Umhverfisnefnd - 107

Tekin fyrir að nýju Jafnréttisstefna Akureyrarbæjar 2015-2019.

Sigríður Stefánsdóttir framkvæmdastjóri samfélags- og mannréttindadeildar mætti á fundinn og kynnti stefnuna.

Umhverfisnefnd þakkar kynninguna og samþykkir Jafnréttisstefnuna fyrir sitt leyti.

Kynning á starfsemi Vistorku.

Guðmundur Haukur Sigurðarson framkvæmdastjóri Vistorku og Sigurður Ingi Friðleifsson framkvæmdastjóri Orkuseturs mættu á fundinn.

Umhverfisnefnd þakkar Guðmundi Hauki og Sigurði Inga fyrir greinargóða kynningu á starfsemi Vistorku.

Jón Birgir Gunnlaugsson forstöðumaður umhverfismála fór yfir viðburði Samgönguviku sem hefst þann 16. september nk.

Lagt fram minnisblað, ódagsett, frá Dagbjörtu Elínu Pálsdóttur formanni umhverfisnefndar varðandi starfshóp.

Umhverfisnefnd samþykkir að Dagbjört Elín Pálsdóttir og Áshildur Hlín Valtýsdóttir skipi starfshóp um umhverfis- og samgöngustefnu fyrir Akureyri.