Bæjarráð - 3739

Lagt fram árshlutauppgjör janúar-júní 2021.

Dan Jens Brynjarsson sviðsstjóri fjársýslusviðs, Kristín Baldvinsdóttir forstöðumaður hag- og áætlanadeildar á fjársýslusviði og Andri Teitsson bæjarfulltrúi sátu fund bæjarráðs undir þessum lið.

Bæjarráð vísar árshlutauppgjöri til umræðu í bæjarstjórn.

Lögð fram fyrstu drög að fjárhagsáætlun fyrir árið 2022.

Dan Jens Brynjarsson sviðsstjóri fjársýslusviðs, Kristín Baldvinsdóttir forstöðumaður hag- og áætlanadeildar á fjársýslusviði og Andri Teitsson bæjarfulltrúi sátu fund bæjarráðs undir þessum lið.

Lagður fram viðauki 5.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hag- og áætlanadeildar á fjársýslusviði sátu fund bæjarráðs undir þessum lið.

Bæjarráð samþykkir viðauka 5 og vísar honum til staðfestingar í bæjarstjórn.

Erindi dagsett 6. september 2021 þar sem Vegagerðin kynnir niðurstöður starfshóps um skilavegi er varðar m.a. yfirfærslu veghalds á Hlíðarfjallsvegi, vegi nr. 837-01 og 02 frá Vegagerðinni til Akureyrarbæjar. Óskað er eftir að Akureyrarbær tilnefni tengilið sem mun annast málefnið og leiða viðræður við Vegagerðina.

Bæjarráð tekur undir bókun fulltrúa Sambands íslenskra sveitarfélaga í starfshópnum um að því verði haldið til haga í viðræðunum að við yfirfærslu skilavega færist árlegur rekstrarkostnaður veganna frá ríki til sveitarfélaga. Á umferðarmiklum vegum er um verulegan kostnað að ræða og á umferðarmestu vegunum þarf árlegt viðhald. Samband íslenskra sveitarfélaga hefur ítrekað kallað eftir viðræðum við ríkið um leiðir til að tryggja sveitarfélögum sanngjarna hlutdeild í sköttum af umferð og telja fulltrúar sambandsins að sú ástands-og kostnaðargreining sem farið hefur fram í tengslum við vinnu starfshópsins undirstriki þörf á að slíkar viðræður fari fram í tengslum við yfirstandandi vinnu við endurskoðun tekjustofna sveitarfélaga. Um þetta vísa fulltrúar sambandsins til 129. gr. sveitarstjórnarlaga.

Hilda Jana Gísladóttir vék af fundi kl. 10:25.

Fylgiskjöl

• Bókun fulltrúa Sambands íslenskra sveitarfélaga fylgiskjal 2.pdf
• Erindisbréf starfshóps.pdf
• Greinargerð starfshóps júlí 2021 loka.pdf
• Höfuðborgarsvæðið álitaefni.pdf
• Kynningarbréf til Akureyrabæjar.pdf
• Minnisblað Elliðavatnsvegur.pdf
• Minnisblað Seyðisfjörður.pdf
• Skilavegir samþykktir af starfshópi.pdf

Rætt um viðtalstíma bæjarfulltrúa og framtíð þeirra.

Í ljósi þess að íbúum stendur nú til boða að koma ábendingum og fyrirspurnum á framfæri í gegnum hnapp á heimasíðu og þeir geta haft samband við bæjarfulltrúa með ýmsum hætti telur bæjarráð ástæðu til að hætta að bjóða upp á viðtalstíma að sinni. Samhliða þessari breytingu verður lögð áhersla á að fylgja eftir góðri svörun við ábendingum sem berast.