Bæjarráð - 3657

Lögð fram tillaga D-lista um breytingu á skipan aðalfulltrúa í kjarasamninganefnd:

Þórunn Sif Harðardóttir verði aðalfulltrúi í stað Gunnars Gíslasonar.

Bæjarráð samþykkir tillöguna með fimm samhljóða atkvæðum.

Lagt fram til kynningar átta mánaða rekstraryfirlit Akureyrarbæjar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Liður 5 í fundargerð umhverfis- og mannvirkjaráðs dagsettri 11. október 2019:

Lagt fram tilboð sem barst í Fögrusíðu 7c.

Umhverfis- og mannvirkjaráð samþykkir að ganga að tilboðinu með fyrirvara um samþykki bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir tilboðið.

Liður 3 í fundargerð stjórnar Akureyrarstofu dagsettri 10. október 2019:

Tekið fyrir að nýju erindi frá stjórn Iðnaðarsafnsins þar sem óskað er eftir auknum fjárstuðningi við rekstur safnsins. Erindið var áður á dagskrá þann 26. september sl.

Stjórn Akureyrarstofu samþykkir að óska eftir við bæjarráð að veittur verði viðauki við fjárhagsáætlun að upphæð kr. 2.500.000 til reksturs Iðnaðarsafnsins.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir ósk stjórnar Akureyrarstofu og felur sviðsstjóra fjársýslusviðs að útbúa viðauka vegna málsins og leggja fyrir bæjarráð.

Fylgiskjöl

• Hlutverk og tilgangur Iðnaðarsafnsins
• Til bæjarráðs október 2019.pdf

Lögð fram til kynningar mánaðarskýrsla um stöðugildi, yfirvinnu og fleira fyrir september 2019.

Erindi dagsett 16. september 2019 frá Ólafi Jónssyni þar sem hann hvetur sveitarstjórnir og sambönd sveitarfélaga á Norðurlandi til að stofna verkefnahóp sem myndi skoða möguleika á tvennum jarðgöngum, annars vegar milli Hörgárdals og Skíðadals og hins vegar milli Skíðadals og Kolbeinsdals í Skagafirði.

Bæjarráð þakkar Ólafi fyrir erindið. Fyrir liggur sameiginleg bókun sveitarstjórnar Sveitarfélagsins Skagafjarðar og bæjarstjórnar Akureyrarbæjar um mikilvægi þessa verkefnis fyrir Norðurland.

Fylgiskjöl

• Erindi_OJ_til_AKB_160919_um_jardgong undir Trollaskaga.pdf

Erindi dagsett 27. september 2019 þar sem Rósa Eggertsdóttir óskar eftir styrk frá bæjarráði vegna útgáfu bókarinnar Hið ljúfa læsi. Handbók í læsiskennslu fyrir kennara og kennaranema.

Bæjarráð samþykkir styrkveitingu að upphæð kr. 250.000 sem færist af styrkveitingum bæjarráðs.

Fylgiskjöl

• Styrkbeidni_til_baejarrads_v_utg_bokar_27sep19.pdf

Lögð fram bókun Aflamarksnefndar Byggðastofnunar dagsett 14. október 2019 varðandi umsókn Hafborgar ehf. um aflamark í Grímsey 2018-2024. Óskað er eftir umsögn bæjarráðs Akureyrarbæjar.

Bæjarráð gerir ekki athugasemd við bókun Aflamarksnefndar Byggðastofnunar.

Lögð fram fundargerð viðtalstíma bæjarfulltrúa dagsett 10. október 2019.

Bæjarráð vísar lið 1 til skipulagssviðs, lið 2 til stjórnar Akureyrarstofu, lið 3 til skipulagsviðs og umhverfis- og mannvirkjasviðs, lið 6 til bæjarstjóra og lið 7 til umhverfis- og mannvirkjasviðs. Liðir 4, 5 og 8 eru lagðir fram til kynningar.

Lagðar fram til kynningar fundargerðir heilbrigðisnefndar Norðurlandssvæðis eystra dagsettar 26. júní og 17. september 2019.

Fundargerðir nefndarinnar er að finna á eftirfarandi slóð: https://www.hne.is/is/fundargerdir

Jafnframt lögð fram til kynningar fjárhagsáætlun Heilbrigðiseftirlits Norðurlands eystra fyrir árið 2020.

Bæjarráð felur formanni bæjarráðs að ræða við framkvæmdastjóra HNE um fjárhagsáætlun ársins 2020.