Bæjarráð - 3589

Halla Margrét Tryggvadóttir sviðsstjóri stjórnsýslusviðs og Anna Lilja Björnsdóttir mannauðsráðgjafi kynntu þarfagreiningu stjórnendafræðslu sem gerð var í samvinnu við Símey.

Fylgiskjöl

• kynning_210218_stjornendur_ak.pptx
• starfsthrounaraaetlun-stjornenda-hja-akureyrarbae-2018.pdf

Halla Margrét Tryggvadóttir sviðsstjóri stjórnsýslusviðs fór yfir reglur um auglýsingu starfa.

Fylgiskjöl

• Verklagsreglur um auglýsingar starfa og tímabundnar ráðningar starfsmanna 2015.pdf
• Atvinnuauglýsingar 2008 - 2017.pdf

Lögð fram tillaga að gerð samnings við Vottun hf um úttekt hjá Akureyrarbæ vegna jafnlaunavottunar.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir framlagða tillögu að samningi við Vottun hf.

Lögð fram tillaga að breytingu á nefndalaunum.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir framlagða tillögu að breytingu á nefndalaunum.

Fylgiskjöl

• Minnisblað reglur um nefndalaun breyting mars 2018.pdf

Lagt fram kauptilboð í eignina Byrgi Sandgerðisbót dagsett 28. febrúar 2018.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagt kauptilboð.

6. liður í fundargerð umhverfis- og mannvirkjaráðs dagsett 23. febrúar 2018:

Lagt fram erindi frá Restart Ísland hópnum dagsett 11. janúar 2018 vegna beiðni um styrkveitingu að upphæð kr. 200.000 vegna verkefnisins.

Rut Jónsdóttir forstöðumaður umhverfis- og sorpmála sat fundinn undir þessum lið.

Umhverfis- og mannvirkjaráð tekur jákvætt í erindið og vísar því til afgreiðslu í bæjarráði.

Bæjarráð tekur undir mikilvægi verkefnisins og felur bæjarstjóra að ræða við bréfritara um nánari útfærslu.

Fylgiskjöl

• Restart - styrkbeiðni.pdf

Erindi dagsett 21. febrúar 2018 frá Eignarhaldsfélagi Brunabótafélags Íslands varðandi umsóknir í styrktarsjóð EBÍ 2018.

Aðildarsveitarfélag sendir aðeins inn eina umsókn sem skila á á þar til gerðu umsóknareyðublaði. Umsóknir skulu vera vegna sérstakra framfaraverkefna á vegum sveitarfélaganna en ekki vegna almennra rekstrarverkefna þeirra. Vakin er athygli á því að stjórn EBÍ hefur samþykkt tvær breytingar á reglunum. Nú er kveðið á um að sveitarfélag geti að öllu jöfnu ekki fengið úthlutað styrk tvö ár í röð sbr. þriðju málsgrein í 3. gr. og í 8. gr. er hnykkt á skilaskyldu greinargerðar um framgang verkefnisins.

Umsóknarfrestur er til loka apríl nk.

Akureyrarbær fékk styrk úr styrktarsjóðnum á síðasta ári og sækir því ekki um í ár vegna nýs ákvæðis í reglum sjóðsins.

Fylgiskjöl

• Styrktarsjóður EBÍ 2018

Lagt fram til kynningar erindi dagsett 26. febrúar 2018 frá velferðarnefnd Alþingis þar sem óskað er umsagnar um tillögu til þingsályktunar um bætta stjórnsýslu í umgengnismálum, 90. mál 2018. Þess er óskað að undirrituð umsögn berist eigi síðar en 16. mars nk. á netfangið nefndasvid@althingi.is. Þingskjalið er hægt að sækja á vef Alþingis: http://www.althingi.is/altext/148/s/0157.html





Sigríður Huld Jónsdóttir vék af fundi kl. 10:40.

Silja Dögg Baldursdóttir vék af fundi kl. 11:00.