Bæjarráð - 3860

Lagður fram viðauki 5.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Bæjarráð samþykkir með þremur atkvæðum viðauka 5 og vísar honum til staðfestingar í bæjarstjórn.



Sunna Hlín Jóhannesdóttir B-lista og Hilda Jana Gísladóttir S-lista sitja hjá og óska bókað ásamt Ásrúnu Ýr Gestsdóttur V-lista:



Samþykkjum fyrir okkar leyti alla liði í þessum viðauka nema þann sem snýr að 6 tíma gjaldfrjálsum leikskóla að upphæð kr. 69.600.000 og leigu húsnæðis í Glerárgötu.

Fylgiskjöl

• Viðauki 5 2024.pdf

Liður 1 í fundargerð velferðarráðs dagsettri 28. ágúst 2024:

Umræða um húsnæðismál stuðnings- og stoðþjónustu velferðarsviðs.

Elfa Björk Gylfadóttir forstöðumaður og Hulda Sif Hermannsdóttir aðstoðarmaður bæjarstjóra sátu fundinn undir þessum lið.

Sveitarfélagið er í viðræðum við ríkið og HSN um uppbyggingu á húsnæði fyrir stuðnings- og stoðþjónustuna samhliða nýrri heilsugæslu, ekki er gert ráð fyrir að stuðnings- og stoðþjónustan fari í íþróttahöllina og því má taka það verkefni út af framkvæmdaáætlun.

Velferðarráð lýsir yfir ánægju með þróun mála og leggur áherslu á að þetta verkefni verði unnið hratt og vel áfram.

Hulda Sif Hermannsdóttir aðstoðarmaður bæjarstjóra sat fund bæjarráðs undir þessum lið.

Bæjarráð tekur undir bókun velferðarráðs.

Farið yfir stöðu innleiðingar á nýju sorphirðukerfi.

Guðríður Friðriksdóttir sviðsstjóri umhverfis- og mannvirkjasviðs, Ísak Már Jóhannesson verkefnastjóri úrgangs- og loftslagsmála og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

Lögð fram drög að málstefnu Akureyrarbæjar, sem er mótuð í samræmi við 130. gr. sveitarstjórnarlaga. Málstefnan fjallar um notkun á íslensku hjá Akureyrarbæ ásamt stefnu um aðgengi íbúa af erlendum uppruna, og þeirra sem nota táknmál og aðgengistól, að þjónustu og upplýsingum sveitarfélagsins.

Sumarliði Helgason sviðsstjóri þjónustu- og skipulagssviðs sat fund bæjarráðs undir þessum lið.

Bæjarráð samþykkir málstefnuna og vísar henni til umræðu og afgreiðslu í bæjarstjórn.

Fylgiskjöl

• Málstefna2024v3.pdf

Lögð fram til kynningar fundargerð 300. fundar stjórnar Norðurorkur sem var haldinn 20. ágúst 2024.

Fylgiskjöl

• Fundargerð 300. fundar stjórnar Norðurorku hf..pdf