Velferðarráð - 1333

Haraldur Líndal Haraldsson og Arnar Haraldsson ráðgjafar hjá HLH Ráðgjöf kynntu drög að niðurstöðum úttektar á rekstri málaflokks fatlaðra.

Velferðarráð þakkar kynninguna. Jafnframt felur ráðið sviðsstjóra og þjónustustjóra að skoða nánar þær tillögur sem fram koma í úttektinni og leggja fyrir ráðið drög að vinnuáætlun.

Lagt fram minnisblað Guðrúnar Sigurðardóttur sviðsstjóra velferðarsviðs um stöðu öryggisvistunar og húsnæðismál dagsett 12. febrúar 2021.

Arna Jakobsdóttir forstöðumaður öryggisvistunar sat fundinn undir þessum lið.

Velferðarráð leggur mikla áheyrslu á að unnið verði að samkomulagi við ríkið um nýtt húsnæði fyrir öryggisvistun sem uppfyllir allar þarfir starfseminnar og felur sviðsstjóra að vinna áfram að málinu.

Tekin fyrir beiðni bæjarráðs um að skipa fulltrúa í vinnuhóp til þess að móta aðgerðaáætlun í málefnum eldri borgara.

Velferðarráð skipar Heimi Haraldsson formann velferðarráðs og Bergdísi Ösp Bjarkadóttur forstöðumann heimaþjónustu í vinnuhópinn.