Bæjarráð - 3757

Lagður fram viðauki 7.

Dan Jens Brynjarsson sviðsstjóri fjársýslusviðs, Halla Margrét Tryggvadóttir sviðsstjóri mannauðssviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð samþykkir viðauka 7 með fimm samhljóða atkvæðum og vísar honum til staðfestingar í bæjarstjórn.

Erindi dagsett 25. janúar 2022 þar sem Kristján Ólafsson f.h. Moltu ehf. tilkynnir um fyrirhuguð kaup Fjárfestingafélagsins Urða ehf. í eignarhlut Tækifæris ehf. í Moltu ehf. Óskað er eftir að Akureyrarbær taki afstöðu til þess hvort bærinn hyggist nýta sér forkaupsrétt að ofangreindum hlut.

Dan Jens Brynjarsson sviðsstjóri fjársýslusviðs, Halla Margrét Tryggvadóttir sviðsstjóri mannauðssviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð samþykkir með fimm samhljóða atkvæðum að nýta ekki forkaupsréttinn.

Erindi dagsett 10. janúar 2022 frá Hólmari E. Svanssyni f.h. Þekkingarvarða ehf. þar sem Akureyrarbæ er boðið að auka enn frekar hlut sinn í félaginu.

Dan Jens Brynjarsson sviðsstjóri fjársýslusviðs, Halla Margrét Tryggvadóttir sviðsstjóri mannauðssviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð samþykkir að auka við hlut í Þekkingarvörðum ehf. að fjárhæð kr. 382.000.

Kynnt drög að samningi Akureyrarbæjar og Fjölsmiðjunnar við Einingu-Iðju.

Dan Jens Brynjarsson sviðsstjóri fjársýslusviðs, Halla Margrét Tryggvadóttir sviðsstjóri mannauðssviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Rætt um niðurstöður spurninga um afstöðu til lausagöngu katta.

Dan Jens Brynjarsson sviðsstjóri fjársýslusviðs, Halla Margrét Tryggvadóttir sviðsstjóri mannauðssviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð felur sviðsstjóra þjónustu- og skipulagssviðs og verkefnastjóra upplýsingamiðlunar að koma niðurstöðu könnunar um lausagöngu katta á framfæri á heimasíðu sveitarfélagsins. Jafnframt samþykkir bæjarráð að óska eftir frekari gögnum frá umhverfis- og mannvirkjasviði sem lögð verði til grundvallar við umræðu um málið í bæjarstjórn.

Fylgiskjöl

• Akureyri_2021_Lausaganga_katta_v02.pdf

Umfjöllun um rekstur málaflokks fatlaðs fólks hjá Akureyrarbæ.

Guðrún Sigurðardóttir sviðsstjóri velferðarsviðs, Kolbeinn Aðalsteinsson, forstöðumaður skrifstofu velferðarsviðs, Inga Þöll Þórgnýsdóttir bæjarlögmaður, Dan Jens Brynjarsson sviðsstjóri fjársýslusviðs og Halla Margrét Tryggvadóttir sviðsstjóri mannauðssviðs sátu fund bæjarráðs undir þessum lið.

Bæjarráð telur mikilvægt að fjármögnun málaflokksins verði endurskoðuð og tryggð og felur bæjarstjóra að senda erindi til Sambands íslenskra sveitarfélaga vegna málsins.

Yfirferð mannréttindastefnu.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð frestar afgreiðslu málsins og felur sviðsstjóra mannauðssviðs að taka saman gögn í samræmi við umræður á fundinum í samráði við Hildu Jönu Gísladóttur þróunarleiðtoga bæjarráðs.

Fylgiskjöl

• Mannrettindastefna_Akureyrarbaejar_2020-2023_samth_170320.pdf
• Mannrettindastefna_2020-2023_adgerdir_timalina_2020.pdf

Lögð fram drög að samningi SSNE og Akureyrarbæjar vegna áfangastaðastofu. Samningurinn kemur í stað samnings vegna Markaðsstofu Norðurlands.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Bæjarráð samþykkir samninginn með fimm samhljóða atkvæðum.

Fylgiskjöl

• Viðauki II. DMO SSNE.PDF
• Viðauki I. Samstarfssamningur um stofnun Áfangastaðastofu Norð.pdf
• Samningur við Akureyrarbæ vegna áfangastaðastofu.pdf

Tilnefning tveggja fulltrúa í fagráð barnamenningarhátíðar. Annar fulltrúinn á að vera úr röðum bæjarráðs og hinn fulltrúi úr menningarlífinu.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Bæjarráð tilnefnir Gunnar Gíslason og Dagrúnu Matthíasdóttur í fagráðið.

Farið yfir vinningstillögu um viðbyggingu við ráðhús og stöðu framkvæmda í húsinu í kjölfar vatnsleka í desember á síðasta ári.

Guðríður Erla Friðriksdóttir sviðsstjóri umhverfis- og mannvirkjasviðs og Pétur Ingi Haraldsson skipulagsfulltrúi sátu fund bæjarráðs undir þessum lið.

Bæjarráð felur bæjarstjóra að vinna greinargerð og leggja fyrir næsta fund ráðsins.

Fylgiskjöl

• Ráðhús_viðbygging_vinningstillaga.pdf

Lagt fram til kynningar erindi dagsett 25. janúar 2022 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um upplýsingamiðlun um heimilisofbeldismál, 20. mál 2022. Þess er óskað að undirrituð umsögn berist eigi síðar en 8. febrúar nk. á netfangið nefndasvid@althingi.is. Þingskjalið er hægt að sækja á vef Alþingis: https://www.althingi.is/altext/152/s/0020.html

Lagt fram til kynningar erindi dagsett 26. janúar 2022 frá efnahags- og viðskiptanefnd Alþingis þar sem óskað er umsagnar um tillögu til þingsályktunar um úttekt á tryggingavernd í kjölfar náttúruhamfara, 12. mál 2022. Þess er óskað að undirrituð umsögn berist eigi síðar en 3. febrúar nk. á netfangið nefndasvid@althingi.is. Þingskjalið er hægt að sækja á vef Alþingis: https://www.althingi.is/altext/pdf/152/s/0012.pdf