Félagsmálaráð - 1203

Selma Heimisdóttir félagsráðgjafi kynnti áfrýjun í fjárhagsaðstoð.

Áfrýjanir og afgreiðsla þeirra er færð í trúnaðarbók félagsmálaráðs.

Lagt var fram til kynningar erindi dagsett 27. janúar 2015 frá Gyðu Hjartardóttur félagsmálafulltrúa Sambands íslenskra sveitarfélaga um fyrirhugað námskeið ætlað kjörnum fulltrúum félagsmálanefnda og starfsmönnum þeirra.

Félagsmálaráð þakkar fyrir kynninguna.

Lagt var fram minnisblað framkvæmdastjóra dagsett 2. febrúar 2015 varðandi endurbætur á aðgangsstýringum og lyklakerfi í Hlíð, Austurbyggð 17.

Félagsmálaráð heimilar fyrir sitt leyti að leitað verði til Fasteigna Akureyrarbæjar með hönnun og kostnaðarútreikninga á fyrrnefndum breytingum á lykla- og aðgangsstýringum núverandi húsnæðis.

Halldór Sigurður Guðmundsson framkvæmdastjóri Öldrunarheimila Akureyrarbæjar og Helga Erlingsdóttir hjúkrunarforstjóri gerðu grein fyrir áformum um að breyta tveimur dvalarrýmum í eitt hjúkrunarrými. Rakti Helga stöðu mála við úthlutanir og notkun rýmanna en tilefni er til að ætla að meiri þörf sé fyrir hjúkrunarrými en dvalarrými.

Félagsmálaráð felur Halldóri Sigurði Guðmundssyni framkvæmdastjóra Öldrunarheimila Akureyrarbæjar að sækja um breytingu á dvalarrýmum í hjúkrunarrými, eins og kynnt var.

Framkvæmdastjóri ÖA, Halldór Sigurður Guðmundsson og Helga Erlingsdóttir hjúkrunarforstjóri fóru yfir nokkra þætti í starfsemi ÖA og umbóta- og þróunarverkefni á heimilunum. Sögðu þau m.a. frá samstarfi við Eyjafjarðar- og Þingeyjarprófastsdæmi um málþing 10. mars nk. um 'viðhorf og viðmót gagnvart dauðanum'.

Friðný Sigurðardóttir þjónustustjóri ÖA kynnti áformaðar breytingar á starfsemi og hópastarfi Lífsneistans samhliða breytingum á nýtingu húsnæðis í Glaðheimum.

Forstöðumaður Eini- og Grenihlíðar, Klara Jenný Arnbjörnsdóttir og Brynja Vignisdóttir forstöðumaður Aspar- og Beykihlíðar sögðu frá breytingum á vaktrýmum á heimilunum og fjölluðu um samhljóm hugmyndafræði Þjónandi leiðsagnar og Eden, en unnið er að innleiðingu Þjónandi leiðsagnar og eru þær leiðbeinendur í verkefninu.

Karl Jónsson yfirmatreiðslumaður og Halldór Sigurður Guðmundsson framkvæmdastjóri kynntu Tímían innkaupakerfið.

Félagsmálaráð fór síðan í stutta skoðunarferð í anddyri Hlíðar og Glaðheima, Aspar- og Beykihlíð og lauk fundi með heimsókn í Lögmannshlíð þar sem Þóra Sif Sigurðardóttir forstöðumaður tók á móti ráðinu.

Félagasmálaráð þakkar fyrir kynninguna.