Bæjarráð - 3804

Rætt um starfsáætlun þjónustu- og skipulagssviðs.

Sumarliði Helgason sviðsstjóri þjónustu- og skipulagssviðs sat fund bæjarráðs undir þessum lið.

Bæjarstjórn samþykkir framlagðar breytingar á starfsáætlun þjónustu- og skipulagssviðs fyrir árið 2023.



Sunna Hlín Jóhannesdóttir B-lista, Jana Salóme Ingibjargar Jósepsdóttir V-lista og Sindri Kristjánsson S-lista óska bókað:

Það vekur furðu að enginn kjörinn fulltrúi komi að gerð menningar- og atvinnumálastefnu en það ætti að vera metnaður til þess að koma að þeirri vinnu. Það er hlutverk kjörinna fulltrúa að setja stefnu fyrir starfsemi sveitarfélagsins samkvæmt reglum um ábyrgðarmörk og starfshætti stjórnenda, kjörinna fulltrúa og nefndarmanna hjá Akureyrarbæ.

Umræða um upplýsingastefnu Akureyrarbæjar.

Sumarliði Helgason sviðsstjóri þjónustu- og skipulagssviðs og Jón Þór Kristjánsson forstöðumaður þjónustu og þróunar sátu fund bæjarráðs undir þessum lið.

Bæjarráð felur sviðsstjóra þjónustu- og skipulagssviðs að uppfæra og endurskoða upplýsingastefnu bæjarins og aðrar stefnur og verklagsreglur sem henni tengjast og leggja fyrir bæjarráð til samþykktar.

Liður 4 í fundargerð bæjarráðs dagsettri 23. mars 2023:

Lögð fram drög að endurskoðaðri samþykkt fyrir Listasafnið á Akureyri.

Sumarliði Helgason sviðsstjóri þjónustu- og skipulagssviðs sat fund bæjarráðs undir þessum lið.

Bæjarráð frestar afgreiðslu samþykktar um eina viku.

Sumarliði Helgason sviðsstjóri þjónustu- og skipulagssviðs sat fund bæjarráðs undir þessum lið.

Bæjarráð samþykkir endurskoðaða samþykkt fyrir Listasafnið á Akureyri og vísar henni til staðfestingar bæjarstjórnar.

Farið yfir tillögu um veitingu heiðursviðurkenningar Menningarsjóðs.

Almar Alfreðsson verkefnastjóri menningarmála sat fund bæjarráðs undir þessum lið.

Bæjarráð samþykkir framlagða tillögu en tilkynnt verður um valið á Vorkomu Akureyrarbæjar á sumardaginn fyrsta.

Lögð fram tillaga að breytingu á upphæð starfslauna listamanna. Málið var áður á dagskrá bæjarráðs 23. febrúar sl. og var þá bæjarstjóra og verkefnastjóra menningarmála falið að endurskoða upphæðina og leggja tillögu fyrir bæjarráð.

Almar Alfreðsson verkefnastjóri menningarmála sat fund bæjarráðs undir þessum lið.

Bæjarráð samþykkir með þremur atkvæðum að hækka starfslaunin í samræmi við launahækkanir Einingar-Iðju frá 1.1.2023. Þá hækkar grunnupphæðin um 11% og verður 3.000.000 eða 333 þús. á mánuði. Þá samþykkir bæjarráð að fella niður kvöð um skert starfshlutfall (50%).

Sindri Kristjánsson S-lista og Sunna Hlín Jóhannesdóttir B-lista sitja hjá.



Jana Salóme Ingibjargar Jósepsdóttir V-lista óskar bókað:

Miklu betra og sanngjarnara hefði verið að láta starfslaun listamanna fylgja þróun launavísitölu frá 2018 líkt og tillaga var gerð um. Ég fagna því þó að kvöð um skert starfshlutfall (50%) verði felld brott úr samþykkt um starfslaun listamanna.

Jóhann J. Ísleifsson frá Aðfangastýringu ehf. kynnti stöðu innkaupagreiningar hjá Akureyrarbæ.

Jóhann og Dan Jens Brynjarsson sviðsstjóri fjársýslusviðs sátu fundinn í gegnum fjarfundarbúnað.

Kristín Baldvinsdóttir forstöðumaður hagþjónustu og áætlanagerðar og Hrafnhildur Sigurðardóttir verkefnastjóri hagþjónustu og áætlanagerðar sátu fund bæjarráðs undir þessum lið.

Bæjarráð þakkar fyrir kynninguna.

Rætt um húsnæðismál hjúkrunarheimilisins Hlíðar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið í gegnum fjarfundarbúnað.

Framkomnar upplýsingar um ástand húsnæðisins á Hlíð eru áhyggjuefni. Bæjarráð hvetur heilbrigðisyfirvöld til að vinna af kappi að lausn vandans sem þolir ekki bið. Ráðið lýsir yfir eindregnum samstarfsvilja við alla hlutaðeigandi til að koma að því að greiða úr stöðunni og felur bæjarstjóra og sviðsstjóra fjársýslusviðs að fylgja málinu eftir.

Liður 1 í fundargerð velferðarráðs dagsettri 22. mars 2023:

Lagðar fram til samþykktar breytingar á reglum um fjárhagsaðstoð Akureyrarbæjar.

Gyða Björk Ólafsdóttir félagsráðgjafi og Halldóra Kristín Hauksdóttir lögfræðingur sátu fundinn undir þessum lið.

Velferðarráð samþykkir fyrir sitt leyti nýjar reglur um fjárhagsaðstoð Akureyrarbæjar og vísar málinu áfram til bæjarráðs.

Karólína Gunnarsdóttir starfandi sviðsstjóri velferðarsviðs sat fund bæjarráðs undir þessum lið.

Bæjarráð samþykkir fyrir sitt leyti framlagðar breytingar á reglum um fjárhagsaðstoð og vísar þeim til umræðu og afgreiðslu bæjarstjórnar.

Liður 7 í fundargerð velferðarráðs dagsettri 22. mars 2023:

Snæbjörn Ómar Guðjónsson V-lista óskaði eftir að málefni Lautarinnar yrðu tekin fyrir á fundi velferðarráðs. Mikilvægt sé að framkvæma þarfagreiningu á húsnæðismálum Lautarinnar og tryggja að einstaklingum með langvinnar alvarlegar geðraskanir standi til boða viðeigandi úrræði til að rjúfa félagslega einangrun.

Ólafur Örn Torfason forstöðumaður Lautarinnar sat fundinn undir þessum lið.

Velferðarráð telur brýnt að hús að Brekkugötu 34 verði selt og annað hentugra húsnæði verði keypt eða leigt fyrir starfsemi Lautarinnar sem fyrst og vísar málinu áfram til bæjarráðs.

Karólína Gunnarsdóttir starfandi sviðsstjóri velferðarsviðs sat fund bæjarráðs undir þessum lið.

Bæjarráð tekur undir bókun velferðarráðs og felur bæjarstjóra að vinna málið áfram.

Yfirferð tilnefninga til mannréttindaviðurkenningar Akureyrarbæjar 2023.

Birna Eyjólfsdóttir forstöðumaður mannauðsmála sat fundinn undir þessum lið.

Bæjarráð samþykkir framkomnar tillögur. Tilkynnt verður um viðurkenningarhafa á Vorkomu Akureyrarbæjar á sumardaginn fyrsta.

Lögð fram drög að endurskoðuðum reglum Akureyrarbæjar um rafræna vöktun öryggismyndavéla.

Inga Þöll Þórgnýsdóttir bæjarlögmaður kynnti breytingarnar.

Bæjarráð samþykkir fyrir sitt leyti framlögð drög að endurskoðuðum reglum um rafræna vöktum og vísar þeim til umræðu og afgreiðslu bæjarstjórnar.

Rætt um samþykkt um stjórn og fundarsköp Akureyrarbæjar.

Inga Þöll Þórgnýsdóttir bæjarlögmaður kynnti.

Lögð fram til kynningar tillaga að fulltrúa í stjórn Sambands íslenskra sveitarfélaga 2022-2026. Lagt er til að Einar Brandsson verði kjörinn aðalmaður í stað Lilju Bjargar Ágústsdóttur. Einnig er lagt til að Júníana Björg Óttarsdóttir verði kjörin varamaður í stað Einars Brandssonar.

Lögð fram til kynningar fundargerð 920. fundar stjórnar Sambands íslenskra sveitarfélaga dagsett 17. mars 2023.

Fylgiskjöl

• stjórn Sambands íslenskra sveitarfélaga - 920.pdf

Lögð fram til kynningar fundargerð 50. fundar stjórnar SSNE dagsett 15. mars 2023.

Fylgiskjöl

• Fundargerð 50. fundar SSNE.pdf