Bæjarráð - 3684

Farið yfir stöðu og viðbragðsáætlanir bæjarins.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Liður 10 í fundargerð frístundaráðs dagsettri 6. maí 2020:

Minnisblað vegna Skapandi sumarstarfa lagt fram til kynningar.

Bryndís Elfa Valdemarsdóttir starfandi deildarstjóri forvarna- og frístundadeildar sat fundinn undir þessum lið.

Frístundaráð tekur vel í þær hugmyndir sem koma fram í minnisblaðinu og vill hvetja bæjarráð til að setja aukið fjármagn í atvinnuátaksverkefni með áherslu á skapandi verkefni og koma til móts við hæfni hvers og eins með það að markmiði að geta boðið sem flestum vinnu.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð áréttar að tekið verði tillit til þessa í atvinnuátaki 18-25 ára.

Lagt fram til kynningar þriggja mánaða rekstraryfirlit Akureyrarbæjar.

Dan Jens Brynjarsson sviðsstjóri fjársýslusviðs sat fundinn undir þessum lið.

Liður 4 í fundargerð umhverfis- og mannvirkjaráðs dagsettri 8. maí 2020:

Minnisblað dagsett 23. mars 2020 varðandi starfsemi slökkviliðsins vegna fyrstu mánuða ársins og fyrir sumarið 2020.

Ólafur Stefánsson slökkviliðsstjóri sat fundinn undir þessum lið.

Umhverfis- og mannvirkjaráð samþykkir að farið verði í leið B vegna sumarsins og rúmast það innan áætlunar eins og staðan er í dag.

Umhverfis- og mannvirkjaráð óskar eftir við bæjarráð viðauka upp á kr. 10.600.000 vegna aðgerða sem farið var í vegna COVID-19. Færist það inn á rekstur: 1000 - 1072110 - 51110 og er því dreift frá mars til september.

Dan Jens Brynjarsson sviðsstjóri fjársýslusviðs sat fundinn undir þessum lið.

Bæjarráð samþykkir beiðni umhverfis- og mannvirkjaráðs með fimm samhljóða atkvæðum og felur sviðsstjóra fjársýslusviðs að útbúa viðauka vegna málsins.

Liður 8 í fundargerð umhverfis- og mannvirkjaráðs dagsettri 8. maí 2020:

Minnisblað dagsett 7. maí 2020 varðandi breytingar á fjárhagsáætlun vegna snjómoksturs lagt fyrir ráðið.

Dóra Sif Sigtryggsdóttir forstöðumaður rekstrardeildar og Rut Jónsdóttir forstöðumaður umhverfis- og sorpmála sátu fundinn undir þessum lið.

Umhverfis- og mannvirkjaráð óskar eftir við bæjarráð viðauka upp á kr. 67.000.000. Færist það inn á rekstur: 1000 - 1106110 - 54680 og jafndreifist ásamt annarri áætlun.

Umhverfis- og mannvirkjaráð óskar eftir við bæjarráð viðauka upp á kr. 25.000.000. Færist það inn á rekstur: 1000 - 1106130 - 55758 og jafndreifist ásamt annarri áætlun.

Dan Jens Brynjarsson sviðsstjóri fjársýslusviðs sat fundinn undir þessum lið.

Bæjarráð samþykkir beiðni umhverfis- og mannvirkjaráðs með fimm samhljóða atkvæðum og felur sviðsstjóra fjársýslusviðs að útbúa viðauka vegna málsins.

Liður 2 í fundargerð stjórnar Akureyrarstofu dagsettri 14. maí 2020:

Minnisblað deildarstjóra Akureyrarstofu, safnstjóra Minjasafnsins og formanns stjórnar Iðnaðarsafnsins lagt fram til umræðu.

Sóley Björk Stefánsdóttir formaður stjórnar Iðnaðarsafnsins mætti á fundinn og fór yfir stöðu og framtíð Iðnaðarsafnsins.

Stjórn Akureyrarstofu samþykkir að óska eftir afstöðu bæjarráðs og stjórnar Minjasafnsins til þeirrar tillögu sem kemur fram í framlögðu minnisblaði.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð tekur jákvætt í erindið og felur sviðsstjóra samfélagssviðs að vinna að útfærslu.

Lagt fram erindi dagsett 11. maí 2020 frá Helgu Eymundsdóttur formanni kjörstjórnar Akureyrarbæjar vegna komandi forsetakosninga þann 27. júní nk. Þar kemur fram tillaga kjörstjórnar um að henni verði falið val á starfsfólki við kosninguna. Jafnframt er lagt til að Akureyrarbæ verði skipt í tólf kjördeildir og verði tíu á Akureyri, ein í Hrísey og ein í Grímsey. Lagt er til að á Akureyri verði kjörstaður í Verkmenntaskólanum á Akureyri (VMA), í Hrísey verði kjörstaður í Hríseyjarskóla og í Grímsey verði kjörstaður í félagsheimilinu Múla. Ennfremur er lagt til að tveir kjörklefar verði í hverri kjördeild á Akureyri, Hrísey og í Grímsey. Þá hefur kjörstjórn ennfremur ákveðið að leggja til við bæjarráð að kjörfundur standi frá klukkan 09:00 til 22:00 á Akureyri, í Hrísey og í Grímsey. Óskar kjörstjórn eftir því við bæjarráð að ofangreindar tillögur verði samþykktar.

Í erindinu kemur jafnframt fram að miklar breytingar þurfi að gera við skipulagningu á kjörstað í VMA vegna tilmæla frá landlækni og almannavörnum er varðar fjarlægðarmörk og það muni hafa í för með sér aukakostnað.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir tillögur kjörstjórnar með fimm samhljóða atkvæðum.

Kynnt matsgerð vegna skaðabótakröfu.

Inga Þöll Þórgnýsdóttir bæjarlögmaður og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

Bæjarráð hafnar bótakröfu á grundvelli fyrirliggjandi mats og felur bæjarlögmanni að svara bréfritara.

Erindi frá íbúa sent í tölvupósti til bæjarfulltrúa 20. apríl 2020 þar sem spurt er hvort skoðað hafi verið að setja aðrein til suðurs á gatnamótum Hjalteyrargötu og Furuvalla.

Bæjarráð vísar erindinu til skipulagssviðs.

Erindi frá íbúa sent í tölvupósti til bæjarfulltrúa 20. apríl 2020 þar sem vakin er athygli á bágu ástandi gróðurs við andapollinn og spurt hvort ekki sé hægt að setja þar fallegan gróður.

Bæjarráð vísar erindinu til umhverfis- og mannvirkjasviðs.

Erindi dagsett 20. apríl 2020 þar sem Katrín Sigurjónsdóttir stjórnarformaður Atvinnuþróunarfélags Eyjafjarðar bs. boðar til aðalfundar félagsins 20. maí 2020 kl. 15:00 í Hörgársveit.

Bæjarráð felur Hildu Jönu Gísladóttur að fara með umboð Akureyrarbæjar á fundinum.

Fylgiskjöl

• Fundarboð aðalfundar AFE.pdf

Erindi dagsett 12. maí 2020 frá Helgu Maríu Pétursdóttur stjórnarformanni Greiðrar leiðar ehf. þar sem boðað er til aðalfundar félagsins sem haldinn verður miðvikudaginn 27. maí nk. í fundarsal SSNE, Hafnarstræti 91, Akureyri. Fundurinn hefst kl. 12:30.

Bæjarráð felur Guðmundi Baldvin Guðmundssyni formanni bæjarráðs að fara með umboð Akureyrarbæjar á fundinum.

Fylgiskjöl

• Fundarboð_aðalfundur 2020.pdf

Erindi dagsett 13. maí 2020 frá framkvæmdastjóra Málræktarsjóðs þar sem boðað er til aðalfundar sjóðsins föstudaginn 12. júní nk. kl. 15:30 í fundarsalnum Kötlu á Hótel Sögu í Reykjavík. Akureyrarbær á rétt á að tilnefna einn mann í fulltrúaráð sjóðsins.

Bæjarráð felur Hólmkeli Hreinssyni að fara með umboð Akureyrarbæjar á aðalfundinum. Einnig tilnefnir bæjarráð Hólmkel í fulltrúaráð Málræktarsjóðs. Bæjarráð hvetur Málræktarsjóð til að kanna möguleika þess að halda fundi sína með rafrænum hætti.

Fylgiskjöl

• Aðalfundur Málræktarsjóðs 2020.pdf

Lögð fram til kynningar fundargerð 9. fundar stjórnar Samtaka sveitarfélaga og atvinnuþróunar á Norðurlandi eystra dagsett 6. maí 2020.

Fundargerðir stjórnarinnar er að finna á eftirfarandi slóð: https://www.eything.is/is/fundargerdir-1/stjorn-ssne

Lögð fram til kynningar 58. fundargerð stjórnar Samtaka sjávarútvegssveitarfélaga dagsett 8. maí 2020.

Fylgiskjöl

• stjórn Samtaka sjávarútvegssveitarfélaga - 58.pdf

Lagt fram til kynningar erindi dagsett 15. maí 2020 frá allsherjar- og menntamálanefnd Alþingis þar sem óskað er umsagnar um frumvarp til laga um útlendinga og atvinnuréttindi útlendinga (alþjóðleg vernd, brottvísunartilskipunin, dvalar- og atvinnuleyfi), 717. mál 2020.

Þess er óskað að undirrituð umsögn berist eigi síðar en 29. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/150/s/1228.html

Lagt fram til kynningar erindi dagsett 15. maí 2020 frá umhverfis- og samgöngunefnd Alþingis þar sem óskað er umsagnar um frumvarp til laga um fjarskipti, 775. mál 2020.

Þess er óskað að undirrituð umsögn berist eigi síðar en 5. júní nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/150/s/1354.html