Velferðarráð - 1268

Lagt fram til kynningar yfirlit yfir 10 mánaða rekstur allra málaflokka.

Lúðvík Freyr Sæmundsson rekstrarstjóri Öldrunarheimila Akureyrar, Kolbeinn Aðalsteinsson skrifstofustjóri búsetusviðs, Anna Marit Níelsdóttir forstöðumaður félagsþjónustu fjölskyldusviðs og Jón Heiðar Daðason húsnæðisfulltrúi sátu fundinn undir þessum lið.

Lagt fram erindi frá einstaklingi um hjálp í húsnæðismálum.

Jón Heiðar Daðason húsnæðisfulltrúi fjölskyldusviðs og Anna Marit Níelsdóttir forstöðumaður félagsþjónustu fjölskyldusviðs sátu fundinn undir þessum lið.

Afgreiðsla erindisins er bókuð í trúnarbók velferðarráðs.

Farið yfir sameiginlegan fund velferðarráðs og frístundaráðs sem haldinn var 30. nóvember sl.

Anna Marit Níelsdóttir forstöðumaður félagsþjónustu og Katrín Árnadóttir félagsráðgjafi á fjölskyldusviði sátu fundinn undir þessum lið.

Lögð fram tillaga fjölskyldusviðs að afskriftum lána í fjárhagsaðstoð. Um er að ræða lán að upphæð kr. 1.268.534.

Velferðarráð samþykkir tillöguna fyrir sitt leyti og vísar málinu til bæjarráðs.

Lagt fram minnisblað um fyrirhugaða samþættingu heimaþjónustu Stoðar og Gránufélagsteymis.

Laufey Þórðardóttir forstöðumaður stoðþjónustu búsetudeildar og Hlynur Már Erlingsson forstöðumaður heimaþjónustunnar Stoðar sátu fundinn undir þessum lið.

Velferðarráð lýsir yfir ánægju með fyrirhugaða samþættingu.

Bergdís Ösp Bjarkadóttir forstöðumaður heimaþjónustu A kynnti flutning starfsstöðvar heimaþjónustu A og aðseturs iðjuþjálfa í Víðilund 22.

Tekin var fyrir áfrýjun í máli varðandi synjun um heimaþjónustu.

Bergdís Ösp Bjarkadóttir forstöðumaður heimaþjónustu A sat fundinn undir þessum lið.

Afgreiðsla erindisins er bókuð í trúnarbók velferðarráðs.

Lagt fram erindi frá Höllu Bergþóru Björnsdóttur lögreglustjóra á Norðurlandi eystra dagsett 8. desember sl. um miðstöð fyrir þolendur ofbeldis.

Velferðarráð tekur undir mat lögreglustjóra um mikilvægi þess að koma á fót miðstöð fyrir þolendur ofbeldis á Akureyri.

Lögð fram drög að samningi Akureyrarkaupstaðar, velferðarráðuneytis og Greiningarstöðvar ríkisins um öryggisgæslu sem gildir fyrir árið 2017 ásamt útreikningum á kostnaðarhlutdeild aðila.