Bæjarráð - 3759

Farið yfir breytingar á barnaverndarlögum sem taka gildi 28. maí 2022 og fela í sér að barnaverndarnefndir leggjast af en í stað þeirra munu koma umdæmisráð.

Guðrún Sigurðardóttir sviðsstjóri velferðarsviðs og Halldóra Kristín Hauksdóttir sviðsstjóri velferðarsviðs sátu fund bæjarráðs undir þessum lið.

Bæjarráð hvetur til víðtæks samráðs sveitarfélaga um starfsemi umdæmisráðs barnaverndar.

Fylgiskjöl

• Umdæmisráð barnaverndar - frá Sambandinu.pdf
• Lög um breytingar á barnaverndarlögum..pdf
• Barnaverndarþjónusta - kynning 18feb .pptx

Lagðar fram til umfjöllunar og afgreiðslu tillögur fagráðs Barnamenningarhátíðar um styrkveitingar til viðburða á hátíðinni sem standa mun yfir frá 1.- 30. apríl næstkomandi.

Almar Alfreðsson verkefnastjóri menningarmála og Þórgnýr Dýrfjörð forstöðumaður atvinnu- og menningarmála sátu fund bæjarráðs undir þessum lið.

Bæjarráð samþykkir framlagðar tillögur fagráðs Barnamenningarhátíðar.

Fylgiskjöl

• verklagsreglur-bmh_2020.pdf
• Styrkt verkefni 2022.pdf

Lagt fram til samþykktar endurnýjað samkomulag sem og vinnureglur um listsjóðinn Verðandi. Sjóðurinn er samstarfsverkefni Akureyrarbæjar, Menningarfélags Akureyrar og Menningarfélagsins Hofs og geta einstaklingar og hópar sem starfa utan menningarstofnana sótt um styrk í sjóðinn til að standa fyrir viðburðum í Menningarhúsinu Hofi. Bæjarráð skipar einn fulltrúa í úthlutunarnefnd.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Bæjarráð samþykkir samkomulag og vinnureglur um listsjóðinn Verðanda og felur bæjarstjóra að undirrita samkomulagið fyrir hönd bæjarins. Bæjarráð skipar Huldu Sif Hermannsdóttur í úthlutunarnefndina.

Kynntur nýgerður kjarasamningur Sambands íslenskra sveitarfélaga við Félag kennara og stjórnenda í tónlistarskólum.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Fylgiskjöl

• ft-heildarkjarasamningur-2022-2023-lok.pdf

Kynntur nýgerður kjarasamningur Sambands íslenskra sveitarfélaga við Félag íslenskra hljómlistarmanna.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Fylgiskjöl

• fih-kjarasamningur-2022-til-2023-lok.pdf

Lögð fram drög að starfsáætlun mannauðssviðs fyrir árið 2022.

Halla Margrét Tryggvadóttir sviðsstjóri mannauðssviðs sat fundinn undir þessum lið.

Bæjarráð felur sviðsstjóra mannauðssviðs að vinna starfsáætlun sviðsins fyrir árið 2022 og leggja fram lokadrög fyrir næsta fund ráðsins.

Umfjöllun um kynningaráætlun mannauðssviðs fyrir árið 2022.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir kynningaráætlun mannauðssviðs fyrir árið 2022 með þeim breytingum sem gerðar voru á fundinum.

Umfjöllun um tillögu að launastefnu Akureyrarbæjar. Áður á dagskrá bæjarráðs 10. febrúar sl.

Halla Margrét Tryggvadóttir sviðsstjóri mannauðssviðs sat fundinn undir þessum lið.

Bæjarráð felur sviðsstjóra mannauðssviðs að vinna málið áfram.

Farið yfir stöðu verkefnisins.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð leggur áherslu á að vinnu við jafnlaunavottun verði hraðað og ljúki eigi síðar en 15. apríl nk.

Drög að reglum Akureyrarbæjar um tímabundin viðbótarlaun (TV einingar) lögð fram til umfjöllunar. Bæjarráð samþykkti á fundi sínum 10. febrúar sl. að taka upp reglur um tímabundin viðbótarlaun og fól bæjarstjóra og sviðsstjóra mannauðssviðs að móta verklagsreglur um TV einingar.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð felur sviðsstjóra mannauðssviðs að vinna áfram að reglum um TV einingar og leggja fyrir næsta fund ráðsins.

Halla Björk Reynisdóttir vék af fundi kl. 11:15.

Erindi dagsett 9. febrúar 2022 þar sem Hólmar Erlu Svansson f.h. Þekkingarvarða ehf. tilkynnir um fyrirhuguð kaup Háskólans á Akureyri á eignarhlut KEA í Þekkingarvörðum. Óskað er staðfestingar á því hvort Akureyrarbær hyggst nýta forkaupsrétt sinn í þessum viðskiptum eður ei.

Bæjarráð samþykkir að nýta ekki forkaupsréttinn.

Fylgiskjöl

• Þekkingarvörður ehf. erindi vegna forkaupsréttar.pdf

Lagt fram til kynningar erindi frá Lánasjóði sveitarfélaga ohf., dagsett 11. febrúar 2022, þar sem óskað er eftir framboðum til stjórnar og varastjórnar Lánasjóðsins. Tilnefningar og/eða framboð skulu berast fyrir kl. 12:00 þann 9. mars nk.

Fylgiskjöl

• Bréf frá kjörnefnd Lánasjóðs sveitarfélaga ohf.pdf

Erindi dagsett 13. febrúar 2022 frá SSNE varðandi tilnefningu eins fulltrúa í starfshóp um samgöngu- og innviðastefnu.

Bæjarráð tilnefnir Andra Teitsson og Jönu Salóme Ingibjargar Jósepsdóttur og kynjasamsetning starfshópsins ræður því hvort þeirra verður valið.

Fylgiskjöl

• Fulltrúi - Akureyrarbær.pdf

Lögð fram til kynningar fundargerð 35. fundar stjórnar SSNE dagsett 9. febrúar 2022.

Fylgiskjöl

• Fundargerð 35. fundar.pdf

Lögð fram til kynningar fundargerð 906. fundar stjórnar Sambands íslenskra sveitarfélaga dagsett 4. febrúar 2022.

Bæjarráð tekur undir eftirfarandi í bókun Sambands íslenskra sveitarfélaga:

Eigi leikskóli að loknu fæðingarorlofi að verða raunhæfur möguleiki þarf að taka á ýmsum hliðum málsins er lúta að framtíðarskipan leikskólastigsins m.t.t. mönnunar, lagaumhverfis, menntunar, starfsþróunar o.fl. Ljóst er að það er þörf á nýju uppleggi inn í umræðuna og mikilvægt að hún festist ekki í reiptogi milli ríkis og sveitarfélaga um fjármögnun.

Fylgiskjöl

• stjórn Sambands íslenskra sveitarfélaga - 906.pdf

Lagt fram til kynningar erindi dagsett 11. febrúar 2022 frá umhverfis- og samgöngunefnd Alþingis þar sem óskað er umsagnar um tillögu til þingsályktunar um áætlun um vernd og orkunýtingu landsvæða, 332. mál 2022. Þess er óskað að undirrituð umsögn berist eigi síðar en 25. febrúar nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/152/s/0468.html

Lagt fram til kynningar erindi dagsett 9. febrúar 2022 frá atvinnuveganefnd Alþingis þar sem óskað er umsagnar um tillögu til þingsályktunar um endurskoðun á laga- og reglugerðaumhverfi sjókvíaeldis, 93. mál 2022. Þess er óskað að undirrituð umsögn berist eigi síðar en 23. febrúar nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/152/s/0093.pdf