Bæjarráð - 3663

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Lagður fram viðauki 10.

Dan Jens Brynjarsson sviðsstjóri fjársýslusviðs og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Bæjarráð samþykkir framlagðan viðauka með 5 samhljóða atkvæðum og vísar honum til staðfestingar í bæjarstjórn.

Bæjarstjórn samþykkti á fundi sínum þann 19. nóvember sl. að rekstri Hlíðarfjalls verði breytt í B-hluta fyrirtæki. Jafnframt vísaði bæjarstjórn málinu aftur til bæjarráðs til frekari meðferðar.

Dan Jens Brynjarsson sviðsstjóri fjársýslusviðs og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Bæjarráð samþykkir með 5 samhljóða atkvæðum að skipa 3ja manna stjórn yfir Hlíðarfjall sem heyri beint undir bæjarráð. Bæjarráð felur bæjarstjóra að vinna málið áfram.

Kynning á nýgerðum kjarasamningum við iðnaðarmenn.

Dan Jens Brynjarsson sviðsstjóri fjársýslusviðs og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Lögð fram tillaga að breytingu á Reglum um launakjör og starfsaðstöðu bæjarfulltrúa og nefndarmanna hjá Akureyrarbæ. Breytingin felst í því að greitt verður fyrir fundasetu í ungmennaráði.

Halla Margrét Tryggvadóttir sat fund bæjarráðs undir þessum lið.

Bæjarráð samþykkir tillöguna með 5 samhljóða atkvæðum.

Fylgiskjöl

• Reglur um nefndalaun samþykktar í bæjarráði 28 nóvember 2019.pdf

Lögð fram drög að reglum um notkun á merki Akureyrarbæjar.

Hulda Sif Hermannsdóttir aðstoðarmaður bæjarstjóra og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Bæjarráð samþykkir tillöguna með 5 samhljóða atkvæðum og vísar henni til afgreiðslu í bæjarstjórn.

Lögð fram tillaga að hönnunarstaðli Akureyrarbæjar.

Hulda Sif Hermannsdóttir aðstoðarmaður bæjarstjóra og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Bæjarráð samþykkir tillögu að hönnunarstaðli með 5 samhljóða atkvæðum og vísar henni til afgreiðslu í bæjarstjórn.

Lagt fram til kynningar erindi dagsett 14. nóvember 2019 frá velferðarnefnd Alþingis þar sem óskað er umsagnar um frumvarp til laga um almennar íbúðir (hækkun tekju- og eignamarka leigjenda, sérstakt byggðaframlag, veðsetningu), 320. mál 2019. Þess er óskað að undirrituð umsögn berist eigi síðar en 3. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/150/s/0363.html

Lagt fram til kynningar erindi dagsett 18. nóvember 2019 frá velferðarnefnd Alþingis þar sem óskað er umsagnar um frumvarp til laga um lyfjalög (lausasölulyf), 266. mál 2019.

Þess er óskað að undirrituð umsögn berist eigi síðar en 2. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/150/s/0294.html

Bæjarráð felur bæjarstjóra að senda inn umsögn í samræmi við umræður á fundinum.