Fræðsluráð - 46

Bergmann Guðmundsson verkefnastjóri upplýsingatækni í Giljaskóla kom á fundinn og fylgdi sínu erindi eftir um þróun upplýsingatækni í grunnskólum Akureyrarbæjar.

Erla Rán Kjartansdóttir varamaður grunnskólakennara kom til fundar kl. 14:10.

Sesselja Sigurðardóttir leikskólaráðgjafi og Sigurbjörg Rún Jónsdóttir forstöðumaður þjónustu komu á fundinn og gerðu grein fyrir stöðu innritunar í leikskóla og hjá dagforeldrum.

Rósa Njálsdóttir M-lista kom til fundar kl. 14:15.

Fyrir fundinum lá beiðni frá skólaþjónustunni um viðbótarfjármagn vegna sérúrræða í leikskólum að upphæð 40 milljónir kr.

Málinu er vísað til 2. umræðu í fræðsluráði skv. verklagsreglum Akureyrarbæjar.

Svör grunnskólanna við fyrirspurnum barna úr viðtalstímum bæjarfulltrúa lögð fram til kynningar.

Fræðsluráð fagnar því að nemendur í skólum bæjarins hafi möguleika á að láta rödd sína heyrast með beinum hætti í viðtalstímum bæjarfulltrúa í skólunum. Mikilvægt er að til staðar séu skýrir verkferlar varðandi fundi bæjarfulltrúa í skólum og úrvinnslu fundanna alla leið að eyrum nemenda. Lagt er til að viðtalstímar bæjarfulltrúa í grunnskólum verði haldnir árlega og að verkferli við úrvinnslu þeirra verði skýrt og svör berist fyrir lok sama árs.



Fræðsluráð vísar erindinu til bæjarráðs.

Sviðsstjóri fræðslusviðs lagði fram endurskoðaðar reglur um rannsóknir og kannanir í leik- og grunnskólum Akureyrarbæjar.

Fræðsluráð staðfestir endurskoðaðar reglur um rannsóknir í leik- og grunnskólum.