Bæjarráð - 3447

Lögð fram niðurstaða útboðs tryggingamála fyrir Akureyrarbæ.

Dan Jens Brynjarsson fjármálastjóri, Jón Bragi Gunnarsson hagsýslustjóri og Karl Guðmundsson innkaupastjóri sátu fund bæjarráðs undir þessum lið.

Bæjarráð samþykkir að ganga til samninga við lægstbjóðanda VÍS.

Lögð fram til kynningar ársskýrsla Tónræktarinnar ehf fyrir haustönn 2014.

Dan Jens Brynjarsson fjármálastjóri og Jón Bragi Gunnarsson hagsýslustjóri sátu fund bæjarráðs undir þessum lið.

Lögð fram tillaga að erindisbréfi vinnuhóps um erlend samskipti dagsett 27. janúar 2015.

Katrín Björg Ríkarðsdóttir aðstoðarmaður bæjarstjóra sat fund bæjarráðs undir þessum lið.

Bæjarráð samþykkir framlagða tillögu að erindisbréfi vinnuhóps um erlend samskipti með þeim breytingum sem gerðar voru á fundinum.

Lögð fram tillaga að erindisbréfi vinnuhóps um stefnumótun í íbúalýðræði og gagnsærri stjórnsýslu fyrir Akureyrarbæ dagsett 28. janúar 2015.

Katrín Björg Ríkarðsdóttir aðstoðarmaður bæjarstjóra sat fund bæjarráðs undir þessum lið.

Bæjarráð samþykkir framlagða tillögu að erindisbréfi vinnuhóps um stefnumótun í íbúalýðræði og gagnsærri stjórnsýslu fyrir Akureyrarbæ með þeim breytingum sem gerðar voru á fundinum.

7. liður í fundargerð félagsmálaráðs dagsett 21. janúar 2015:

Lagt var fram endurskoðað erindisbréf félagsmálaráðs dagsett 19. janúar 2015.

Félagsmálaráð fór yfir samþykktir ráðsins og samþykkti að breyta nafni ráðsins í velferðarráð. Samþykktin er send til bæjarráðs til frekari afgreiðslu.

Bæjarráð samþykkir framlagða tillögu að breytingum á samþykkt fyrir ráðið með þeim breytingum sem gerðar voru á fundinum og vísar samþykktinni til afgreiðslu bæjarstjórnar.

Lagt fram erindi dagsett 28. janúar 2015 frá Allsherjar- og menntamálanefnd Alþingis þar sem óskað er umsagnar um frumvarp til laga um Menntamálastofnun (heildarlög), 456. mál. Þess er óskað að undirrituð umsögn berist eigi síðar en 16. febrúar nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/144/s/0700.html

Bæjarráð mælist til þess við skólanefnd að hún veiti umsögn um frumvarpið telji hún ástæðu til.

Lagt fram erindi dagsett 29. janúar 2015 frá Allsherjar- og menntamálanefnd Alþingis þar sem óskað er umsagnar um frumvarp til laga um grunnskóla (kæruleiðir, einkareknir skólar o.fl.), 426. mál.

Þess er óskað að undirrituð umsögn berist eigi síðar en 16. febrúar nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/144/s/0634.html

Bæjarráð mælist til þess við skólanefnd að hún veiti umsögn um frumvarpið telji hún ástæðu til.

Lögð fram fundargerð viðtalstíma bæjarfulltrúa dagsett 29. janúar 2015.

Bæjarráð vísar 1., 2., 3. og 5. lið til framkvæmdadeildar og 4. lið til íþróttaráðs.

Lögð fram fundargerð 57. fundar hverfisnefndar Oddeyrar dagsett 27. janúar 2015.

Fundargerðina má finna á vefslóðinni:

http://www.akureyri.is/is/stjornkerfid/hverfisnefndir/oddeyri/fundargerdir

Bæjarráð vísar 6. og 8. lið til skipulagsdeildar, 9. lið til framkvæmdadeildar, aðrir liðir fundargerðarinnar eru lagðir fram til kynningar í bæjarráði.

Lögð fram til kynningar fundargerð 52. fundar hverfisnefndar Lunda- og Gerðahverfis dagsett 19. janúar 2015.

Fundargerðina má finna á vefslóðinni:

http://www.akureyri.is/is/stjornkerfid/hverfisnefndir/lunda-og-gerdahverfi/fundargerdir