Bæjarráð - 3698

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið. Ingibjörg Ólöf Isaksen bæjarfulltrúi og stjórnarformaður Norðurorku og Helgi Jóhannesson forstjóri Norðurorku sátu fundinn undir hluta umræðunnar. Bæjarfulltrúarnir Andri Teitsson, Eva Hrund Einarsdóttir, Heimir Haraldsson og Þórhallur Jónsson sátu einnig fund bæjarráðs undir þessum lið, gegnum fjarfundarbúnað.

Bæjarráð þakkar Helga fyrir komuna á fundinn.

Hlynur Jóhannsson mætti til fundar kl. 08:26.

Lagt fram minnisblað stýrihóps um íbúalýðræði og starfshóps íbúalýðræðisverkefnis hjá SVA dagsett 24. september 2020 um stöðu verkefnisins og framhald vinnunnar.

Bæjarráð samþykkir með fimm samhljóða atkvæðum tillögur stýrihópsins. Í þeim felst meðal annars að stofnaður verði stýrihópur um íbúasamráð, sem ætlað er að halda uppi samfellu í íbúasamráði, enda fellur það vel að nýgerðum samstarfssáttmála bæjarstjórnar. Er sviðsstjóra stjórnsýslusviðs falið að taka tillit til þessarar samþykktar við gerð fjárhagsáætlunar.

Fylgiskjöl

• Ibúasamrad - Minnisblað styrihops bæjarrad 24 09 2020 docx.pdf

Bréf dagsett 11. september 2020 þar sem atvinnuvega- og nýsköpunarráðuneyti tilkynnir breytingar á umsóknarferli við úthlutun byggðakvóta fyrir fiskveiðiárið 2020-2021.

Bæjarráð samþykkir með fimm samhljóða atkvæðum að fela bæjarstjóra að senda inn tillögu þess efnis að undanþága verði veitt frá vinnsluskyldu í Grímsey vegna sérstakra aðstæðna.

Fylgiskjöl

• Úthlutun byggðakvóta til byggðarlaga og sérreglur sveitarfélaga um úthlutun byggðakvóta.pdf

Erindi frá Mörtu Kristínu Jónsdóttur, fyrir hönd Krabbameinsfélags Akureyrar og nágrennis, dagsett 16. september 2020 þar sem óskað er eftir stuðningi Akureyrarbæjar til að tryggja rekstur félagsins í að lágmarki eitt ár.

Bæjarráð getur ekki orðið við erindinu.

Lagt fram til kynningar erindi dagsett 18. september 2020 frá Ólafi Stephensen f.h. stjórnar Félags atvinnurekenda þar sem skorað er á sveitarfélög að lækka álagningarprósentu á atvinnuhúsnæði á næsta ári. Einnig er skorað á ríkisstjórn og sveitarfélögin að setjast að samningaborði og semja um nýtt og sanngjarnara kerfi fasteignaskatta á fyrirtæki.

Fylgiskjöl

• Áskorun stjórnar Félags atvinnurekenda vegna fasteignaskatts á atvinnuhúsnæði.pdf

Lögð fram til kynningar fundargerð 13. fundar stjórnar Samtaka sveitarfélaga og atvinnuþróunar á Norðurlandi eystra dagsett 16. september 2020.

Fundargerðir stjórnarinnar er að finna á eftirfarandi slóð: https://www.ssne.is/is/fundargerdir/stjorn-ssne