Umhverfis- og mannvirkjaráð - 85

Jónas Valdimarsson verkefnastjóri hönnunar- og tæknideildar kom og kynnti umferðarljós, gönguljós og umferðaröryggismál í bænum.

Umhverfis- og mannvirkjaráð þakkar Jónasi Valdimarssyni fyrir kynninguna.

Niðurstaða dómsmáls varðandi gerð Hagahverfis kynnt fyrir ráðinu.

Tómas Björn Hauksson forstöðumaður nýframkvæmda sat fundinn undir þessum lið.

Lagt fram bréf frá Skógræktarfélagi Eyfirðinga dagsett 8. september 2020 varðandi rekstur félagsins.

Rut Jónsdóttir forstöðumaður umhverfis- og sorpmála sat fundinn undir þessum lið.

Umhverfis- og mannvirkjaráð felur umhverfis- og mannvirkjasviði að taka upp viðræður við Skógræktarfélag Eyfirðinga.

Áætlun á stöðugildum hjá UMSA lögð fyrir ráðið ásamt eignfærsluáætlun, gjaldskrám UMSA og fjárhagsáætlun umhverfismiðstöðvar.

Dóra Sif Sigtryggsdóttir forstöðumaður rekstrardeildar og Hrafn Svavarsson forstöðumaður umhverfismiðstöðvar sátu fundinn undir þessum lið.

Umhverfis- og mannvirkjaráð samþykkir fjárhagsáætlun fyrir málaflokk 133 með þeim breytingum sem gerðar voru á fundinum.

Sigurjón Jóhannesson D-lista og Berglind Bergvinsdóttir M-lista sátu hjá við afgreiðsluna.

Umhverfis- og mannvirkjaráð felur umhverfis- og mannvirkjasviði að vinna eignfærsluáætlun áfram í samræmi við umræður á fundinum og þann fjárhagsramma sem er væntanlegur frá bæjarráði.



Umhverfis- og mannvirkjaráð frestar afgreiðslu gjaldskráa til næsta fundar.