Bæjarráð - 3519

Farið yfir rekstur Menningarfélags Akureyrar.

Dan Jens Brynjarsson fjármálastjóri Akureyrarbæjar sat fund bæjarráðs undir þessum lið.

Bæjarráð frestar afgreiðslu.

Lögð fram drög að endurskoðaðri mannauðsstefnu Akureyrarbæjar.

Halla Margrét Tryggvadóttir starfsmannastjóri, Ingunn Helga Bjarnadóttir verkefnastjóri starfsþróunar og Birna Eyjólfsdóttir mannauðsráðgjafi sátu fund bæjarráðs undir þessum lið.



Þorsteinn Hlynur Jónsson Æ-lista mætti á fundinn kl. 09:20.

Bæjarráð vísar drögum að endurskoðaðri mannauðsstefnu Akureyrarbæjar til bæjarstjórnar.

Lagt fram til kynningar minnisblað dagsett 23. ágúst 2016 frá Sambandi íslenskra sveitarfélaga um áhrif nýrrar húsnæðislöggjafar á sveitarfélög.

15. liður í fundargerð skipulagsnefndar dagsett 24. ágúst 2016:

Erindi dagsett 19. ágúst 2016 þar sem Sigurður Sigurðsson fyrir hönd SS byggis ehf,

kt. 620687-2519, sækir um breytingu á deiliskipulagi Kristjánshaga 2 og Davíðshaga 4. Meðfylgjandi er tillaga unnin af Ómari Ívarssyni hjá Landslagi, dagsett 24. ágúst 2016 og samþykki nágranna.

Þar sem um óverulega breytingu á gildandi deiliskipulagi er að ræða samþykkir skipulagsnefnd að grenndarkynna erindið.

Þar sem samþykki nágranna liggur fyrir telst grenndarkynningu lokið. Skipulagsnefnd samþykkir erindið og leggur til við bæjarstjórn að tillagan verði samþykkt og málinu lokið samkvæmt 2. mgr. 43. gr. skipulagslaga nr. 123/2010.



Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 11. lið fundargerðar bæjarstjórnar 7. júní 2016.

Bæjarráð samþykkir tillögu skipulagsnefndar.

Rætt um samstarf sveitarfélaga um sameiginleg verkefni.

Bæjarráð óskar eftir því við stjórn Eyþings að tekin verði umræða á aðalfundinum um samstarf sveitarfélaga og hagkvæmni og skilvirkni í sameiginlegum verkefnum sveitarfélaga.

Lagðar fram til kynningar fundargerðir 281. og 282. fundar stjórnar Eyþings dagsettar 31. maí og 27. júní 2016.

Fundargerðirnar má finna á netslóðinni: http://www.eything.is/is/fundargerdir

Erindi frá Sýslumanninum á Norðurlandi eystra varðandi tilnefningu í stjórn Legatsjóðs Jóns Sigurðssonar.

Bæjarráð veitir stjórn Atvinnuþróunarfélags Eyjafjarðar fullt umboð til að tilnefna fulltrúa í stjórn sjóðsins.

Lagt fram til kynningar erindi dagsett 18. ágúst 2016 frá allsherjar- og menntamálanefnd Alþingis þar sem óskað er umsagnar um frumvarp til laga um námslán og námsstyrki, 794. mál, 2016. Þess er óskað að undirrituð umsögn berist eigi síðar en 31. ágúst nk. á netfangið nefndasvid@althingi.is. Þingskjalið er hægt að sækja á vef Alþingis: http://www.althingi.is/altext/145/s/1373.html



Þorsteinn Hlynur Jónsson Æ-lista vék af fundi kl. 10:50.