Skólanefnd - 21

Staða janúar-september 2015.

Árni Konráð Bjarnason rekstrarstjóri á skóladeild fór yfir stöðuna.

Sigríður Stefánsdóttir framkvæmdastjóri samfélags- og mannréttindadeildar/jafnréttisráðgjafi kynnti helstu breytingar á endurskoðaðri stefnu.

Ingibjörg Guðmundsdóttir fulltrúi skólastjóra fór af fundi undir lið 3, kl. 15:50. <br />Guðrún Ásbjörg Stefánsdóttir fulltrúi foreldra leikskólabarna vék af fundi kl. 16:00. <br />Sigurður Freyr Sigurðarson áheyrnarfulltrúi grunnskólakennara vék af fundi kl. 16:03. <br />

Árni Konráð Bjarnason rekstrarstjóri fór yfir tillögur að gjaldskrám fyrir árið 2016.

Skólanefnd samþykkir breytingar á gjaldskrám.

Preben Jón Pétursson Æ-lista sat hjá við afgreiðslu og óskaði eftir að farið verði í að skoða möguleika á að gera þjónustu dagforeldra og leikskóla gjaldfrjálsa að hluta.

Eva Hrund Einarsdóttir D-lista lagði til að farið verði í að kostnaðargreina rekstur Frístundar og að starfsemi Frístundar verði bókuð sér í rekstri skólanna.

Skólanefnd tekur undir tillögu Evu Hrundar.

Anna María Hjálmarsdóttir áheyrnarfulltrúi V-lista vék af fundi undir 4. lið, kl. 16:28. <br />Ingibjörg Ólöf Isaksen B-lista vék af fundi undir 4. lið, kl. 16:30. <br />

Ályktun aðalfundar foreldrafélags Brekkuskóla þann 20. október 2015 um aðstöðu til íþróttaiðkunar fyrir nemendur Brekkuskóla.

Fræðslustjóri hefur fundað með fulltrúum íþróttaráðs til að finna lausn á málinu. Óskað hefur verið eftir hávaðamælingu í Íþróttahöllinni og beðið er niðurstaðna.

Að öðru leyti er erindinu vísað til íþróttaráðs.

Lögð fram til kynningar ályktun skólaráðs Glerárskóla um loftræstikerfi skólans.

Erindi frá foreldraráði dagsett 19. október 2015 varðandi snjóbræðslu við skólann og úrbætur á skólalóð.

Snjóbræðslukerfi við leikskólann er á fjárhagsáætlun 2016. Skólanefnd tekur undir mikilvægi úttektar á skólalóðum og að brugðist sé við nauðsynlegri viðhaldsþörf. Erindið kynnt.

Bréf dagsett 10. október 2015 frá Ágústi Jakobssyni skólastjóra Naustaskóla þar sem hann segir upp starfi sínu.

Bréf dagsett 5. nóvember 2015 frá Ágústi Jakobssyni skólastjóra Naustaskóla þar sem hann óskar eftir að draga uppsögn sína til baka.

Bréf dagsett 19. október 2015 frá Jóni Baldvini Hannessyni skólastjóra Giljaskóla þar sem hann segir upp starfi sínu.

Bréf dagsett 6. nóvember 2015 frá Jóni Baldvini Hannessyni þar sem hann óskar eftir að draga uppsögn sína til baka.

Lagt fram til kynningar.

Þessum lið var frestað til næsta fundar.