Bæjarráð - 3756

Matthías Þorvaldsson frá Gallup kynnti niðurstöður þjónustukönnunar.

Halla Margrét Tryggvadóttir sviðsstjóri mannauðssviðs, Sumarliði Helgason sviðsstjóri þjónustu- og skipulagsssviðs og bæjarfulltrúarnir Eva Hrund Einarsdóttir, Gunnfríður Elín Hreiðarsdóttir, Heimir Haraldsson og Þórhallur Jónsson sátu fund bæjarráðs undir þessum lið.

Bæjarráð telur mikilvægt að fá fram viðhorf bæjarbúa til þjónustu sveitarfélagsins og þakkar þátttakendum í könnuninni fyrir mikilvægt framlag.

Bæjarráð felur sviðsstjóra þjónustu- og skipulagssviðs og verkefnastjóra upplýsingamiðlunar að koma þjónustukönnuninni á framfæri á heimasíðu sveitarfélagsins og beinir því til sviða og ráða að taka niðurstöður könnunarinnar til umfjöllunar og úrvinnslu.

Fylgiskjöl

• Akureyri_2021_má_birta.pdf
• Akureyri_2021_Umhverfismál_má_birta.pdf

Umfjöllun um réttindi og kjör ungs fólks í Fjölsmiðjunni á Akureyri.

Málið var áður á dagskrá bæjarráðs 28. október 2021 og var sviðsstjóra stjórnsýslusviðs og lögfræðingi velferðarsviðs falið að vinna að gerð samkomulags við Einingu-Iðju vegna ungmenna í starfsþjálfun í Fjölsmiðjunni.

Halla Margrét Tryggvadóttir sviðsstjóri mannauðssviðs og Heimir Haraldsson bæjarfulltrúi sátu fund bæjarráðs undir þessum lið.

Bæjarráð felur sviðsstjóra mannauðssviðs að vinna málið áfram.

Umfjöllun um yfirstandandi kjaraviðræður við hluta aðildarfélaga BHM og KÍ.

Halla Margrét Tryggvadóttir sviðsstjóri mannauðssviðs og Heimir Haraldsson bæjarfulltrúi sátu fund bæjarráðs undir þessum lið.

Lögð fram tillaga um niðurfellingu fræðslunefndar en þar sem námsleyfasjóðir hafa verið lagðir niður er hlutverk nefndarinnar óverulegt og ekki þörf á því að hafa hana starfandi.

Halla Margrét Tryggvadóttir sviðsstjóri mannauðssviðs, Inga Þöll Þórgnýsdóttir bæjarlögmaður og Heimir Haraldsson bæjarfulltrúi sátu fund bæjarráðs undir þessum lið.

Bæjarráð samþykkir að leggja niður fræðslunefndina.

Fylgiskjöl

• samthykkt-fyrir-fraedslunefnd-akureyrarbaejar.pdf

Dómsorð í dómsmáli nr. S-365/2021 lagt fram til kynningar og umræðu.

Inga Þöll Þórgnýsdóttir bæjarlögmaður, Guðrún Sigurðardóttir sviðsstjóri velferðarsviðs og Heimir Haraldsson bæjarfulltrúi sátu fund bæjarráðs undir þessum lið.

Bæjarráð felur bæjarstjóra, sviðsstjóra velferðarsviðs og bæjarlögmanni að óska eftir viðræðum um búsetuúrræðið við félagsmálaráðuneytið sem fer með málefni öryggisvistunar, sbr. bréf til félagsmálaráðuneytisins dagsett 26. janúar 2022.

Fylgiskjöl

• Dómsorð í dómsmáli nr. S-365 2021.pdf

Lögð fram endurskoðuð húsnæðisáætlun Akureyrarbæjar.

Málið var áður á dagskrá bæjarráðs 16. desember sl.

Pétur Ingi Haraldsson forstöðumaður skipulagsmála og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

Bæjarráð vísar húsnæðisáætlun til afgreiðslu bæjarstjórnar.

Rætt um reglur um styrkveitingar Akureyrarbæjar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð felur sviðsstjóra fjársýslusviðs og sviðsstjóra þjónustu- og skipulagssviðs að endurskoða reglur um styrkveitingar og leggja fyrir bæjarráð.

Gunnar Gíslason vék af fundi kl. 10:59.

Fylgiskjöl

• Reglur um styrkveitingar Akureyrarkaupstaðar - 6.11.2012 - afrit.pdf

Liður 4 í fundargerð umhverfis- og mannvirkjaráðs dagsettri 21. janúar 2022:

Lagt fram minnisblað dagsett 19. janúar 2022 varðandi uppgjör framkvæmda við leikskólann Klappir.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir að óska eftir viðauka til bæjarráðs þess efnis að færa kr. 40 milljónir frá áætlun ársins 2021 til 2022 vegna seinkunar verkloka og uppgjörs verksins.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir að gerður verði viðauki við áætlun ársins 2022 vegna málsins og felur sviðsstjóra fjársýslusviðs að vinna viðaukann.

Lögð fram til kynningar fundargerð 33. fundar stjórnar SSNE dagsett 12. janúar 2022.

Fylgiskjöl

• fundargerð 33. fundar.pdf

Lögð fram til kynningar fundargerð 905. fundar stjórnar Sambands íslenskra sveitarfélaga dagsett 14. janúar 2022.

Fylgiskjöl

• stjórn Sambands íslenskra sveitarfélaga - 905.pdf

Lagt fram til kynningar erindi dagsett 20. janúar 2022 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um almannavarnir (almannavarnastig o.fl.), 181. mál 2022. Þess er óskað að undirrituð umsögn berist eigi síðar en 3. febrúar nk. á netfangið nefndasvid@althingi.is. Þingskjalið er hægt að sækja á vef Alþingis: https://www.althingi.is/altext/pdf/152/s/0183.pdf