Bæjarráð - 3456

Tekið fyrir að nýju, bæjarráð frestaði ákvörðun um áfrýjun dóms nr. E-181/2014 á fundi sínum þann 16. apríl sl.

Inga Þöll Þórgnýsdóttir bæjarlögmaður og Ragnar Hólm Ragnarsson verkefnastjóri kynningarmála sátu fund bæjarráðs undir þessum lið.

Í upphafi þessa dagskrárliðar vakti Gunnar Gíslason D-lista á því athygli að hann teldi sig vanhæfan að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir bæjarráð og var það samþykkt með 4 samhljóða atkvæðum. Logi Már Einarsson S-lista sat sjá við afgreiðslu.

Gunnar Gíslason vék af fundi við umræðu og afgreiðslu málsins.



Bæjarráð samþykkir að áfrýja dómnum til Hæstaréttar.

Sigríður Huld Jónsdóttir formaður velferðaráðs, Soffía Lárusdóttir framkvæmdastjóri búsetudeildar og Guðrún Sigruðardóttir framkvæmdastjóri fjölskyldudeildar mættu á fund bæjarráðs undir þessum lið og fóru yfir rekstrarstöðu og horfur í málaflokknum.

3. liður í fundargerð velferðarráðs dagsett 15. apríl 2015:

Sigríður Huld Jónsdóttir formaður velferðarráðs og Soffía Lárusdóttir framkvæmdastjóri búsetudeildar kynntu stöðu samninga vegna Lautarinnar 2015.

Soffía lagði fram endurskoðaða fjárhagsáætlun vegna reksturs Lautarinnar árið 2015. Búið er að draga saman í rekstri þar sem ekki fengust áætlaðir styrkir sem sótt var um. Þrátt fyrir það er fjárþörf að upphæð kr. 1.550.000 og óskar velferðarráð eftir heimild bæjarráðs fyrir aukafjárveitingu sem þeirri upphæð nemur. Að fengnu samþykki bæjarráðs hefur framkvæmdastjóri búsetudeildar heimild til að ganga frá samningi fyrir árið 2015.

Bæjarráð heimilar framkvæmdastjóra búsetudeildar að ganga til samninga við Lautina, en felur velferðarráði að leita leiða til að fjármagna verkefnið innan málaflokksins.

Lögð fram fundargerð viðtalstíma bæjarfulltrúa dagsett 16. apríl 2015.

Bæjarráð vísar 1., 4., 5. og 8. lið til framkvæmdadeildar, 3., 6., 7., 9. og 10. lið til skipulagsdeildar.

2. liður er lagður fram til kynningar í bæjarráði.

Lagðar fram 53. og 54. fundargerð hverfisnefndar Lunda- og Gerðahverfis dagsettar 24. febrúar og 16. apríl 2015.

Fundargerðirnar má finna á netslóðinni:

http://www.akureyri.is/is/stjornkerfid/hverfisnefndir/lunda-og-gerdahverfi/fundargerdir

Fundargerð 53. fundar er lögð fram til kynningar í bæjarráði.

Bæjarráð vísar 2. lið fundargerðar 54. fundar til framkvæmdadeildar ásamt 3. lið a), b) og c), 3. lið d) og f) er vísað til skipulagsdeildar, aðrir liðir fundargerðarinnar eru lagðir fram til kynningar í bæjarráði.

Lagðar fram til kynningar fundargerðir aðalfundar og framhaldsaðalfundar hverfisnefndar Brekku- og Innbæjar dagsettar 25. mars og 15. apríl 2015.

Fundargerðirnar má finna á netslóðinni:

http://www.akureyri.is/is/stjornkerfid/hverfisnefndir/brekka-og-innbaer/fundargerdir

Lögð fram 14. fundargerð hverfisnefndar Giljahverfis dagsett 9. apríl 2015 - aðalfundur.

Fundargerðina má finna á netslóðinni:

http://www.akureyri.is/is/stjornkerfid/hverfisnefndir/giljahverfi

Bæjarráð vísar 2. lið 2 til skipulagsdeidar ásamt seinni ósk í 5. lið, 2. lið 1 og 3-9 er vísað til framkvæmdadeildar ásamt fyrri ósk í 5. lið, 1., 3. og 4. liður eru lagðir fram til kynningar í bæjarráði.

Lagður fram til kynningar ársreikningur Myndlistaskólans á Akureyri fyrir árið 2014.

Erindi dagsett 15. apríl 2015 frá Jóni Steindóri Árnasyni framkvæmdastjóra Tækifæris hf þar sem hann fyrir hönd Tækifæris hf boðar til aðalfundar þriðjudaginn 5. maí nk. sem haldinn verður á 3ju hæð að Strandgötu 3, Akureyri og hefst kl. 14:00.

Bæjarráð felur fjármálastjóra að fara með umboð Akureyrarbæjar á aðalfundinum.

Aðalfundur Hafnasamlags Norðurlands verður haldinn miðvikudaginn 13. maí nk. kl. 15:00 í Hafnarhúsinu.

Bæjarráð felur bæjarstjóra að fara með umboð Akureyrarbæjar á aðalfundinum.

Lögð fram til kynningar fundargerð 827. fundar stjórnar Sambands íslenskra sveitarfélaga dagsett 27. mars 2015. Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx