Umhverfis- og mannvirkjaráð - 8

Ólafur Stefánsson slökkviliðsstjóri mætti á fundinn og lagði fram gjaldskrá fyrir Slökkvilið Akureyrar fyrir árið 2017.

Umhverfis- og mannvirkjaráð samþykkir framlagða gjaldskrá og vísar henni til bæjarráðs.

Ólafur Stefánsson slökkviliðsstjóri mætti á fundinn og lagði fram beiðni frá Slökkviliði Akureyrar um endurnýjun á tveimur þjónustubifreiðum.

Umhverfis- og mannvirkjaráð samþykkir bílakaup að upphæð 10 milljónir króna og felur slökkviliðsstjóra að vinna að málinu ásamt sviðsstjóra.

Lagt fram erindi dagsett 16. mars 2017 frá fræðsluráði þar sem óskað er eftir fjárveitingu til búnaðarkaupa í skólum og leikskólum á árinu.

Umhverfis- og mannvirkjaráð samþykkir búnaðarkaup að upphæð 22 milljónir króna.

Tekin fyrir beiðni frá frístundarráði um aðkomu að búnaðarkaupum fyrir leiksvæði í garði Sundlaugar Akureyrarbæjar.

Umhverfis- og mannvirkjaráð samþykkir búnaðarkaup að upphæð 12 milljónir króna.

Lagt fram minnisblað dagsett 5. apríl 2017 vegna beiðni frá Vélaverkstæði Sigurðar Bjarnasonar ehf í Grímsey um að kaupa gamla IKARUS strætisvagninn JH-497.

Umhverfis- og mannvirkjaráð getur ekki orðið við erindinu en samþykkir að auglýsa vagninn til sölu.

Lagt fram minnisblað dagsett 29. mars 2017 um forgangsröðun á viðhaldsverkefnum gatna á árinu 2017.

Umhverfis- og mannvirkjaráð samþykkir framlagða forgangsröðun á viðhaldi malbikaðra gatna.

Víkingur Guðmundsson verkefnastjóri á umhverfis- og mannvirkjasviði mætti á fundinn og lagði fram kostnaðaráætlun og forgangsröðun vegna skiptingar á götulýsingu úr kvikasilfri yfir í LED lýsingu.

Umhverfis- og mannvirkjaráð samþykkir framlagða forgangsröðun á endurnýjun á götulýsingu.

Lagt fram til kynningar nýtt deiliskipulag fyrir hafnarsvæðið í Hrísey ásamt kostnaðarmati vegna breytinganna dagsett 24. janúar 2017.

Lagt fram minnisblað dagsett 4. apríl 2017 vegna gjaldskrár ferliþjónustu.

Umhverfis- og mannvirkjaráð vísar breytingum á gjaldskrá til umsagnar í velferðarráði.

Lögð fram til kynningar skýrslan Húsnæðisáætlun og stofnframlög dagsett 9. febrúar 2017 sem unnin var af verkefnahóp um aðkomu Akureyrarbæjar að uppbyggingu íbúðarhúsnæðis í sveitarfélaginu.

Lögð fram skýrsla um ljósvistarskipulag fyrir Akureyrarbæ. Skýrslan er unnin af framkvæmdadeild og verkfræðistofunni Verkís.

Víkingur Guðmundsson verkefnastjóri á umhverfis- og mannvirkjasviði sat fundinn undir þessum lið.

Lagðar fram til kynningar niðurstöður verðkönnunar vegna ásetningar fargs á lóðina. Alls bárust tilboð frá fjórum verktökum í verkið ásamt 3 frávikstilboðum:

Finnur ehf kr. 12.803.700

Finnur ehf, frávikst. kr. 8.201.850

GV gröfur kr. 12.925.640

GV gröfur frávikst. 1 kr. 9.755.200

GV gröfur frávikst. 2 kr. 10.974.600

Skútaberg kr. 13.108.550

G.Hjálmarsson kr. 10.974.600

Umhverfis- og mannvirkjaráð samþykkir að gengið verði til samninga við G.Hjálmarsson hf á grundvelli tilboðs.