar erindi dagsett 20. október 2020 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um upplýsingamiðlun um heimilisofbeldismál, 85. mál 2020. Þess er óskað að undirrituð umsögn berist eigi síðar en 3. nóvember nk. á netfangið nefndasvid@althingi.is. Þingskjalið er hægt að sækja á vef Alþingis: https://www.althingi.is/altext/151/s/0086.html

Lagt fram til kynningar erindi dagsett 21. október 2020 frá velferðarnefnd Alþingis þar sem óskað er umsagnar um frumvarp til laga um almannatryggingar (hækkun lífeyris), 25. mál 2020.

Þess er óskað að undirrituð umsögn berist eigi síðar en 10. nóvember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0025.html

Lagt fram til kynningar erindi dagsett 22. október 2020 frá velferðarnefnd Alþingis þar sem óskað er umsagnar um frumvarp til laga um almannatryggingar (skerðing á lífeyri vegna búsetu), 28. mál 2020.

Þess er óskað að undirrituð umsögn berist eigi síðar en 11. nóvember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0028.html

Lagt fram til kynningar erindi dagsett 22. október 2020 frá umhverfis- og samgöngunefnd Alþingis þar sem óskað er umsagnar um frumvarp til laga um fjarskipti, 209. mál 2020.

Þess er óskað að undirrituð umsögn berist eigi síðar en 5. nóvember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0210.html

Lagt fram til kynningar erindi dagsett 23. október 2020 frá velferðarnefnd Alþingis þar sem óskað er umsagnar um frumvarp til laga um skrá yfir störf hjá sveitarfélögum sem heimild til verkfalls nær ekki til, 206. mál, 2020.

Þess er óskað að undirrituð umsögn berist eigi síðar en 13. nóvember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0207.html