Stjórn Fasteigna Akureyrarbæjar - 259

Dan Jens Brynjarsson fjármálastjóri Akureyrarbæjar mætti á fundinn undir þessum dagskrárlið og fór yfir fjármögnun Fasteigna Akureyrarbæjar.

Stjórn Fasteigna Akureyrarbæjar þakkar fjármálastjóra fyrir góða kynningu.

Lögð fram niðurstaða útboðs á innanhússfrágangi í íþróttahúsi Naustaskóla.

Í upphafi þessa dagskrárliðar vakti Dagur Fannar Dagsson L-lista á því athygli að hann teldi sig vanhæfann að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir stjórn Fasteigna Akureyrarbæjar og var það samþykkt með 5 samhljóða atkvæðum.



Dagur Fannar Dagsson L-lista vék af fundi við umræðu og afgreiðslu málsins.



Stjórn Fasteigna Akureyrarbæjar samþykkir að samið verði við eftirfarandi aðila:

Bút ehf í lagnahlutann, Blikk- og tækniþjónustuna ehf í loftræstihlutann, Rafmenn í rafmagnshlutann, Trésmiðju Kristjáns Jónassonar ehf í húsasmíða- og innréttingahlutann,

Viðar Þór Pálsson í dúkalagnahlutann og Betri Fagmenn ehf í málningarhlutann.

Rætt um óhapp sem varð í Hofi þar sem kerfisloftaplata í Hömrum féll í gólfið.

Lagt fram erindi dagsett 18. mars 2015 frá skólanefnd þar sem óskað er eftir fjárveitingu til búnaðarkaupa í skólum og leikskólum á árinu.

Stjórn Fasteigna Akureyrarbæjar samþykkir búnaðarkaupin samkvæmt framlögðum gögnum.

Lagt fram minnisblað dagsett 19. mars 2015 vegna beiðnar um viðbætur við snjóbræðslu við leikskólann Pálmholt.

Stjórn Fasteigna Akureyrarbæjar vísar erindinu til fjárhagsáætlunargerðar fyrir árið 2016.

Lögð fram niðurstaða útboðs á byggingu flóttastiga á norðurhlið Ráðhúss. Engin tilboð bárust í verkið.

Stjórn Fasteigna Akureyrarbæjar samþykkir að verkið verði boðið aftur út síðar á árinu.

Eftirfarandi verkfundargerð lögð fram á fundinum:

Skautahöllin - endurnýjun á svelli: 1. fundur verkefnisliðs dagsett 18. mars 2015.