Bæjarráð - 3863

Lögð fram drög að fjárhagsáætlun fyrir fjársýslusvið, mannauðssvið og þjónustu- og skipulagssvið.

Dan Jens Brynjarsson sviðsstjóri fjársýslusviðs, Halla Margrét Tryggvadóttir sviðsstjóri mannauðssviðs og Sumarliði Helgason sviðsstjóri þjónustu- og skipulagssviðs sátu fund bæjarráðs undir þessum lið.

Bæjarráð felur sviðsstjórum að vinna málið áfram við gerð fjárhagsáætlunar fyrir árið 2025.

Lögð fram drög að samkomulagi Akureyrarbæjar, innviðaráðuneytisins og Húsnæðis- og mannvirkjastofnunar um aukið framboð íbúðarhúsnæðis og fjármögnun uppbyggingar hagkvæmra íbúða og félagslegs húsnæðis. Samkomulagið byggir á rammasamningi ríkis og sveitarfélaga.

Pétur Ingi Haraldsson skipulagsfulltrúi sat fund bæjarráðs undir þessum lið og þá sat Halla Björk Reynisdóttir formaður skipulagsráðs fundinn undir þessum lið í gegnum fjarfundarbúnað.

Bæjarráð samþykkir framlagt samkomulag og felur bæjarstjóra að undirrita það.

Lagt fram erindi dagsett 17. september 2024 frá Guðmundi Val Stefánssyni fyrir hönd Laxóss ehf. varðandi áform um fiskeldi í Eyjafirði.

Lagt fram til kynningar.

Fylgiskjöl

• Erindi til sveitarfélagana við Eyjafjörð - 17 sept 24 Akureyri.pdf

Lagt fram erindi dagsett 20. september 2024 frá Val Rafni Halldórssyni f.h. Samtaka sjávarútvegssveitarfélaga þar sem boðað er til aðalfundar sem haldinn verður á Hilton Reykjavík Nordica, Suðurlandsbraut 2, Reykjavík, miðvikudaginn 9. október kl. 11:30.

Bæjarráð felur bæjarstjóra að fara með atkvæði sveitarfélagsins á aðalfundinum.

Lagt fram erindi frá innviðaráðuneytinu dagsett 20. september 2024 þar sem boðað er til ársfundar Jöfnunarsjóðs sveitarfélaga. Fundurinn verður haldinn miðvikudaginn 9. október næstkomandi á Hilton Reykjavík Nordica.

Bæjarráð felur bæjarstjóra að sækja fundinn fyrir hönd Akureyrarbæjar.

Fylgiskjöl

• Ársfundur Jöfnunarsjóðs_sveitarfélög.pdf

Lögð fram til kynningar fundargerð 237. fundar heilbrigðisnefndar Norðurlands eystra sem var haldinn miðvikudaginn 18. september 2024.

Fylgiskjöl

• 237. fundargerð undirrituð.pdf

Lögð fram til kynningar fjárhagsáætlun Heilbrigðiseftirlits Norðurlands eystra fyrir 2025 sem samþykkt var á 237. fundi heilbrigðisnefndar 18. september 2024.