Framkvæmdaráð - 326

Kynnt staðan á fjárhagsáætlun ársins fyrir janúar- og febrúarmánuð og rætt um hvernig draga má úr rekstrarútgjöldum og/eða auka tekjur sbr. kynningu aðgerðarhóps frá 19. febrúar sl.

Einnig var farið yfir tillögur vinnuhóps um kaup á tækjum fyrir umhverfismiðstöð.

Jónas Vigfússon forstöðumaður umhverfismiðstöðvar og Engilbert Ingvarsson aðstoðarverkstjóri kynntu tillögurnar.

Framkvæmdaráð ákveður að dregið verði verulega úr sandburði og snjómokstri fram til vors. Jafnframt hvetur framkvæmdaráð bæjarbúa til að sópa í kringum sínar eignir.

Farið yfir kosti og galla útboðsins "Smáverk fyrir Akureyrarbæ 2015" og ákvörðun tekin um nýtt útboð.

Jónas Vigfússon forstöðumaður umhverfismiðstöðvar fór yfir málið.

Framkvæmdaráð samþykkir að farið verði í nýtt útboð.

Kynnt niðurstaða fjárhagsáætlunar ársins 2015.

Farið yfir endanleg drög af nýjum þjónustusamningi um akstur.

Framkvæmdaráð samþykkir samninginn fyrir sitt leyti.

Farið yfir hugmyndir um rekstur á almenningssalernum og möguleika á breytingum á húsakosti í Hrísey.

Framkvæmdaráð óskar eftir umsögn stjórnar Akureyrarstofu um mögulega lokun á almenningssalernum.

Framkvæmdaráð er sammála því að sameina starfsemi björgunarsveitar, slökkviliðs og áhaldahúss í Hrísey undir sama þaki svo framarlega sem það leiði ekki til aukins kostnaðar.

Bæjartæknifræðingi falið að vinna málið áfram með Fasteignum Akureyrarbæjar.

Njáll Trausti Friðbertsson D-lista óskar eftir því að fjármálastjóri sveitarfélagsins komi fyrir framkvæmdaráð og ræði stöðu eignarsjóðs gatna og þróun hans undanfarin áratug.

Einnig óskar Njáll eftir að afskrifta- og endurmatsreglur sjóðsins verði kynntar fyrir ráðinu.