Bæjarráð - 3773

Lagður fram viðauki 3.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hag- og áætlanagerðar sátu fund bæjarráðs undir þessum lið.

Bæjarráð samþykkir framlagðan viðauka og vísar honum til staðfestingar í bæjarstjórn.

Lögð fram ný tímaáætlun vegna vinnu við gerð fjárhagsáætlunar.

Málið var áður á dagskrá bæjarráðs þann 16. júní sl. og var afgreiðslu þess þá frestað.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hag- og áætlanagerðar sátu fund bæjarráðs undir þessum lið.

Bæjarráð samþykkir framlagða tímaáætlun.

Kynning á samþykkt fyrir bæjarráð Akureyrarbæjar og starfsáætlunum sviða.

Halla Margrét Tryggvadóttir, sviðsstjóri mannauðssviðs, Dan J. Brynjarsson, sviðsstjóri fjársýslusviðs og Kristín Baldvinsdóttir forstöðumaður hag- og áætlanagerðar sátu fundinn undir þessum lið.

Fylgiskjöl

• Samþykkt fyrir bæjarráð samþ í bæjarstjórn 14. des 2021 - afrit.pdf

Skipun fulltrúa í Listasafnsráð Listasafnsins á Akureyri.

Bæjarráð skipar Heimi Örn Árnason í Listasafnsráð Listasafnsins.

Skipun fulltrúa í stjórn Minjasafnsins á Akureyri - 3 aðalmenn og 3 til vara.

Bæjarráð skipar Gunnar Gíslason, Ólöfu Andrésdóttur og Sigfús Karlsson sem aðalmenn í stjórn Minjasafnsins og Þorstein Kristjánsson, Brynju Þorsteinsdóttur og Gunnar Má Gunnarsson sem varamenn.

Erindi dagsett 14. júní 2022 frá Sveinbjörgu Sveinsdóttur framkvæmdastjóra f.h. stjórnar Landskerfis bókasafna hf. þar sem boðað er til aðalfundar félagsins miðvikudaginn 29. júní nk. kl. 14:30 í húsakynnum félagsins að Katrínartúni 4 í Reykjavík.

Bæjarráð felur Árna Konráði Bjarnasyni að fara með umboð Akureyrarbæjar á fundinum.

Liður 6 í fundargerð skipulagsráðs dagsettri 15. júní 2022:

Allt frá árinu 2019 hefur verið unnið að því skoða hvernig standa megi að uppbyggingu á lóðunum Norðurgötu 5-7 og enduruppbyggingu lóðarinnar Norðurgötu 3. Að mati skipulagsráðs hefur ein meginforsenda málsins verið að spennistöð á svæðinu verði fjarlægð og ný stöð byggð í stað hennar á öðrum stað. Nú hefur tekið gildi deiliskipulagsbreyting fyrir nýja spennistöðvarlóð við Strandgötu og er því hægt að hefja undirbúning að niðurrifi núverandi spennistöðvar í samráði við Norðurorku og jafnframt hefja undirbúning að byggingu nýrrar stöðvar.

Skipulagsráð leggur til við bæjarráð að það samþykki að hafinn verði undirbúningur að niðurrifi spennistöðvar í Norðurgötu í samvinnu við Norðurorku, byggt á meðfylgjandi tillögu að kostnaðarskiptingu. Í henni felst einnig að Norðurorka afhendi Akureyrarbæ núverandi spennistöðvarlóð við Norðurgötu og fái í staðinn lóð við Strandgötu til uppbyggingar á nýrri spennistöð. Er skipulagsfulltrúa falið að vinna áfram að málinu í samráði við bæjarlögmann og Norðurorku.

Bæjarráð samþykkir að hafinn verði undirbúningur við færslu spennistöðvar í Norðurgötu í samvinnu við Norðurorku og að kostnaðartölur verði uppfærðar. Jafnframt felur bæjarráð sviðstjóra fjársýslusviðs að útbúa viðauka vegna málsins.

Lögð fram til kynningar stöðuskýrsla um fyrirhugað tæknifræðinám við Háskólann á Akureyri.

Bæjarráð fagnar því að nám í tæknifræði á háskólastigi sé að verða að veruleika við Háskólann á Akureyri.

Lagt fram boð félags- og vinnumarkaðsráðuneytis um þáttöku í samráði vegna máls nr.99/2022 - "Öryggisþjónusta - kortlagning, greining og stefna". Umsögn skal send inn á samráðsgátt og umsagnarfrestur er til og með 5. ágúst 2022.

Guðrún Sigurðardóttir, sviðsstjóri velferðarsviðs sat fundinn undir þessu lið.

Bæjarráð felur Guðrúnu Sigurðardóttur, sviðsstjóra velferðarsviðs að semja umsögn vegna "Öryggisþjónustu - kortlagningu, greiningu og stefnu" og senda í samráðsgátt.

Fylgiskjöl

• Öryggisþjónusta_Stefna og áætlun.pdf
• Öryggisþjónusta_Kortlagning og greining.pdf

Lögð fram drög að frumvarpi til laga um öryggisráðstafanir og öryggisvistun fullorðinna einstaklinga með fjölþættan vanda og/eða miklar þroska- og geðraskanir, sem hafa verið birt í samráðsgátt. Félags- og vinnumarkaðsráðuneytið óskar eftir umsögnum um drögin, eigi síðar en 5. ágúst 2022.

Guðrún Sigurðardóttir, sviðsstjóri velferðarsviðs sat fundinn undir þessu lið.

Bæjarráð felur Guðrúnu Sigurðardóttur, sviðsstjóra velferðarsviðs og Ingu Þöll Þórgnýsdóttur, bæjarlögmanni að semja umsögn vegna frumvarps til laga um öryggisráðstafanir og öryggisvistun fullorðinna einstaklinga með fjölþættan vanda og/eða miklar þroska- og geðraskanir, og senda í samráðsgátt.

Fylgiskjöl

• Frumvarp til laga um framkvæmd öryggisráðstafana og öryggisvistunar.pdf

Lögð fram til kynningar fundargerð 38. fundar stjórnar SSNE dagsett 8. júní 2022.

Bæjarráð tekur undir sjónarmið SSNE og furðar sig á því að framlag ríkisvaldsins til landshlutasamtaka og sóknaráætlana landshlutanna lækki verulega. Sérstaklega í ljósi þess að í stjórnarsáttmála ríkisstjórnarinnar kemur fram með skýrum hætti að unnið verði að eflingu sóknaráætlana og landshlutasamtaka. Bæjarráð hvetur ríkisstjórnina til að endurskoða afstöðu sína.

Fylgiskjöl

• Fundargerð 38. fundar.pdf