Bæjarráð - 3707

Lögð fram drög að fjárhagsáætlun.

Dan Jens Brynjarsson sviðsstjóri fjársýslusviðs, Kristín Baldvinsdóttir verkefnastjóri á fjársýslusviði og bæjarfulltrúarnir Andri Teitsson, Eva Hrund Einarsdóttir, Heimir Haraldsson, Ingibjörg Ólöf Isaksen og Þórhallur Jónsson sátu fund bæjarráðs undir þessum lið.

Bæjarráð vísar fjárhagsáætlun 2021-2024 til fyrri umræðu í bæjarstjórn.

Fylgiskjöl

• Fjárhagsáætlun Akureyrarbæjar, afgreidd úr bæjarráði til fyrri umræðu í bæjarstjórn 26.11.2020.pdf

Samningar við lóðarhafa vegna deiliskipulags Hvannavallareits lagðir fram til staðfestingar.

Dan Jens Brynjarsson sviðsstjóri fjársýslusviðs og Pétur Ingi Haraldsson sviðsstjóri skipulagssviðs sátu fund bæjarráðs undir þessum lið.

Bæjarráð staðfestir samningana með fimm samhljóða atkvæðum.

Liður 5 í fundargerð fræðsluráðs dagsettri 16. nóvember 2020:

Endurskoðaðar reglur um niðurgreiðslu á daggæslu í heimahúsum voru lagðar fram til staðfestingar. Breytingar hafa verið gerðar á reglunum vegna aukinna niðurgreiðslna og niðurgreiðslu 8. tímans þar sem horft er til breytinga á reglunum samhliða lengingu fæðingarorlofs í 10 mánuði frá 1. janúar 2020 og svo í 12 mánuði frá 1. janúar 2021.

Fræðsluráð samþykkir samhljóða framlagðar breytingar fyrir sitt leyti og vísar þeim til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð vísar reglunum til afgreiðslu í bæjarstjórn.

Lögð fram drög að starfsáætlun stjórnsýslusviðs fyrir árið 2021.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir starfsáætlun stjórnsýslusviðs fyrir árið 2021 með fimm samhljóða atkvæðum.

Umræða um styttingu vinnuviku dagvinnufólks og stöðu undirbúningsvinnu innan bæjarkerfisins.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Lagt fram yfirlit um tillögur sem fram komu á stórþingi ungmenna sem haldið var 6. september 2019 og viðtalstímum bæjarfulltrúa í grunnskólum bæjarins haustið 2019.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð vísar liðunum Umhverfis- og mannvirkjasvið 1-6 til umhverfis- og mannvirkjaráðs, liðunum Fræðslusvið 1-3 til fræðsluráðs, liðunum Samfélagssvið 1-5 til frístundaráðs, liðnum Skipulagssvið 1 til skipulagsráðs, liðunum Fjölskyldusvið 1-2 og Búsetusvið 1-2 til velferðarráðs og liðunum Akureyrarstofa 1-3 til stjórnar Akureyrarstofu. Aðrir liðir eru lagðir fram til kynningar.

Fylgiskjöl

• Viðtalstímar í grunnskólum haust 2019 - samantekt.pdf

Lögð fram tillaga að sameiningu fjölskyldusviðs og búsetusviðs í eitt velferðarsvið. Markmið breytinganna er að einfalda og bæta þjónustu við íbúa og lækka rekstrarkostnað.

Hulda Sif Hermannsdóttir aðstoðarmaður bæjarstjóra, Guðrún Sigurðardóttir sviðsstjóri fjölskyldusviðs og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Bæjarráð samþykkir með fimm samhljóða atkvæðum sameiningu fjölskyldusviðs og búsetusviðs í eitt velferðarsvið sem og nýtt skipurit frá 1. janúar 2021 og vísar málinu til afgreiðslu í bæjarstjórn. Jafnframt vísar bæjarráð starfslýsingum forstöðumanns skrifstofu og leiðandi forstöðumanna til umfjöllunar í kjarasamninganefnd.

Liður 6 í fundargerð frístundaráðs dagsettri 18. nóvember 2020:

Lagðar fram til samþykktar breytingar á samþykkt um ungmennaráð.

Alfa Aradóttir forstöðumaður forvarnamála, Ellert Örn Erlingsson forstöðumaður íþróttamála og Hrafnhildur Guðjónsdóttir verkefnastjóri barnvæns sveitarfélags sátu fundinn undir þessum lið.

Frístundaráð samþykkir tillögu ungmennaráðs á samþykkt um ráðið og vísar samþykktinni til bæjarráðs.

Bæjarráð frestar afgreiðslu og vísar málinu til bæjarlögmanns til skoðunar.

Umfjöllun um tillögu til þingsályktunar um framtíð Reykjavíkurflugvallar mál nr. 39 á 151. löggjafarþingi.

Bæjarráð Akureyrarbæjar leggur þunga áherslu á mikilvægi þess að miðstöð innanlandsflugs verði áfram óskert í Vatnsmýrinni þar til annar jafn góður eða betri kostur hefur verið tekinn í notkun.

Bæjarráð samþykkir fyrirliggjandi umsögn og felur bæjarstjóra að senda hana fyrir hönd bæjarins.

Fylgiskjöl

• Umsögn Akureyrarbæjar um tillögu til þingsályktunar um þjóðaratkvæðagreiðslu um framtíð Reykjavíkurflugvallar mál nr 39_26112020.pdf

Lögð fram fundargerð hverfisnefndar Brekku og Innbæjar dagsett 12. nóvember 2020.

Fundargerðir nefndarinnar er að finna á eftirfarandi slóð: https://www.akureyri.is/is/stjornkerfi/stjornsysla/hverfisnefndir/brekka-og-innbaer/fundargerdir

Bæjarráð vísar lið 1 til umhverfis- og mannvirkjasviðs, lið 2 skipulagssviðs og lið 3 til stýrihóps um íbúasamráð.

Lögð fram beiðni um fjárstuðning vegna rekstrar Iðnaðarsafnsins á árinu 2020.

Bæjarráð samþykkir framlag sem nemur 2,2 milljónum króna.

Lagt fram til kynningar erindi dagsett 17. nóvember 2020 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um mótun heildstæðrar stefnu um afreksfólk í íþróttum, 81. mál 2020. Þess er óskað að undirrituð umsögn berist eigi síðar en 1. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0082.html

Lagt fram til kynningar erindi dagsett 17. nóvember 2020 frá umhverfis- og samgöngunefnd Alþingis þar sem óskað er umsagnar um frumvarp til laga um breytingu á lögum um náttúruvernd, nr. 60/2013 (málsmeðferð o.fl.), 276. mál 2020.

Þess er óskað að undirrituð umsögn berist eigi síðar en 1. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0308.html

Lagt fram til kynningar erindi dagsett 18. nóvember 2020 frá umhverfis- og samgöngunefnd Alþingis þar sem óskað er umsagnar um frumvarp til laga um breytingu á skipulagslögum, nr. 123/2010 (uppbygging innviða og íbúðarhúsnæðis), 275. mál 2020.

Þess er óskað að undirrituð umsögn berist eigi síðar en 2. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/00307.html

Lagt fram til kynningar erindi dagsett 18. nóvember 2020 frá velferðarnefnd Alþingis þar sem óskað er umsagnar um tillögu til þingsályktunar um búsetuöryggi í dvalar- og hjúkrunarrýmum, 240. mál 2020. Þess er óskað að undirrituð umsögn berist eigi síðar en 2. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0258.html

Lagt fram til kynningar erindi dagsett 18. nóvember 2020 frá atvinnuveganefnd Alþingis þar sem óskað er umsagnar um frumvarp til laga um fiskeldi (vannýttur lífmassi í fiskeldi), 265. mál 2020.

Þess er óskað að undirrituð umsögn berist eigi síðar en 2. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0294.html

Lagt fram til kynningar erindi dagsett 18. nóvember 2020 frá velferðarnefnd Alþingis þar sem óskað er umsagnar um tillögu til þingsályktunar um orlofshúsnæði örorkulífeyrisþega, 187. mál 2020. Þess er óskað að undirrituð umsögn berist eigi síðar en 2. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0188.html

Lagt fram til kynningar erindi dagsett 19. nóvember 2020 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um menntastefnu 2020-2030, 278. mál 2020. Þess er óskað að undirrituð umsögn berist eigi síðar en 3. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0310.html

Lagt fram til kynningar erindi dagsett 19. nóvember 2020 frá allsherjar- og menntamálanefnd Alþingis þar sem óskað er umsagnar um frumvarp til laga um breytingu á lögum um skráningu einstaklinga, nr. 140/2019 (sveitarfélag fyrsta lögheimilis), 82. mál 2020.

Þess er óskað að undirrituð umsögn berist eigi síðar en 3. desember nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0083.html