Bæjarráð - 3510

Rætt um nýsamþykkt lög um almennar íbúðir.

Benedikt Sigurðarson framkvæmdastjóri og Guðlaug Kristinsdóttir formaður Búseta á Norðurlandi mættu á fund bæjarráðs og fóru yfir sjónarmið Búseta til málsins.

Dan Jens Brynjarsson fjármálastjóri og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Lögin má finna á netslóðinni: http://www.althingi.is/altext/145/s/1437.html

Árni Konráð Bjarnason rekstrarstjóri á skóladeild og Soffía Vagnsdóttir fræðslustjóri mættu á fund bæjarráðs og fóru yfir rekstur fræðslumála.

Einnig sat Dan Jens Brynjarsson fjármálastjóri fundinn undir þessum lið.

Lagðar fram forsendur vegna fjárhagsáætlunar 2017.

Dan Jens Brynjarsson fjármálastjóri sat fund bæjarráðs undir þessum lið.

Bæjarráð samþykkir framlagðar forsendur.

Rætt um endurskoðun á innkaupareglum Akureyrarbæjar.

Dan Jens Brynjarsson fjármálastjóri sat fund bæjarráðs undir þessum lið.

Bæjarráð felur bæjarstjóra að vinna að endurskoðun á reglunum.

Erindi dagsett 23. maí 2016 frá hverfisráði Hríseyjar þar sem óskað er eftir því að teknar verði á ný upp undanþágur á greiðslum á fasteignagjöldum atvinnuhúsnæðis yfir vetrarmánuðina fyrir aðila sem leigja út gistirými til ferðamanna í Hrísey.

Dan Jens Brynjarsson fjármálastjóri sat fund bæjarráðs undir þessum lið.

Bæjarráð hafnar erindinu eins og það er lagt fram og vísar málinu til verkefnisstjórnar Brothættra byggða.

Lögð fram til kynningar fundargerð 839. fundar stjórnar Sambands íslenskra sveitarfélaga dagsett 27. maí 2016. Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx

Lögð fram til kynningar skýrsla formanns hverfisráðs Hríseyjar sem flutt var á aðalfundi hverfisráðsins þann 25. maí sl. Skýrsluna má finna á netslóðinni: http://www.akureyri.is/is/stjornkerfid/hverfisnefndir/hrisey/fundargerdir

Lagður fram til kynningar ársreikningur Markaðsstofu Norðurlands fyrir árið 2015 og kynning á starfsemi félagsins.

Lögð fram til kynningar ályktun frá Ferðamálasamtökum Norðurlands eystra og Markaðsstofu Norðurlands varðandi Dettifossveg og flughlað við Akureyrarflugvöll.

Lögð fram til kynningar fundargerð aðalfundar Greiðrar leiðar ehf sem haldinn var 10. maí sl.

Lagður var fram til kynningar dómur í máli E-51/2015 sem SS Byggir ehf og Hálönd ehf höfðuðu gegn Akureyrarbæ vegna gatnagerðargjalda af orlofshúsum í Hálöndum.

Inga Þöll Þórgnýsdóttir bæjarlögmaður sat fundinn undir þessum lið.