Skólanefnd - 12

Rætt um hugmyndir um lokun Frístundar í vetrarfríi.

Erindi frá Sambandi íslenskra sveitarfélaga dagsett 3. maí 2016 þar sem vakin er athygli á ábendingu Velferðarvaktarinnar og fleiri á kostnaðarþátttöku foreldra í námsgögnum barna sinna.

Skólanefnd felur fræðslustjóra að móta leiðir í samráði við skólastjórnendur til að samræma innkaup námsgagna þar sem kostnaði verði haldið í algjöru lágmarki.

Farið yfir breytingar á yfirstandandi fjárhagsáætlun fyrir árið 2016 í samræmi við tillögur aðgerðarhóps.

Skólanefnd vísar tillögu um breytingar á fjárhagsáætlun fyrir árið 2016 til bæjarráðs.

Hanna Dögg Maronsdóttir fulltrúi D-lista sat hjá við atkvæðagreiðsluna.

Umræða um Skólapúlsinn - ytra mat skóla og fyrirkomulag kannana.

Árni Konráð Bjarnason rekstrarstjóri á skóladeild lagði til sameiningu á kostnaðarstöðvum fyrir leik- og grunnskóla í Hrísey og Grímsey með það að markmiði að einfalda stjórnendum launa- og bókhaldslegt utanumhald um þessar litlu einingar.

Skólanefnd samþykkti tillöguna.

Lagður fram til kynningar spurningalisti BSRB um dagvistunarúrræði sveitarfélaga.

Hrafnhildur Sigurðardóttir leikskólafulltrúi fór yfir málið og kynnti svör við erindinu.