Bæjarráð - 3749

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs, Kristín Baldvinsdóttir forstöðumaður hag- og áætlanadeildar og Andri Teitsson bæjarfulltrúi sátu fund bæjarráðs undir þessum lið.

Guðrún Sigurðardóttir sviðsstjóri velferðarsviðs, Guðríður Erla Friðriksdóttir sviðsstjóri umhverfis- og mannvirkjasviðs, Karl Frímannsson sviðsstjóri fræðslusviðs og Árni Konráð Bjarnason forstöðumaður rekstrar fræðslusviðs sátu fundinn meðan rætt var um áætlun viðkomandi sviðs.

Liður 6 í fundargerð umhverfis- og mannvirkjaráðs dagsettri 19. nóvember 2021:

Lagt fram minnisblað varðandi tilfærslu innan viðhaldsáætlunar fasteigna og leiguíbúða, færslu innan Klappa milli ára og hækkun og færslu milli ára í Lundarskóla.

Umhverfis- og mannvirkjaráð samþykkir eftirfarandi viðauka og vísar þeim til afgreiðslu í bæjarráði:



Leikskólinn Klappir

43 milljónir kr. - Tilfærsla á fjármagni frá fjárfestingaráætlun 2020 til 2021.

50 milljónir kr. - Viðauki vegna verðbóta við verksamning og hærri fjármagnskostnaðar á byggingartíma.

17 milljónir kr. - Viðauki vegna aukins framkvæmdakostnaðar við verkið.

Samtals viðauki á árinu kr. 110 milljónir.



Lundarskóli

107 milljónir kr. - Tilfærsla á fjármagni frá fjárfestingaráætlun 2022 til 2021.



Viðhald fasteigna

25 milljónir kr. - Tilfærsla á fjármagni frá viðhaldsáætlun fasteigna Akureyrarbæjar yfir í viðhaldsáætlun leiguíbúða Akureyrarbæjar.



Dan Jens Brynjarsson sviðsstjóri fjársýslusviðs, Kristín Baldvinsdóttir forstöðumaður hag- og áætlanadeildar, Andri Teitsson formaður umhverfis- og mannvirkjaráðs og Guðríður Erla Friðriksdóttir sviðsstjóri umhverfis- og mannvirkjasviðs sátu fund bæjarráðs undir þessum lið.

Bæjarráð samþykkir beiðni umhverfis- og mannvirkjaráðs með fimm samhljóða atkvæðum og felur sviðsstjóra fjársýslusviðs að útbúa viðauka vegna málsins.

Lagt fram til kynningar 10 mánaða rekstraryfirlit Akureyrarbæjar.

Dan Jens Brynjarsson sviðsstjóri fjársýslusviðs, Kristín Baldvinsdóttir forstöðumaður hag- og áætlanadeildar og Andri Teitsson bæjarfulltrúi sátu fund bæjarráðs undir þessum lið.

Andri Teitsson vék af fundi kl. 11:51.

Liður 2 í fundargerð stjórnar Akureyrarstofu dagsettri 12. október 2021:

Samningur við MAk lagður fram til samþykktar.

Þuríður Helga Kristjánsdóttir framkvæmdastjóri MAk sat fundinn undir þessum lið.

Stjórn Akureyrarstofu samþykkir samninginn með þeim breytingum sem voru ræddar á fundinum og vísar honum til bæjarráðs og bæjarstjórnar til endanlegrar afgreiðslu.

Inga Þöll Þórgnýsdóttir bæjarlögmaður, Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hag- og áætlanadeildar sátu fund bæjarráðs undir þessum lið.

Meirihluti bæjarráðs samþykkir samninginn fyrir sitt leyti og vísar honum til afgreiðslu í bæjarstjórn. Jafnframt felur bæjarráð bæjarstjóra að undirrita samninga um leigu á Samkomuhúsinu og Hofi.

Eva Hrund Einarsdóttir D-lista situr hjá við afgreiðsluna.

Rætt um málefni barnaheimilis sem rekið var á Hjalteyri á árunum 1972-1979. Á sínum tíma óskaði Akureyrarbær eftir því að gerð yrði rannsókn á starfseminni en Barnaverndarráð Íslands hafnaði því.

Inga Þöll Þórgnýsdóttir bæjarlögmaður, Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hag- og áætlanadeildar sátu fund bæjarráðs undir þessum lið.

Bæjarráð Akureyrarbæjar leggur ríka áherslu á mikilvægi þess að fram fari ítarleg, opinber rannsókn á rekstri barnaheimilisins í Richardshúsi á Hjalteyri á áttunda áratug síðustu aldar og aðbúnaði barna sem þar voru vistuð.

Árið 1977 óskaði þáverandi félagsmálastjóri Akureyrar formlega eftir því við Barnaverndarráð Íslands að aðbúnaður barna á heimilinu yrði kannaður. Þeim ábendingum var ekki sinnt sem skyldi og í raun komið í veg fyrir að slík athugun færi fram. Af frásögnum fólks sem dvaldi í barnæsku á heimilinu má hins vegar ljóst vera að grunur félagsmálastjóra Akureyrar um slæman aðbúnað barna í Richardshúsi var á rökum reistur.

Tekið skal fram að Akureyrarbær kom á engan hátt að rekstri barnaheimilisins á Hjalteyri en barnaverndaryfirvöld sveitarfélagsins sendu á sínum tíma börn þangað til lengri eða skemmri dvalar.

Bæjarráð Akureyrarbæjar telur brýnt að leitt verði í ljós hið fyrsta hvað fram fór á heimilinu og hvers vegna var látið hjá líða að bregðast við beiðni félagsmálastjóra Akureyrar um skoðun á aðbúnaði barna þar.

Kynnt tillaga að breytingum á fjárhagsáætlun vegna atvinnuátaksverkefnis fyrir námsmenn sumarið 2021 í samvinnu við Vinnumálastofnun.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir framlagða tillögu að breytingum á fjárhagsáætlun og felur sviðsstjóra fjársýslusviðs að útbúa viðauka vegna málsins.

Lögð fram til kynningar fundargerð 267. fundar stjórnar Norðurorku hf. dagsett 22. október 2021.

Lögð fram til kynningar fundargerð 31. fundar stjórnar SSNE dagsett 10. nóvember 2021.

Fylgiskjöl

• Fundargerð 31. fundar.pdf