Bæjarráð - 3818

Farið yfir stöðu og næstu skref varðandi íbúaapp Akureyrarbæjar.

Sumarliði Helgason sviðsstjóri þjónustu- og skipulagssviðs, Jón Þór Kristjánsson forstöðumaður þjónustu og þróunar og Anna Karen Kristinsdóttir verkefnastjóri stafrænnar þróunar sátu fund bæjarráðs undir þessum lið.

Bæjarráð fagnar þeim góðu viðtökum sem íbúappið hefur fengið. Búið er að skilgreina meginmarkmið fyrir annan áfanga og á þeim grunni stendur til að þróa nýja virkni eftir hugmyndasöfnun meðal íbúa. Mikilvægt er að samhliða þeirri vinnu verði lögð áhersla á að kynna núverandi möguleika í appinu, svo sem ábendingagátt og rafrænt gámakort.

Fylgiskjöl

• Íbúaap Akureyrar áfangi 2.pdf

Erindi dagsett 1. september 2023 frá innviðaráðuneytinu þar sem boðað er til ársfundar Jöfnunarsjóðs sveitarfélaga sem haldinn verður miðvikudaginn 20. september nk. á Hilton Nordica í Reykjavík. Tilkynna þarf þátttöku fyrir 14. september.

Bæjarráð felur Ásthildi Sturludóttur bæjarstjóra að sækja ársfundinn fyrir hönd Akureyrarbæjar.

Fylgiskjöl

• Til framkvæmdastjóra sveitarfélaga.pdf

Lagt fram til kynningar erindi dagsett 29. ágúst 2023 þar sem Byggðastofnun býður til málþings um byggðaþróunarverkefnið Brothættar byggðir fimmtudaginn 5. október nk. Málþingið verður haldið á félagsheimilinu Hnitbjörgum á Raufarhöfn kl. 10:30-16:20. Ráðgert er að viðburðurinn verði einnig sendur út í streymi.

Fylgiskjöl

• Málþingsdagskrá til dreifingar.pdf

Kynning á nýgerðum kjarasamningum Félags stjórnenda leikskóla við Samband íslenskra sveitarfélaga.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð felur sviðsstjórum mannauðssviðs og fjársýslusviðs að gera viðauka vegna málsins og leggja fyrir bæjarráð.

Fylgiskjöl

• FSL_kjarasamningur 2023-2024_LOK.pdf

Kynning á nýgerðum kjarasamningi Skólastjórafélags Íslands við Samband íslenskra sveitarfélaga.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð felur sviðsstjórum mannauðssviðs og fjársýslusviðs að gera viðauka vegna málsins og leggja fyrir bæjarráð.

Fylgiskjöl

• SÍ_kjarasamningur_2023-2024_LOK.pdf