Framkvæmdaráð - 311

Ingibjörg Ólöf Isaksen B-lista mætti ekki á fundinn og ekki varamaður í hennar stað. <br />

Farið yfir fjárhagsáætlun ársins, stöðu reksturs og framkvæmda.

Lagt fram til kynningar.

Farið yfir ný útboðsgögn vegna snjómoksturs og hálkuvarna 2015-2018.

Lagt fram til kynningar.

Tekið fyrir opnun tilboða, Borgarbraut-Bugðusíða, hringtorg, opnað 29 júní s.l. og Naustahverfi VI-Hagar-eftirlit, opnað 26 júní s.l.og kynnt verðkönnun, Græn svæði júní 2015, opnað 22 júní s.l.,

Framkvæmdaráð samþykkir að ganga til samninga við lægstbjóðendur í tvö af verkunum sem eru: Mannvit hf í verkið Naustahverfi VI Hagar-eftirlit kr. 5.700.000 og við Finn ehf í verkið Verðkönnun græn svæði 2015 kr. 7.952.960.

Framkvæmdaráð frestar ákvörðun á verkinu Borgarbraut-Bugðusíða, hringtorg og felur formanni og bæjartæknifræðingi að ræða við skipulagsdeild og hverfisnefndir Síðuhverfis og Giljahverfis s.b.r umræður á fundinum.

Farið yfir stöðu mála vegna sumaraksturs hjá SVA

Eins og fram hefur komið verður engin röskun á akstri strætisvagna Akureyrar í sumar. Framkvæmdaráð lýsir yfir ánægju sinni með að tekist hafi að leysa akstur í sumar þannig að ekki þurfi að koma til lokunar og þakkar starfsfólki strætisvagna og ferliþjónustu Akureyrar sérstaklega fyrir þeirra framlag til lausnar málsins.

Erindi frá Guðmundi Hauki Sigurðsyni, f.h. Vistorku, ódagsett, um merkingu á bílastæðum í og við miðbæ Akureyrar.

Framkvæmdaráð tekur jákvætt í erindið en leggur áherslu á að tími gildi í klukkustæðum og að ekki verði settar upp hleðslustöðvar í göngugötu vegna plássleysis.

Njáll Trausti Friðbertsson D-lista telur mikla þörf á að slá hundasvæðið á Borgum sem fyrst.