Bæjarráð - 3784

Eyþór Björnsson forstjóri Norðuorku og Stefán H. Steindórsson sviðsstjóri veitu- og tæknisviðs mættu á fundinn og kynntu framkvæmdaáætlun Norðurorku.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð þakkar fyrir kynninguna.

Lagt fram til kynningar átta mánaða rekstraryfirlit Akureyrarbæjar.

Dan Jens Brynjarsson sviðsstjóri fjársýslusviðs sat fundinn undir þessum lið.

Lagður fram viðauki 7.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir viðauka 7 upp á kr. 43.700.000 vegna aukinna framlaga til NPA samninga og aukins launakostnaðar í leikskólum og vísar honum til staðfestingar í bæjarstjórn.

Lögð fram drög að gjaldskrá Hlíðarfjalls.

Dan Jens Brynjarsson sviðsstjóri fjársýslusviðs, Guðríður Friðriksdóttir sviðsstjóri umhverfis- og mannvirkjasviðs og Brynjar Helgi Ásgeirsson forstöðumaður í Hlíðarfjalli sátu fund bæjarráðs undir þessum lið.

Bæjarráð frestar afgreiðslu málsins til næsta fundar.

Liður 7 í fundargerð skipulagsráðs dagsettri 12. október 2022:

Lagt fram erindi Katrínar Ásgrímsdóttur dagsett 4. júlí 2022 f.h. Sólskóga þar sem sótt er um afslátt af gatnagerðargjöldum fyrir nýtt aðstöðuhús eða að húsið fái sérlóð án kvaðar um að það verði fjarlægt við lok leigutíma.

Sunna Hlín Jóhannesdóttir B-lista bar upp vanhæfi við afgreiðslu málsins og var það samþykkt. Vék hún af fundi undir umræðum og við afgreiðslu máls. Skipulagsráð hafnar því að byggingin fái sérlóð. Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021. Ákvörðun um afslátt af gatnagerðargjöldum er vísað til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Í upphafi þessa dagskrárliðar vakti Sunna Hlín Jóhannesdóttir B-lista á því athygli að hún teldi sig vanhæfa til að fjalla um þennan lið. Var meint vanhæfi borið undir atkvæði og samþykkt samhljóða. Sunna vék af fundi við umræðu og afgreiðslu málsins.

Bæjarráð telur eðlilegt að verða við erindi um lækkun gatnagerðagjalda vegna hússins, sbr. heimild í grein 5.2. í gatnagerðargjaldskrá, enda er lóðin leigð til mjög takmarkaðra nota og takmarkaðs tíma og mannvirki sem á henni kunna að vera í lok leigutíma munu falla til bæjarins endurgjaldslaust eða fjarlægð á kostnað eiganda. Bæjarráð samþykkir að gefa 50% afslátt af gatnagerðargjaldi, enda verði sú kvöð á húsinu að það hýsi starfsemi í tengslum við rekstur gróðrarstöðvar.

Fylgiskjöl

• Sólskógar_4.7.2022_erindi

Kynnt erindi frá Ólafi Stefánssyni slökkviliðsstjóra dagsett 15. september 2022 um að tveimur starfsmönnum slökkviliðsins verði veitt launað námsleyfi til menntunar í bráðatækni.

Málið var áður á dagskrá bæjarráðs 22. september og var afgreiðslu þess frestað.

Halla Margrét Tryggvadóttir sviðsstjóri mannauðssviðs og Ólafur Stefánsson slökkviliðsstjóri sátu fund bæjarráðs undir þessum lið.

Bæjarráð samþykkir beiðni Slökkviliðs Akureyrar um heimild til að veita tveimur starfsmönnum SA 13 vikna launað námsleyfi vegna náms í bráðatækni. Greidd eru dagvinnulaun vegna 100% starfs á námstíma.

Kynnt tillaga að framlengingu á tímabundnu samkomulagi við Einingu-Iðju til áramóta vegna innleiðingar á Betri vinnutíma í Þrastarlundi.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir tillögu um framlengingu til 31. desember 2022 á tímabundnu samkomulagi við Einingu-Iðju vegna innleiðingar á Betri vinnutíma í Þrastarlundi.

Liður 1 í fundargerð fræðslu- og lýðheilsuráðs dagsettri 3. október 2022:

Lögð fyrir drög að samþykkt fyrir ungmennaráð Akureyrarbæjar en drögin voru unnin af ungmennaráði í júní 2022.

Karen Nóadóttir verkefnastjóri Barnvæns sveitarfélags sat fundinn undir þessum lið.

Áheyrnafulltrúar: Björg Sigurvinsdóttir fulltrúi leikskólastjórnenda, Dagný Björg Gunnarsdóttir fulltrúi foreldra leikskólabarna, Daníel Sigurður Eðvaldsson fulltrúi foreldra grunnskólabarna, Ingi Jóhann Friðjónsson fulltrúi leikskólakennara, Ólöf Inga Andrésdóttir fulltrúi grunnskólastjóra, Pollý Rósa Brynjólfsdóttir fulltrúi grunnskólakennara og Telma Ósk Þórhallsdóttir fulltrúi ungmennaráðs.

Vísað til bæjarráðs.

Karen Nóadóttir verkefnastjóri Barnvæns sveitarfélags og Telma Ósk Þórhallsdóttir fulltrúi í ungmennaráði sátu fund bæjarráðs undir þessum lið.

Bæjarráð frestar afgreiðslu málsins og felur formanni bæjarráðs og forseta bæjarstjórnar að ræða við nýtt ungmennaráð þegar það tekur til starfa.

Lögð fram tillaga um breytingar á samþykkt um Menningarsjóð Akureyrar sem taka mið af breyttu stjórnkerfi. Jafnframt er lögð fram tillaga um breytingar á úthlutunar- og vinnureglum sjóðsins og nýjar verklagsreglur um sumarstyrki ungra listamanna.

Almar Alfreðsson verkefnastjóri menningarmála sat fund bæjarráðs undir þessum lið.

Bæjarráð samþykkir endurskoðaða samþykkt um Menningarsjóð Akureyrar með þeim breytingum sem gerðar voru á fundinum er varða stjórnsýslubreytingar og vísar henni til umræðu og afgreiðslu í bæjarstjórn. Jafnframt samþykkir bæjarráð framlagðar tillögur að breytingum á úthlutunar- og vinnureglum sjóðsins sem og nýjar verklagsreglur um sumarstyrki ungra listamanna með þeim breytingum sem gerðar voru á fundinum og varða stjórnsýslubreytingar og áherslu á mannréttindi.

Fylgiskjöl

• Uthlutunar_og_vinnureglur_ Menningarsjods_Akureyrarbaejar.pdf
• Verklagsreglur_sumarstyrks_ungra_listamanna.pdf

Lögð fram tillaga um breytingar á samþykkt um starfslaun listamanna sem taka mið af breyttu stjórnkerfi.

Almar Alfreðsson verkefnastjóri menningarmála sat fund bæjarráðs undir þessum lið.

Bæjarráð samþykkir endurskoðaða samþykkt um starfslaun listamanna með þeim breytingum sem gerðar voru á fundinum og vísar henni til umræðu og afgreiðslu í bæjarstjórn.

Lögð fram tillaga um breytingar á verklagsreglum um veitingu viðurkenninga fyrir húsvernd og byggingalistaverðlaun Akureyrar. Tillögurnar taka mið af breytingum á stjórnkerfi bæjarins.

Almar Alfreðsson verkefnastjóri menningarmála sat fund bæjarráðs undir þessum lið.

Bæjarráð samþykkir framlagða tillögu að breytingum á verklagsreglum um veitingu viðurkenninga fyrir húsvernd og byggingalistaverðlaun Akureyrar með þeim breytingum sem gerðar voru á fundinum.

Fylgiskjöl

• Verklagsreglur_Husverndarsjods_og_Byggingalistaverdlauna.pdf

Erindi dagsett 10. október 2022 frá Jóhannesi Á. Jóhannessyni f.h. Sambands íslenskra sveitarfélaga þar sem tilkynnt er um aðalfund Samtaka orkusveitarfélaga þann 11. nóvember nk. og bent á að ef Akureyrarbær vill ganga í samtökin skal senda erindi þess efnis til stjórnar samtakanna fyrir aðalfundinn.

Erindi dagsett 12. október 2022 frá Vilhjálmi Ólafssyni f.h. útgerðarmanna í Grímsey þar sem þess er farið á leit við bæjarráð að sækjast eftir því að aukið verði við almennan byggðakvóta í Grímsey.

Bæjarráð felur bæjarstjóra Ásthildi Sturludóttur að fylgja eftir áskorun útgerðarmanna vegna byggðakvóta.

Lögð fram fundargerð 39. fundar hverfisráðs Grímseyjar dagsett 24. september 2022. Fundurinn var jafnframt íbúafundur.

Bæjarráð vísar fundarliðum 4, 5, 6, 8 og 9 til umhverfis- og mannvirkjasviðs og lið 7 til bæjarstjóra.

Lögð fram til kynningar fundargerð 156. fundar hverfisráðs Hríseyjar dagsett 5. október 2022.

Bæjarráð vísar fundarliðum 3-4 til umhverfis og mannvirkjasviðs.

Lagt fram til kynningar erindi dagsett 13. október 2022 frá velferðarnefnd Alþingis þar sem óskað er umsagnar um frumvarp til laga um almannatryggingar, skerðing á lífeyri vegna búsetu, 44. mál 2022.

Þess er óskað að undirrituð umsögn berist eigi síðar en 27. október nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/153/s/0044.pdf

Lagt fram til kynningar erindi dagsett 13. október 2022 frá atvinnuveganefnd Alþingis þar sem óskað er umsagnar um tillögu til þingsályktunar um endurskoðun á laga- og reglugerðarumhverfi sjókvíaeldis, 9. mál 2022.

Þess er óskað að undirrituð umsögn berist eigi síðar en 27. október nk. á netfangið nefndasvid@althingi.is. Þingskjalið er hægt að sækja á vef Alþingis:

https://www.althingi.is/altext/pdf/153/s/0009.pdf

Erindi dagsett 7. október 2022 frá umhverfis-, orku- og loftslagsráðuneytinu þar sem kynnt er til samráðs mál nr. 188/2022 - "Þjóðgarðar og önnur friðlýst svæði - lykilþættir". Umsagnarfrestur er til og með 21. október n.k. í samráðsgátt.