Bæjarráð - 3544

Rætt um endurskoðun á innkaupareglum Akureyrarbæjar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir að fella úr gildi innkaupareglur Akureyrarbæjar frá 2004 (með síðari breytingum). Framvegis verði einungis unnið eftir nýjum lögum um opinber innkaup nr. 120/2016.

Málinu vísað til bæjarstjórnar.

Tekið fyrir að nýju, áður á dagskrá bæjarráðs 9. febrúar og 19. janúar sl.

1. liður í fundargerð stjórnar Akureyrarstofu dagsett 12. janúar 2017:

Farið yfir drög að samningi Akureyrarbæjar og Menningarfélags Akureyrar, f.h. Menningarfélagsins Hofs, Leikfélags Akureyrar og Sinfóníuhljómsveitar Norðurlands.

Stjórn Akureyrarstofu samþykkir samninginn fyrir sitt leyti. Vegna ákvæða um árangurstengt framlag og þátttöku í rekstrarkostnaði almenningssalerna Hofs yfir sumartímann þarf samningurinn staðfestingar bæjarráðs við.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir samninginn.

Lagður fram viðauki 1.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagðan viðauka 1 og vísar honum til staðfestingar í bæjarstjórn.

Lögð fram tillaga sviðsstjóra fjársýslusviðs dagsett 13. febrúar 2017 um afskriftir krafna.

Kröfurnar eru frá árunum 2013 og eldri árum. Jafnframt er um að ræða yngri kröfur hjá gjaldþrota aðilum og einstaklingum sem fengið hafa greiðsluaðlögun.

Samtals er um 615 kröfur að ræða að fjárhæð 9.463.328 krónur.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir tillögu sviðsstjóra fjársýslusviðs um afskriftir 615 krafna að fjárhæð 9.463.328 krónur.

1. liður í fundargerð bæjarráðs dagsett 19. janúar 2017:

Tekið fyrir að nýju. Áður á dagskrá bæjarráðs 8. desember 2016 en þá samþykkti bæjarráð að fela fjármálastjóra, forstöðumanni íþróttamála og forstöðumanni skíðasvæðisins í Hlíðarfjalli að vinna að frekari útfærslu á kostnaðaráætlun og vinna drög að samningi við Vini Hlíðarfjalls um kaup og uppsetningu á lyftu.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð felur bæjarstjóra og sviðsstjóra fjársýslusviðs að vinna áfram að málinu í samræmi við umræður á fundinum. Bæjarráð vísar málinu til frístundaráðs til umfjöllunar þegar frekari gögn liggja fyrir.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð frestar afgreiðslu til næsta fundar.

Farið yfir stöðu og framgang úrbótaverkefna aðgerðahóps um framtíðarrekstur Akureyrarbæjar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lagt fram erindi dagsett 30. janúar 2017 frá Kristínu Hebu Gísladóttur verkefnastjóra fyrir hönd AkureyrarAkademíunnar. Í erindinu er óskað eftir endurnýjun á leigusamningi AkureyrarAkademíunnar við Akureyrarbæ vegna Háhlíðar 1 (Árholt).

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð frestar afgreiðslu.

Lagt fram til kynningar minnisblað dagsett 6. febrúar 2017 frá Árna Pálssyni hrl vegna silungsveiði í Pollinum.

Fylgiskjöl

• Minnisblað frá Árna Pálssyni v. veiða í Pollinum feb 2017.pdf

Erindi dagsett 12. desember 2016 frá Maroun Antoun bæjarstjóra El Qrayeh sem er lítill bær í suður Líbanon. Í erindinu óskar hann eftir vinabæjasambandi við Akureyrarbæ. El Qrayeh er 5.000 manna bær sem á sér 2.000 ára sögu.

Bæjarráð getur ekki orðið við erindinu.

Fylgiskjöl

• International Proposal..pdf

16. liður í fundargerð skipulagsráðs dagsett 25. janúar 2017:

Vinnuhópur um verklagsreglur um lokanir gatna leggur fram endurskoðaðar verklagsreglur. Einnig er óskað eftir því við bæjaryfirvöld að peningi verði veitt í verkefni á vegum miðbæjarstjóra starfandi hjá Akureyrarstofu með áherslu á að efla miðbæinn.

Skipulagsráð leggur til við bæjarstjórn að verklagsreglurnar verði samþykktar. Jafnframt vísar skipulagsráð til bæjarráðs ósk um fjárveitingu í verkefni á vegum miðbæjarstjóra starfandi hjá Akureyrarstofu með áherslu á að efla miðbæinn.

Bæjarráð vísar málinu til stjórnar Akureyrarstofu.

Eiríkur Björn Björgvinsson bæjarstjóri vék af fundi kl. 10:50.

3. liður í fundargerð frístundaráðs dagsett 9. febrúar 2017:

Sviðsstjóri samfélagssviðs lagði fram tillögu um skipulag sviðsins og ráðningu millistjórnanda.

Ellert Örn Erlingsson forstöðumaður íþróttamála vék af fundi undir þessum lið.

Frístundráð gerir ekki athugasemd við tillöguna.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Meirihluti bæjarráðs samþykkir framkomna tillögu frístundaráðs og vísar málinu til kjarasamninganefndar.

Preben Jón Pétursson Æ-lista sat hjá við afgreiðslu.

Lögð fram til kynningar mánaðarskýrsla um stöðugildi, yfirvinnu og fleira.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Erindi dagsett 7. febrúar 2017 frá Sambandi íslenskra sveitarfélaga um endurskoðun á samningi við Fjölís. Í erindinu kemur fram eftirfarandi bókun stjórnar Sambandsins um málið:

Stjórnin samþykkir að mæla með því við sveitarfélögin að þau gangi til samninga við Fjölís á grundvelli þeirra gagna sem lögð voru fram á fundinum. Framkvæmdastjóra falið að tilkynna sveitarfélögunum þessa niðurstöðu.

Bæjarráð samþykkir að taka upp viðræður við Fjölís um samning um fjölföldun á vernduðum verkum.

Lagt fram til kynningar erindi frá Lánasjóði sveitarfélaga dagsett 10. febrúar 2017, þar sem óskað er eftir framboðum til stjórnar og varastjórnar Lánasjóðsins. Tilnefningar og/eða framboð skulu send fyrir kl. 12:00 þann 27. febrúar nk á netfang Erlings Ásgeirssonar: erling.asgeirsson@simnet.is

Lögð fram fundargerð 99. fundar hverfisnefndar Holta- og Hlíðahverfis dagsett 7. febrúar 2017. Fundargerðina má finna á netslóðinni:

http://www.akureyri.is/is/stjornkerfid/hverfisnefndir/holta-og-hlidahverfi/fundargerdir-2014-2015

Bæjarráð vísar 3. og 4. lið til umhverfis- og mannvirkjasviðs, 1. og 2. liður eru lagðir fram til kynningar í bæjarráði.

Fylgiskjöl

• 99._fundur_hverfisnefndar.pdf

Lögð fram til kynningar fundargerð 75. fundar - aðalfundar hverfisnefndar Naustahverfis dagsett 16. október 2016.

Fundargerðina má finna á netslóðinni: http://www.akureyri.is/is/stjornkerfid/hverfisnefndir/naustahverfi/fundargerdir

Fylgiskjöl

• hverfisnefnd_Naustahverfis_aðalfundur.pdf

Lagt fram til kynningar erindi dagsett 6. febrúar 2017 frá innanríkisráðuneytinu, þar sem vakin er athygli á að drög að reglugerð um útlendingamál hefur verið birt til umsagnar. Frestur til að skila inn athugasemdum við drögin er til og með 19. febrúar nk. Sjá nánar á heimasíðu ráðuneytisins: https://www.innanrikisraduneyti.is/frettir/drog-ad-reglugerd-um-utlendingamal-til-umsagnar

Fylgiskjöl

• Drög að reglugerð um útlendingamál

Lagt fram til kynningar erindi dagsett 10. febrúar 2017 frá umhverfis- og samgöngunefnd Alþingis þar sem óskað er umsagnar um frumvarp til laga um farþegaflutninga og farmflutninga, 128. mál. 2017. Þess er óskað að undirrituð umsögn berist eigi síðar en 24. febrúar nk. á netfangið nefndasvid@althingi.is. Þingskjalið er hægt að sækja á vef Alþingis: http://www.althingi.is/altext/146/s/0187.html

Fylgiskjöl

• Frumvarp til laga um farþegaflutninga og farmflutninga, 128. mál